منتديات الـــود - كــم واحــدٍ جــده وخـــالــه صـعالـيـك

السلام عليكم ورحمة الله وبركاته

مساكم الله بالخير جميعاً

أخواني هذه القصيده للشاعر الكبير فيصل الرياحي .. القصيده اعجبتني وحبيت ان أطرحها في هذا المنتدى

لكي تشاركوني الرآي فيها .. وأرجو أن تحوز على رضاكم ..

ياقـلـب مـاغـيـري مـن الـنـاس يـوحـيـك .... لـيا قـمت تـصفـق بالحـشى صـفـقـة الـزنـك
الـيـا طـلـعـت مـن الـحـشـا ويـن أوديـــك ....هـل تـعـلـم إنـك بـيـن الأضـلاع مــســكـنــك
أنـا ادري إنــك ماتــخــبــر بــطــاريـــك .... لـــكــن دقـــاتـــك تـــبـيـــن مـــكــامــــنـــك
والــكـــذب والـتـزوير مـاهوب يـرضيك .... كـم واحــدٍ بـالكــذب والـــزور يـــمــحــنــك
يـقـول كـيـف الـحــال سـاعـة يـلاقــيــك .... مـاطـولك مـاطيـب مـنك ماعـرضك مازينـك
إن شـاف وجـهــك قــام عـجـلٍ يحـيـيـك .... وإن شاف ظـهــرك بـيـن الأكـتاف يطـعــنـك
نـاسٍ عـلـى مـافي جـيـوبـك تـصـافـيـك .... بصرف الـنظر عـن كـيف طـبعـك ومـعـدنــك
وإن بـاح جـيـبـك شـفـت مـحـدٍ يـدانيـك .... تـعــيــش بـيـن الــربــع مــعــيـشــة ضــنــــك
شـفـت الغـرايـب شـوف مـافـيه تشكـيك .... يـسـهـنـك مـن وقــتٍ الــبـــلا فـــيـــه يزبـنــك
ويـضحك بـك اللي عاجز ٍعـن هقاويـك .... لا فـاعـلٍ فـعـلـك ولا مـــعــــرض ٍعــــنـــــك
يــحـز فـي نـفـسه لـيـا طـاب طـاريــك .... يـــفــرح ليا مــن الـــبــلاوي تـــبـــــلــــنــــك
كــم واحـــد ٍظـلــك مـغـطـيـه يــوذيــك .... لــو هــــو ضـعــيـف ٍلـــو يــنــوشـنه شـبـنــك
إن واجـهـك فـي فـــرجـةٍ مـا يـلاقـيــك .... بـالـمـجـلس الـلـي تــســتــحي فــيــه يــفــتـنـك
كــم واحــدٍ جــده وخـــالــه صـعالـيـك .... اصـبـح مـــن اصـحـاب الــمــلايـيـن والـبـنــك
يالـلي جـمعـت الـمال لـياه يـطـغـــيــك .... إجــمـــع حـلالـه والــوصــخ بــــعــده عــنـــك
لابـــاس هـــذا رزق ربـك ومـعـطيــك .... لـكـن راســك كــبــر مــن كــبــر مــبــطــنــك
غــرك زمـانــك تحــسـب إنـه يخلـيـك .... دايـــم غــــنــي وكــل عــيـــن ٍتـــعــــايـــنـــك
ياخـــي تـــرا الأيـــام مـهمـا تراعـيـك .... وعــزت بــســاتـــيــنــك وقـــرت مـــكــايـنـك
دنـيـاك لـو ذعــذع هــواها تـفـاجـيـك .... تــســفـي عــلــيــك مـــن الــســوافـي وتدفـنـك
تــرا الــدهــر يـومـيـن والــعلم ينـبيـك .... يـوم ٍعـلـيـك ويــــوم لــــك ويــــش فـــاتــنــك
إن كــان مــاتــدرا زمانـك يــداريــك .... لا تـزعــل إن شــفـــتــه بـالأضراس يطـحـنك
هـذا الــزمـان الـلـي عـيـوبـه تـمـاتـيك .... يــصـفــي مــعـك مــره ومـــرات يــحـــزنـــك
فــكـر بــدربــك ثــم مـيـز مــواطـيـك .... وحـذراك مــــن دابٍ يــحــنــك الـقــدم حــنــك
الـيـوم قــانـــون الــعــدالـه يـنــاديـــك .... مـزبـــن مـــعــكـــفــة الــشــوارب ومــزبــنـك
إحـــذر إبـلـيس عن القوانيـن يصغـيك .... عـــزاه عـــن حــالــــك ومـــن عـــاد عــيـنـك
وإن كـــنـت فـي منصب تذكر لوالـيك .... فــــوق الــجــمــيــع الـلـه يـعـلــم بــــواطــنــك
إخــلــص وراع الـلي تـشـوفه يراعيك .... حـــســـب الــنـــظـــام وثــمــن الــلــي يـثمنـك
ورفــيـقـك الـلي في المواجيب يـشفـيك .... خــلـــك مــنـــه بــيــّن لـــوازم وهـــو مــنـــك
تـرا صــديـقك في غلا السوم يــشريك .... خــلــه كــمــا صـافـي الـذهــب وأنت مخزنـك
إلا إن كــانــه بـايـر قـــاطــع ٍفـــيـــك .... أعـــرض عــنـه لا ســـر عــيـنـك ولا أشحنك
ويـمـكـن يجيك مـوشـر لـسـان يغويك .... يــقـــول قـــال إفــلاان وإفـــلان ذا عـــــنــــك
لا تــسـتـمع لـه طـول الله مــعــالــيـك .... هـذا مــغــيــر بــكـلــــمــــة الــزور يــازنـــك
هــمــاز لــمـازٍ كـــذوبٍ يــــوريــــك .... بــــيـــض الــثــنــأيـا والـــفـــؤاد أسودٍ حــنـك
وده يـشـيــلــك ثـــم وده يــوطــيــــك .... لـــو أنــت كــحــــلٍ تــنــسـحن كـان يـسحـنـك
إن طــعــت قـوله لعب حتى يـدهويك .... غــسـلــك بـالــكـــذبــه وبــالـــزور كــفــنـــك
أنــتــه رجـل واكــلـك بيمناك يكـفيك .... مـانــتــه مــقــمـــع فــي يــد الـنـذل يـشــحـنـك
تــم الــكـلام الـلي بـنـيـتـه عـلى إيـك .... شـــطــر ٍ عـلى إيــــكٍ وشـــطــر ٍ على إنـــك

وتقبلوا فائق إحترامي وتحياتي

ودمـــــــــــــــــــــــــــــــــــــــــتم ’’’