بديت بسم الله عزيز الجلالي = الاهنا المعبود مرسي الجبالي
الكامل اللي يتصف بالكمالي = الخالق اللي بالمخاليق رحمان
ذكره علينا حق في كل حاله = الاهنا اللي ماعبدنا بداله
ونعوذبه من كل شرك وضلاله = واعوذبك يالله من كل شيطان
ومن بعد ذكر الله تزين التماثيل = ويزين بدع القاف جمله وتفصيل
وابدع جزيل القاف واكيل بالكيل = وانظم بيوت(ن) كنها عقد مرجان
قصيدة(ن) فيها المعاني صريحه = وفيها لطلاب المدارس نصيحه
نذيعها لاهل العقول المليحه = من منبر(ن) للعلم والعز ميدان
هذي نصيحه للتلاميذ بالذات = نصيحة (ن) مثل الذهب والجنيهات
نصيحة(ن)لاهل العقول الفهيمات = ومن طاعها يفلح على مر الازمان
انصح عن اهل الغش واهل البراشيم = واللي يحل بوادي الهيم بيهيم
والمجتهد يفلح صحيح المفاهيم = والغش ماينفع وراعيه ندمان
الغش حرمه الولي بين الانام = حرم علبنا الغش في دين الاسلام
ونتائجه مره على مر الايام = والغش دايم راعي الغش خسران
واللي نجح بالغش ماراح ديره = دايم وهوه في مشاكل خطيره
ومسيرته ياشينها من مسيره = دايم حلبف(ن) للفشل وين ماكان
ولاهوب مثل اللي نجح باجتهاده = اللي بذل مجهود لاجل الشهاده
والمجتهد دايم حليف السعاده = والمجتهد دايم مع الناس له شان
والطالب اللي يجتهد للنجاحي = اللي يذاكر بالمساء والصباحي
ينجح ويفلح مع طيور الفلاحي = ويعيش بالدنياء بلا هم واحزان
الطالب اللي يجتهد بالدراسه = يحفظ دروسه كلها وسط راسه
ولايجرفه تيار راع التعاسه = ولاينحرف مع شلة السؤ هيمان
وإختامها بعداد ماغرد الطير = واعداد ماهلة مزون الشخاتير
صلو على خير البشر يالمناعير = على النبي الهاشمي نسل عدنان