جبال ٍ من جبال خلقـت عقـب الجبـال جبـال=كـذا يبقـى مـع الوقـت سلايلهـا ومجراهـا
طحاطيح ٍ على المركا زحول ٍ ساعـة الأفعـال=شيـوخ ٍ لازمـا وجـه الكـلام وزان مركاهـا
وسقاك الله يادار مـن شـرق محقبـه تختـال=فعـول ٍ خلّـد التاريـخ بالله كيـف ينسـاهـا
من أم قريـن للخّمـه إلـى درب لقطـه مـال=نحر وجهه شمال وقـال هـذي مـن بقاياهـا
ديار ٍ لو تبي تنطـق تقـول أسكنتهـم أبطـال=عليها وش كثر خلّـد قصيـد المـدح ذكراهـا
مادام مطير ياخبـل تجيـب العلـم زود خبـال=تربع عرشها فوق الشمـوخ وطـال مسراهـا
فلا تبكي من الدنيـا ولا تشكـي علـي أحـوال=فعايلنـا مـن الأول علـى الثانـي جردنـاهـا
لنا في ماكر الأمجاد مجد ٍ صـار عـز وظـلال=ولنا يمكـن يجـي ألفيـن ٍ نـادر ماجحدناهـا
نحط الراس فوق الروس ياربـي لـك الإجـلال=انا من قوم ٍ يشرب لهيـب القيـظ مـن ماهـا
تبي تسمع بعد إسمع قصص وإضرب بها الأمثال=اهل عشر ٍ غدو جيش ٍ علـى ركـب ٍ تعداهـا
تبي تسمع بعد إسمع وعلّـق صـورة الأجيـال=تذكّر طايـره طاحـت بيمنـى مطيـر مثواهـا
تبي تسمع بعد إسمع وصـوره هـزة الزلـزال=تزلزل تحت قطعـان الجيـوب اللـي لحقناهـا
وأنا صعيري وأعرف إن الدلال الصفر ذيك دلال=ولكـن جـدد الفنجـال وأقــدع لا تحـراهـا
لاصاروا عز والعز على روس الرجـال رجـال=اجـل لا تقعـد تـردد علـوم ٍ ماأنـت ويّاهـا