يابسمة اطلب خوتك بس ليلة=مابيك ليلة ساعة لو سمحتي
انا ادري انة انتي اللي بخيلة=ماهو كرم همي خلاص انفضحتي
وحلم تبدد من نتاج الفصيلة=ياليتكي من عالم الناس زحتي
حنا نظنك للسعادة وسيلة=ونشوفكي في كل بحر سبحتي
مالمتي نفسك يوم صرتي جليلة=وفي ثغرة الحاقد لحقدة دمحتي
ويابسمة المحروم صرتي فشيلة=يضحك ودمعة فوق خدة سفحتي
ويابسمة التاية علامك هزيلة=واشوفكي مع دمعة الخوف سحتي
ويابسمة الود تمدحين وقليلة=ويابسمة الهزوة كم من جرحتي
ويابسمة الاحلام دمتي طويلة=ومع فزت ضلوعي من النوم فحتي
وفي مبسم المظلوم انتي قتيلة=وفي مبسم الظالم مراحك ربحتي
ساعات اشوفك خاينة لو فضيلة=وساعات اشوفك وافية لو طمحتي
بقلمي
رائـــــــــــــــد النايــــــــــف