امـــنيه انـــي أمــــوت...
............................
كلن تمنى في حياته اماني......وانا اتمنى امنيه اني اموت
مظلوم في دنيا بها الله بلاني......عايش ولاكن عايش انسان مكبوت
عايش يتيم ماعرفت الامانه......غصبن علي اقبل انا الظلم بسكوت
الحظ ضدي والبشر والزماني......بسبابهم همي بدا يلوتني لوت
حسره طوت قلبي وحزن(ن)طواني......الين حزني صار بالصدر منحوت
حتى حبيبي خان حبي وحناني......وحط بفمي علقم وانا مذوقه توت
خان المحبه صار شخص(ن) اناني......وحرم علي حتى اتصل اسمع الصوت
مادام صرحي انهدم مع كياني......وش تنفع الصرخه اذا فايت الفوت
أيوب لو ساعه يكون بمكانه......ماكان في صبره ترى تكتب بيوت
الموت ارحم من حياتي اعاني......ولا أظن في ارحم علي من الموت
ياسعد قلبي كان موتي لفاني......يازينها لا صار جسمي بتابوت
يارب حقق لي انا هالأماني......ارجيك يامنجي نبيك من الحوت
مادام مسموحه علينا الاماني......عندي امنيه وحده انا ودي أموت
والله امنيه وحده انا ودي أموت