؟؟؟ الجــــــــــــــــزء العاشر؟؟؟
88888888888888888888888888888888888
جلس بتعب في الصاله يتفرج على التلفزيون كان مقصر عليه لان امه جالسه تكلم
بالتلفون
لاحظ في شريط الاخبار
وبعدها صرخ من دون احساس:لااااااااااااااااا
ام احمد من الخوف رمت سماعه التلفون: بسم الله عليك وش فيك
احمد كان مثل التايه يدور له نقطه نور مسك الريموت كنترول وطول على الصوت
&ننقل لكم هذا الخبر العاجل وقوع طائره ركاب من نوع بوينغ 747 رحله رقم 535 في المحيط الاطلسي نتيجه عطل في المحرك الذي سبب سقوط الطائره بعد ربع ساعه من القاعها في نطاق ان القوات الكنديه كثفت قوات للبحث عن الجثث المفقوده حيث انه لم يتم العثور حتى الان الا عن عشر جثث من اصل 300 راكب عند حدوث أي جديد سنوافيكم بأهم الانباء
&&في خبر اخر مقتل اربع عراقين وثلاث جنود....................................
كان واقف ما قدر الا ان طاح في حاله انكار تامه مو مصدق اللي صار زياد زياد رااااح
ام احمد شافت ولدها سكرت التلفون وجت تركض: احمد وش السالفه وش صاير
احمد كان يناظرها بعيون مليانه دموع: لا حول ولا قوه الا بالله لا حول ولا قوه الا بالله
ام احمد طاح قلبها تأكدت ان الموضوع فيه موت احد:مين
احمد صوته يعبر عن حزنه المدفون: زياد يمه زياد
وبدى يبكي بضوت مكتوم على اعز اصحابه واخو دنيته مات وماتت جواه احساسيس كثيره فقد شخص من اعز الناس وقوه احتماله اضعف من كذا
ام احمد اللي بدت تبكي لانه في مقام احمد عندها فقدت ولد ولد ما يتقدر بالذهب قالت والبكاء يغطي على الكلام: الله يعينك يا ام سعد الله يصبرك الله يصبرك
&كانت نازله للمطبخ خذت عصيرها وطلعت الدرجتين الاولى سمعت كل شي وقفت دقيقه خمسه او ساعه ما حست برجلها وبجسمها كلها متجمده وحاسه بالبرد طاح الكاس منها وطلعت بسرعه البرق مرت جمب غرفه مي مي شافتها تركض خافت ولحقتها
مي جايه تركض: وش فيك
في وفي عمرها ما ظنت انها ممكن تقولها: مي زياااد زيااد
مي قرصها قلبها من سمعت اسمه ودموع في قالتها وما تبي تسمع الجواب:وش فيه
في ودموعها على خدها ترد على مليون سؤال: مات يا مي مات
مي طاحت مغمى عليها
في واهي تصيح : احممممممممممممممد احمممد الحقني
احمد طلع يركض يمسح دموعه ما يبي يبين لاحد ما عرف ...
دخل غرفه في لقى مي مغمى عليها وطايحه على الارض وفي جمبها تبكي وبكاها كل ماله ويعلى
احمد ينزل لمستواهم: وش فيها
في واهي تشهق:مدري مدري قوم خلنا نوديها المستشفى
دخلت ام احمد وشافت بنتها طايحه على الارض والثانيه تصيح مو عارفه السبب توقعت من خوفها على اختها
في كانت عندها مزيج من المشاعر المتضاربه تزعل انها فقدت الشخص الوحيد اللي حبته ايه احبه مو مصدقه انها قالت الكلمه وحياتي من دونه ما تسوي فراقه لها يعني فراق روحي لجسدي يارب صبرني على فراقه ياارب
احمد شال مي وطار بها مع في ام احمد اقرب مستشفى دخلو بها الطوارئ لها فتره ما ردت وكانت طيحتها قويه على الرخام ممكن عورت راسها&&
777777777777
ام احمد اتصلت وقالت لابو احمد عن اللي صار بس حذرته انه يقول لاي احد لحد ما يتأكدون من الخبر..
وصل ابو احمد اللي ترك كل شغله اللي كثر هاليومين بسبب مشاكل وفلوس تنفقد ما ينعرف مصدرها..
ابو احمد والخوف باين على وجهه: وش فيها اختك طمني
احمد والحيره على وجهه: مدري يبه طلعت فوق لقيتها مغمى عليها
ابو احمد:طيب وين الدكتور
احمد: شوي وبيطلع وبيطمننا انشاء الله
ابو احمد تغيرت ملامحه: طيب تأكدت من خبر وفاة>>وسكت
احمد رجعت عيونه تغرق بدموعه: يبه اكيد الاخبار واهو قالي ان بيوصل اليوم وحذرني اني ما اعلم احد عشان بيسويها مفاجأه >>ورجع يبكي
ابو احمد حزن من قلبه حط يده الدافيه على كتف ولده:ياولدي ادعي له بالرحمه وبعدين في امل يقولون مفقودين لسى ما لقو جثثهم
وحضن ابوه وصار يبكي على صدره كان يتمنى ان كلام ابوه كله صح وان في امل ان زياد يرجع كبر ايمانه بربه وحاول يصدق هالكلام
ام احمد وفي كانو في الانتظار....
وحده تبكي على حال بنتها اللي طاحت من دون سبب مو مصدقه ولدها اللي ما جابته ببطنها مات واشين موته ما لقوه بدت تبكي ودموعها تشق طريقها على خدودها...تدعي لامه بالصبر والسلوان...
اما في اللي كانت مو مصدقه تستنى احمد يدخل ويقول ان الموضوع كله مزحه لان زياد ما قال لاحد عن موعد رجعته الا لاحمد اللي حب يسويها مفأجأه
تعبت من التفكير وكرهت كل شي حولها ليش زياد يروح عنها ويتركها ليش اهو الشخص الوحيد اللي حبته
حست بحنانه لها مشاعره ونظراته كانت تحسسها بقيمتها واهميتها
دارت فيها الدنيا ورجعت تبكي بحرقه ...
صحت في غرفه بيضاء وكل شي فيها ابيض حسبت نفسها ميته كان ريقها ناشف وتدور كاس مويه في أي مكان فتحت عيونها تدور شي
شافت في جالسه اول ما شافتها تناظر حولها قامت لها بسرعه
في بلهفه: ها ميوو كيفك الحين
مي بتعب: عطشانه ابي موويه
في تدور كاس مويه : ها تفضلي
شربتها وسحبت الكرسي وجلست جمبها وتحاول تمنع دموعها من انها تنزل : كيفك الحين تعبانه
مي تذكرت سبب طيحتها في الاساس ورجعت تبكي بحرقه مسكت المفرش وغطت وجهها: في اطلعي برااا ابي اجلس لحالي
في وقفت عندها : مي يا حبيبتي لا تبكين امسكي نفسك وادعي له بالرحمه
يوم سمعت كلمت اختها زادها صياح...
في ما قدرت تمسك نفسها اكثر كانت متماسكه بس ما تدري ان اختها متدمره واهي منهاره اكثر منها
تبي تبكي على حظها على حزنها على نفسها وعليه ..
مي من تحت المفرش وصوتها كل بكي: وين امي ابي امي
في : امي واحمد وابوي برا الحين بيجون ما يدرون انك صحيتي مي امسكي نفسك قدامهم لا تحسسينهم بشي الله يخليك الله يخليك >>وجلست تبكي
مي رفعت المفرش عن وجهها بعد ما انتبهت لصوت اختها اللي تغير في لحظه
شافت في منزله راسها ودموعها انهار
مي مدت يدها : في امسكي نفسك انا بمسك نفسي بحاول الله يخليك محتاجتك جمبي تكونين قويه
في رفعت عيونها في عيون مي: انا بحاول بس
مي صوتها مخنوق: انتي تحبينه
في فتحت عيونها :...................
مي : في لا تحسبني غبيه انا شفت وشلون تغيرتي وشلون تتصرفين لما يكون موجود في انا اختك واحس فيك انا عارفه انك خايفه على مشاعري عيونك كانت تلمع لما تشوفينه انا مو غبيه يا في مو غبيه انا اسفه انا >>ما قدرت تكمل كلامها وبدت نوبه صياح مره ثانيه
كملت: انا اسفه اني حرمتك منه خفتي انك تجرحيني والله اني احبك واهم شي تكونين سعيده انا خلاص زياد نسيته من زمان من زمان
يتبع>>