منتديات الـــود - عرض مشاركة واحدة

بنت قطر* · 01-12-2008, 10:32 AM

[ .. قــصــآئــدهـ .. ]

على هوى الخفاق عنّيـت الأقـدام
ولا نشدت القلـب وشهـي نوايـاه
يوم إن لي قلـبٍ شجيـعٍ وعـزّام
ويوم إن سلم الطيب نهجه ومبـداه
ويوم الأمل باقي على كـف الأيـام
ما جابتـه سـود الليالـي قبلنـاه
لو إن قلبي فيـه مـن وقتـه آلام
الصبـر عـاده للرجـال المسمـاه
إن طولت دنيـاي مانيـب منضـام
من فضل من فاضت علينا عطايـاه
أعيش عيشة حـر جـازم ومقـدام
وطريق ربعٍ تكسب الطيب والجـاه
أركض وأجيب أرقام وأحطم أرقـام
ورجلي على درب المراجل مضـراه
وإن مت، أنا مخلوق من جلد وعظام
يرحمني اللـي كـل خلقـه ترجـاه
يالله يا معطـي جزيـلات الأنعـام
مـدّك ، ولا مـد الوجيـه المهبـاه
الحلم ما ساعـد مجمّعـة الأحـلام
واللي زرع له زرع يحسب لمجنـاه
والعمر زرع، وكل زرعٍ لـه حطـام
ولا بد ماهوج العواصيـف تـذراه
والتجربه والديـن للعاقـل أخصـام
يشوف بعيونـه ويحسـب خطايـاه
والمرجلة وهبـة ولا كـل مـن رام
رجم المراجل شـد حيلـه وعـداه
والعز في رفقـة مشاكيـل وحشـام
والجمر يونس حرّته مـن توطـاه
الطيـر يالـولا الجناحيـن ماحـام
والحمل لـولا عزمنـا مـا قوينـاه
والدين مفتاح الفرج ديـن الاسـلام
ومنهج رسولٍ جـاء لنـا واتبعنـاه
ترى العمر يطوى مثل طيّـة الخـام
والرابح اللي سـد دينـه و وفـاه
عيّنت ربع العام واللي ورى العـام
أطيبهم اللي مابقـى غيـر ذكـراه
وحنا بعدهـم والوعـد حـق قـدام
يالله تغفـر كـل ذنــبٍ جنيـنـاه

================

للشعر قومه وانا واللي سواتـي نقـوم
والشعر وحروفه العسرات لعبـة يـدي
ياصاحبي ياسند جنبي فدتـك الرخـوم
ضاع الرجا في بعضهم مع ضياع جهدي
عطني علومك واخذ مني بدلهـا علـوم
دام المسافة طويلة والبسـاط احمـدي
ياغربة الوقت فالواقع تضيـع الحلـوم
ياواقعٍ عايشه بيـن الشقـا وسهـدي
واقلبي اللي تحمل من زمانـه همـوم
وارجلي اللي تثنت بـي علـى مقعـدي
مقسوم ياقلب يوم إن العطايـا قسـوم
تشيل ضيم الزمـان وفتنـة المعتـدي
تسام ياقلب عـن زلاتهـم ومحشـوم
اللي خذو طيب فعلـي مدخـل لمنقـدي
قد قال أبويه رحمه الله قـوي العـزوم
وصيـة ثابتـه قـد قالهـا مسـنـدي
إن كان مابان لك ميقاف وقت اللـزوم
وقت الرخا مانبيـك تقـوم ولا تعـدي
معاد ابي كلمة اجلس واسترح ومخدوم
يامقبلات الليالي كان عشـت اشهـدي
لكن عندي رسالـة مرسلـة للعمـوم
مضمونهـا كلمتيـن ودل يـا مهتـدي
لو كل رجـال لاجيتـه يسـد اللـزوم
ماكان جاء فرق مابين الظفر والـردي
والوقت غدار والدنيا تـرى مـا تـدوم
وبيض الليالي غشاها ليلها الاسـودي
يوم من العمر يسوى له ثمانيـن يـوم
ويوم من العمر ما يحسب ولو يبتـدي
ودام اتكالي علـى ربٍ عزيـزٍ رحـوم
والله ما احسب حساب الجاهل المرتـدي
ومادام رزقي قبل ماخلق ثبت ومعلـوم
ما ضرني ماغدا لي يـوم كفـي نـدي
ومادام لي شرهة تاصل حدود النجـوم
أمـوت ماقلـت لاي انسـان ياسيـدي
والعز للي نوحـد لـه صـلاة وصـوم
سبحانـه الأول الـرزاق والمبـتـدي
هذي علومي مدام انك طلبـت العلـوم
يوم المسافة طويلة والبسـاط احمـدي

====================

عسى الله يزين مابقى في العمر ياسعود
وترتاح روحٍ من عنى الوقت مهمومـه
ياقصر النهار وكم عليّه تطـول السـود
مقاديـر يـا قلبـي وكلـن ومقسومـه
وأنا وأنت ياقلبي قطعنا وعـد وعهـود
على الصبر لين الحظ ينهض عقب نومه
عزاك إن ربك ساق لك غاية المقصـود
وعزاي إن فرحي في السما لاحت نجومه
الا يالفريد اللي عليهـم خذيـت الـزود
فداك الخفوق ونفـح طيبـه ويشمومـه
تبسم بثغـر ضـم لـه لولـو معقـود
وسلهم برمش صوب القلـب بسهومـه
وتهمس بحكي يودع العاشـق الملهـود
من سنين عمره مايحسب قبـل يومـه
وجسم وعود لا طرقتـه هبـوب النـود
تمايل ومال القلب ثم ضاعـت علومـه
تبي تستـره لكـن كنـك كشفتـه زود
حياوي ولكن بان مـا تستـر هدومـه
جمعتي ليان القطن مع قسوة الجلمـود
خفيفه وبعض احيان بالحمل مضيومـه
ولك بسمة منها تذوب الجبـال السـود
وأنا فرحتي لا شفت بسمتـك مرسومـه
بنيت (إ)لك في وسط الحشا منزل مشيود
وحمكت إلك روح قبل ماهي بمحكومـه
محبة وفا تكرم عـن العيـب والمنقـود
مهي لعب جهـال وعلاقـات ملغومـه
أقوله وأنا قلبي عليـه الحمـول تكـود
ولكن اجاهـد وارغـم القلـب والومـه
واذا كان قلبي بالفرح والسعـد موعـود
ترى بسمتـك تشفيـه وتعالـج ثلومـه
تبسم فديتك لا تضايـق وانـا موجـود
على كثر همي خاطرك عطني همومـه

=====================

هاجت بحور الشعر والهاجوس هـاض
وسجلت من صاف القريحة ما يعـوض
يعوض في شعـرٍ يجيـب الامتعـاض
فرايـدٍ طاعـت ولا فيهـا غـمـوض
كله لعين اللي سكـن وسـط الريـاض
لو بعض سكان المدن مـات مغمـوض
توج على كـل الجميـلات الغضـاض
أخذ عليهن صـك مـا يقبـل نقـوض
مكمـل بالزيـن غاشـيـه البـيـاض
طلـة جبينـه ضـوح بـراق ينـوض
حتـى كلامـه كـن نطقـه باقتـراض
كنه على نطق الحكـي يدفـع قـروض
يتـل قلبـي لا لمحـنـي ثــم راض
وده ويخشـى هـرج نمـامٍ غيـوض
يا عيـن حـر تـل سبقـه بانتهـاض
من كف نايف عقب ما تـم الفـروض
أميرنـا اللـي لازمـا ضـده وغـاض
يروضه بالسيـف ليـن إنـه يـروض
وشقر على متنـه منقضهـن نقـاض
واليا نـوى ذبحـي تركهنـه قضـوض
زامي نحر والا الخصـر فيـه انقبـاض
واليا جلس حلفـت مايقـوى النهـوض
أوامـره تمشـي ولا فيهـا اعتـراض
كنها تصانيف (إبنُ أحمد) في العـروض
وده عمر في القلـب مجدبـة الفيـاض
يا طيب حظـي معـه والدنيـا حظـوظ
ولجلة طرقت بحور شعرٍ مـا تخـاض
في معجز اوصافه عجز شعري يخوض

====================

يابو الخـدود المترفـات الرقاقـه
ياعين حرًّ في طويـل الشواهيـق
ياللي شكى مما حمل عظـم ساقـه
إسمع كلام اللي حظوظـه تخافيـق
يا صاحبي ماعاد في القلـب طاقـه
على الهموم وغربة الروح والضيق
يا صاحبي والصبـر مـرّن مذاقـه
وأنا تجرعته على نشفـة الريـق
يا أعز و أغلى من ربطني وثاقـه
ما غيرك أحدن دثرتـه المعاليـق
لك منزلٍ مـا فيـه مخلـوق فاقـه
ولك قيمةٍ فاقت جميـع المخاليـق
اصون ذكرك عـن كـلام الحماقـه
وعن كلمة الشامت وحكي المطافيق
مديت لك كف الرضـا والصداقـه
وكتبت فيك من الفرايـد طواريـق
وقدمت لك من يانـع الـورد باقـه
قصايـدٍ كـم رددوهـا العشاشيـق
وعطيتني من كاس حبـك ذواقـه
وأنا عطيتك نبع قبلـك فـلا ذيـق
وفتحت لك بين المحاديـب طاقـه
وصكيت في وجهي وساع الطواريق
أشفق على شوفك ووصلك شفاقـه
وأثرك تحاول بالجفـا و التفاريـق
ما قبلك احدن هزنـي فـي فراقـه
من راح عنّي جعل دربـه توافيـق
ما اسلك مساليك الـدروب الدقاقـه
أصبر لو إن الحمل ما شاله طويق
شف قلبي اللي زاد فيـه اشتياقـه
وشف دمعي اللي غرق الخد تغريق
حفظت عهد الحب والزيـن باقـه
وأنا عليه غصون قلبـي مدانيـق
مير المنافـق مـا يسـره نفاقـه
تجيبـه الأيـام لا صـار تحقيـق
لكن لـو دمـي سريـع احتراقـه
العهد تحفظـه الرجـال المطاليـق
بصون حبك لـو قطعـت العلاقـه
وحنا عوايدنـا نصـون المواثيـق

=====================

القلب مدهال الهمـوم المراديـف
يشـن غاراتـه ويسـرج خيولـه
وطول الصبر قد الضلوع المهاديف
والنفس مما أكنى جزوع وملولـه
ياخي تعبت من الزمن والتكاليـف
وهموم وقـتٍ مرهقتنـي حمولـه
وتعبت من هرج الضعوف الملاقيف
لولاي حيٍّ مـا لقـت مـا تقولـه
وتعبت من مرقى طوال المشاريف
تعب القدم من طلعته مـع نزولـه
وتعبت من تبع العذارى الغطاريـف
ماعاد لي في الحب عرضه وطوله
يا كثر هـمٍ لاجـيٍ بالسراجيـف
أودع معاليـق الضميـر معلولـه
من عقب مرواحي نويت المناكيف
وهوّنت عن ما كنت مبطي أقولـه
أبا أشكر الله لو لحقنـي تخاليـف
سبحانه اللي مـا تعـدد فضولـه
ما حط للخايب جميـل ومعاريـف
عزيت نفسي عن (مرقّع سمولـه)
اللي رقا العليـا بكثـر السواليـف
عرفت معدن جوهره من اصولـه
رفيقي اللي يحمل الظيـم والحيـف
وفي لازمي بيّد سمـاري ذلولـه
اللي ليا عـدّو زحـول العواريـف
يقدم بيمنىً في المواقـف فعولـه
عشرين عامٍ بينت شي ما شيـف
رحلة تجـارب والليالـي عجولـه

===================

والأن مــن لآيــشهــد بــتميـز هـذآ الشـآعــر .. ؟

صــح إلــســآنــــهـ وأعتـلى شــآآنه

هـنــآآكـ المـزيـد من هــذهٍ الــرووعـــه ولـكـن مــن بغـهـآآ لـقـآهـآآ

[/SIZE]

01-12-2008, 10:32 AM	رقم المشاركة : 78
بنت قطر* ( وِد ذهبي )	[ .. قــصــآئــدهـ .. ] على هوى الخفاق عنّيـت الأقـدام ولا نشدت القلـب وشهـي نوايـاه يوم إن لي قلـبٍ شجيـعٍ وعـزّام ويوم إن سلم الطيب نهجه ومبـداه ويوم الأمل باقي على كـف الأيـام ما جابتـه سـود الليالـي قبلنـاه لو إن قلبي فيـه مـن وقتـه آلام الصبـر عـاده للرجـال المسمـاه إن طولت دنيـاي مانيـب منضـام من فضل من فاضت علينا عطايـاه أعيش عيشة حـر جـازم ومقـدام وطريق ربعٍ تكسب الطيب والجـاه أركض وأجيب أرقام وأحطم أرقـام ورجلي على درب المراجل مضـراه وإن مت، أنا مخلوق من جلد وعظام يرحمني اللـي كـل خلقـه ترجـاه يالله يا معطـي جزيـلات الأنعـام مـدّك ، ولا مـد الوجيـه المهبـاه الحلم ما ساعـد مجمّعـة الأحـلام واللي زرع له زرع يحسب لمجنـاه والعمر زرع، وكل زرعٍ لـه حطـام ولا بد ماهوج العواصيـف تـذراه والتجربه والديـن للعاقـل أخصـام يشوف بعيونـه ويحسـب خطايـاه والمرجلة وهبـة ولا كـل مـن رام رجم المراجل شـد حيلـه وعـداه والعز في رفقـة مشاكيـل وحشـام والجمر يونس حرّته مـن توطـاه الطيـر يالـولا الجناحيـن ماحـام والحمل لـولا عزمنـا مـا قوينـاه والدين مفتاح الفرج ديـن الاسـلام ومنهج رسولٍ جـاء لنـا واتبعنـاه ترى العمر يطوى مثل طيّـة الخـام والرابح اللي سـد دينـه و وفـاه عيّنت ربع العام واللي ورى العـام أطيبهم اللي مابقـى غيـر ذكـراه وحنا بعدهـم والوعـد حـق قـدام يالله تغفـر كـل ذنــبٍ جنيـنـاه ================ للشعر قومه وانا واللي سواتـي نقـوم والشعر وحروفه العسرات لعبـة يـدي ياصاحبي ياسند جنبي فدتـك الرخـوم ضاع الرجا في بعضهم مع ضياع جهدي عطني علومك واخذ مني بدلهـا علـوم دام المسافة طويلة والبسـاط احمـدي ياغربة الوقت فالواقع تضيـع الحلـوم ياواقعٍ عايشه بيـن الشقـا وسهـدي واقلبي اللي تحمل من زمانـه همـوم وارجلي اللي تثنت بـي علـى مقعـدي مقسوم ياقلب يوم إن العطايـا قسـوم تشيل ضيم الزمـان وفتنـة المعتـدي تسام ياقلب عـن زلاتهـم ومحشـوم اللي خذو طيب فعلـي مدخـل لمنقـدي قد قال أبويه رحمه الله قـوي العـزوم وصيـة ثابتـه قـد قالهـا مسـنـدي إن كان مابان لك ميقاف وقت اللـزوم وقت الرخا مانبيـك تقـوم ولا تعـدي معاد ابي كلمة اجلس واسترح ومخدوم يامقبلات الليالي كان عشـت اشهـدي لكن عندي رسالـة مرسلـة للعمـوم مضمونهـا كلمتيـن ودل يـا مهتـدي لو كل رجـال لاجيتـه يسـد اللـزوم ماكان جاء فرق مابين الظفر والـردي والوقت غدار والدنيا تـرى مـا تـدوم وبيض الليالي غشاها ليلها الاسـودي يوم من العمر يسوى له ثمانيـن يـوم ويوم من العمر ما يحسب ولو يبتـدي ودام اتكالي علـى ربٍ عزيـزٍ رحـوم والله ما احسب حساب الجاهل المرتـدي ومادام رزقي قبل ماخلق ثبت ومعلـوم ما ضرني ماغدا لي يـوم كفـي نـدي ومادام لي شرهة تاصل حدود النجـوم أمـوت ماقلـت لاي انسـان ياسيـدي والعز للي نوحـد لـه صـلاة وصـوم سبحانـه الأول الـرزاق والمبـتـدي هذي علومي مدام انك طلبـت العلـوم يوم المسافة طويلة والبسـاط احمـدي ==================== عسى الله يزين مابقى في العمر ياسعود وترتاح روحٍ من عنى الوقت مهمومـه ياقصر النهار وكم عليّه تطـول السـود مقاديـر يـا قلبـي وكلـن ومقسومـه وأنا وأنت ياقلبي قطعنا وعـد وعهـود على الصبر لين الحظ ينهض عقب نومه عزاك إن ربك ساق لك غاية المقصـود وعزاي إن فرحي في السما لاحت نجومه الا يالفريد اللي عليهـم خذيـت الـزود فداك الخفوق ونفـح طيبـه ويشمومـه تبسم بثغـر ضـم لـه لولـو معقـود وسلهم برمش صوب القلـب بسهومـه وتهمس بحكي يودع العاشـق الملهـود من سنين عمره مايحسب قبـل يومـه وجسم وعود لا طرقتـه هبـوب النـود تمايل ومال القلب ثم ضاعـت علومـه تبي تستـره لكـن كنـك كشفتـه زود حياوي ولكن بان مـا تستـر هدومـه جمعتي ليان القطن مع قسوة الجلمـود خفيفه وبعض احيان بالحمل مضيومـه ولك بسمة منها تذوب الجبـال السـود وأنا فرحتي لا شفت بسمتـك مرسومـه بنيت (إ)لك في وسط الحشا منزل مشيود وحمكت إلك روح قبل ماهي بمحكومـه محبة وفا تكرم عـن العيـب والمنقـود مهي لعب جهـال وعلاقـات ملغومـه أقوله وأنا قلبي عليـه الحمـول تكـود ولكن اجاهـد وارغـم القلـب والومـه واذا كان قلبي بالفرح والسعـد موعـود ترى بسمتـك تشفيـه وتعالـج ثلومـه تبسم فديتك لا تضايـق وانـا موجـود على كثر همي خاطرك عطني همومـه ===================== هاجت بحور الشعر والهاجوس هـاض وسجلت من صاف القريحة ما يعـوض يعوض في شعـرٍ يجيـب الامتعـاض فرايـدٍ طاعـت ولا فيهـا غـمـوض كله لعين اللي سكـن وسـط الريـاض لو بعض سكان المدن مـات مغمـوض توج على كـل الجميـلات الغضـاض أخذ عليهن صـك مـا يقبـل نقـوض مكمـل بالزيـن غاشـيـه البـيـاض طلـة جبينـه ضـوح بـراق ينـوض حتـى كلامـه كـن نطقـه باقتـراض كنه على نطق الحكـي يدفـع قـروض يتـل قلبـي لا لمحـنـي ثــم راض وده ويخشـى هـرج نمـامٍ غيـوض يا عيـن حـر تـل سبقـه بانتهـاض من كف نايف عقب ما تـم الفـروض أميرنـا اللـي لازمـا ضـده وغـاض يروضه بالسيـف ليـن إنـه يـروض وشقر على متنـه منقضهـن نقـاض واليا نـوى ذبحـي تركهنـه قضـوض زامي نحر والا الخصـر فيـه انقبـاض واليا جلس حلفـت مايقـوى النهـوض أوامـره تمشـي ولا فيهـا اعتـراض كنها تصانيف (إبنُ أحمد) في العـروض وده عمر في القلـب مجدبـة الفيـاض يا طيب حظـي معـه والدنيـا حظـوظ ولجلة طرقت بحور شعرٍ مـا تخـاض في معجز اوصافه عجز شعري يخوض ==================== يابو الخـدود المترفـات الرقاقـه ياعين حرًّ في طويـل الشواهيـق ياللي شكى مما حمل عظـم ساقـه إسمع كلام اللي حظوظـه تخافيـق يا صاحبي ماعاد في القلـب طاقـه على الهموم وغربة الروح والضيق يا صاحبي والصبـر مـرّن مذاقـه وأنا تجرعته على نشفـة الريـق يا أعز و أغلى من ربطني وثاقـه ما غيرك أحدن دثرتـه المعاليـق لك منزلٍ مـا فيـه مخلـوق فاقـه ولك قيمةٍ فاقت جميـع المخاليـق اصون ذكرك عـن كـلام الحماقـه وعن كلمة الشامت وحكي المطافيق مديت لك كف الرضـا والصداقـه وكتبت فيك من الفرايـد طواريـق وقدمت لك من يانـع الـورد باقـه قصايـدٍ كـم رددوهـا العشاشيـق وعطيتني من كاس حبـك ذواقـه وأنا عطيتك نبع قبلـك فـلا ذيـق وفتحت لك بين المحاديـب طاقـه وصكيت في وجهي وساع الطواريق أشفق على شوفك ووصلك شفاقـه وأثرك تحاول بالجفـا و التفاريـق ما قبلك احدن هزنـي فـي فراقـه من راح عنّي جعل دربـه توافيـق ما اسلك مساليك الـدروب الدقاقـه أصبر لو إن الحمل ما شاله طويق شف قلبي اللي زاد فيـه اشتياقـه وشف دمعي اللي غرق الخد تغريق حفظت عهد الحب والزيـن باقـه وأنا عليه غصون قلبـي مدانيـق مير المنافـق مـا يسـره نفاقـه تجيبـه الأيـام لا صـار تحقيـق لكن لـو دمـي سريـع احتراقـه العهد تحفظـه الرجـال المطاليـق بصون حبك لـو قطعـت العلاقـه وحنا عوايدنـا نصـون المواثيـق ===================== القلب مدهال الهمـوم المراديـف يشـن غاراتـه ويسـرج خيولـه وطول الصبر قد الضلوع المهاديف والنفس مما أكنى جزوع وملولـه ياخي تعبت من الزمن والتكاليـف وهموم وقـتٍ مرهقتنـي حمولـه وتعبت من هرج الضعوف الملاقيف لولاي حيٍّ مـا لقـت مـا تقولـه وتعبت من مرقى طوال المشاريف تعب القدم من طلعته مـع نزولـه وتعبت من تبع العذارى الغطاريـف ماعاد لي في الحب عرضه وطوله يا كثر هـمٍ لاجـيٍ بالسراجيـف أودع معاليـق الضميـر معلولـه من عقب مرواحي نويت المناكيف وهوّنت عن ما كنت مبطي أقولـه أبا أشكر الله لو لحقنـي تخاليـف سبحانه اللي مـا تعـدد فضولـه ما حط للخايب جميـل ومعاريـف عزيت نفسي عن (مرقّع سمولـه) اللي رقا العليـا بكثـر السواليـف عرفت معدن جوهره من اصولـه رفيقي اللي يحمل الظيـم والحيـف وفي لازمي بيّد سمـاري ذلولـه اللي ليا عـدّو زحـول العواريـف يقدم بيمنىً في المواقـف فعولـه عشرين عامٍ بينت شي ما شيـف رحلة تجـارب والليالـي عجولـه =================== والأن مــن لآيــشهــد بــتميـز هـذآ الشـآعــر .. ؟ صــح إلــســآنــــهـ وأعتـلى شــآآنه هـنــآآكـ المـزيـد من هــذهٍ الــرووعـــه ولـكـن مــن بغـهـآآ لـقـآهـآآ [/SIZE]