[عاشق الأحساس]

اغنية عن الام

إلى أمي رحمة الله عليها .. أهدي هذا النص المتواضع ..



في ليلة مظلمة جتني ..

على غير الوعد جتني ..

تشيل الهم بيديها ..

وبقايا دموع تمحيها ..

دنت مني ..

تناظرني وتناظرني ..

وتتفحص ..

يمين شمال..

وشافت حال ..

غير الحال ..

شماغ ..

ومكتبة ..

وعقال ..

وقاع ٍ احتظن معلاق ..

وكوم أوراق ..

بها لوعة ..

هوى وفراق ..

وفي هاك الركن سجّت ..

وكن الأرض بي رجت ..

ما ابيها تكشف اوراقي ..

ما ابيها تنظر أشواقي ..

ولا ابيها بعد تعرف ..

بأني ما وفيت بيوم ..

واني الحارم المحروم ..

ندهتلها ..

أبيها تفارق السجّه ..

ندهتلها ..

وانا ما أملك الحجه ..

وقلت أهلين يا يمه ..

تعالي زيحي الغمة ..

تعالي ..

أشبعه شوفك ..

واقبّل ..

باطن كفوفك ..

ندهتلها ..

وندهتلها ..

وندهتلها ..

وندهتلها ..

وهي ..

في غمرة السجّه ..

وتحتي الأرض مرتجه ..

وفي لحظه !!

تلدّ بعينها ..

صوبي ..

تقول وليدي ..

محبوبي ..

تشوف الركن ..

وذاك الرف ..

ودفتر طاح .. جنبه ظرف ..

أبيك تجيب لي الدفتر ..

لجل تقراه ..

سطر ٍ سطر ..

أبي أعرف ..

عن أسرارك ..

واغوص .. بغبة أغوارك ..

وأشوف إن كان لي أوفيت ..

في بوحك ..

واشعارك ..

نكست الراس ..

واحنيته ..

ودمع الموق ..

هليته ..

وقلت بخاطري .. والله ..

أبد في يوم ما غبتي ..

سكنتي فيني ..

وعشتي ..

ولو قلتي أنا ما احس ..

بقول : ياليت ما رحتي ..

وقلت وقلت ومهما قلت ..

رضاها ما بعد قد نلت ..

وراحت ..

والمحتني بعين ..

وقالت ..

يابعد هالعين ..

شوف الظرف ..

فوق الرف ..

أبي تقراه حرف ٍ حرف ..

وجيته والفكر محتار ..

واقول بخاطري بقراه ..

ولو بيصير ..

ومهما صار ..

فتحته ..

وارتعش جسمي ..

لقيت أمي ..

فديت أمي ..

تقول ألحين ..

لك عشرين ..

وعمرك ..

خمسه وعشرين ..

ولا عمرك ..

وانا أمك ..

في يوم من العمر ..

قد مرّ ..

تذكرته ..

غلا أمك ،،