[همس البوح]

	الشعر في وجه المهب والقاف في راسه لهب ابا اتنومس واوقد الابيـات وابـري حالهـا فوق الطويله بعتلي وامدح عزيزين النسـب اللي يزلزل شامخ الضلعـان ذكـر ابطالهـا حنا جهينة من قضاعه راس من روس العرب نسل الصحابه والمهابـه ناصبيـن جبالهـا زكا نسبنا الهاشمي ثـم فضلـه فيمـا كتـب عنه البخاري فالصحيح اللي حفـظ منزالهـا في معركة بدر واحد ضدينا جيش ابو لهـب وفي فتح مكه الف فـارس كابـدوا اهوالهـا منا فدائي الرسول ابن انيـس اللـي جلـب راس الكفر ساعة تحصن بين شوس رجالها حنا جهينة عزوة ابن غنيـم فكـاك النشـب عفو المساجين انكتب باسباب نخـوه قالهـا اللي طمع فينا نشب واللي بغا الغـاره عقـب مايدري انـا قـوم شينـه لا تكـدر بالهـا نارد من حياض المنايـا لا تغشتنـا الركـب نطرب على صوت المدافع لا انسحب موالهـا بالمعركه لامن تعزوا رجـل منـا واعتصـب تهتز اراضيها غضب تمطر عـذاب خيالهـا غرنا على تجهيزة الالمان واحدثنـا العجـب بقيـادة الشيـخ الرفاعـي حالهـا يرثالهـا وحنا هل الهجن الاصايل والمكارم والشبـب واصل الشجاعه والقناعه نرتكز فـي جالهـا عز الخوي اللي رماه الموج في بحر العتـب زبن الدخيل اللي جذب فرسان مـن مدهالهـا ابخلنا من شاف الكرم اطيب من عقود العنب واضعفنا لو يلقى الحمول بمثل رضوى شالها