تكـــــفيني الــــذكرى ... تمتع بدنياك
دوّر على غـــــيري ... لا تلتـفت لي
دوّر على اللي يسعدك و يتبع رضـــاك
وأنا بداري حسرتي .. لا طرت لي
أحيا على الذكرى ولا يمكن .. انساك
باماشي سنيني ولــو .. ما صفت لي
على الأمل بأحيي سنيني .. بذكراك
لو هي عنيده قاسيه .. ما مشت لي
اخطيت يوم إني اخفّي .. خفاياك
وغيوم ياسي من جـــــفاك امطرت لي
ضحّكتني .. بكّيتني ..حرت وياك
حتى عيون الناس منّك .. بكت لي
يوم اتذكـــر .. قصة الحــب هذاك
واشواقـــك اللي في البدايه حــكت لي
تخنقني العبره .. واناديك ما اقساك
ما اقساك .. يا شــوقٍ نــويته بـقتلي