في المستشفى ---- جناح رقم 36------
عندما تتحدث القلوب المرهفة لتعلن عن جمال عـذب !
و حيث تقيم العذوبة الناشئة عن التفاهم والحب المتكامل
نــــجد :
ضي منسدحه على السرير الابيض .... ( عندها موعد و إجراءات روتينية لأي حامل )
وخالد ماســــــــــك يدها ويطمــــــــنها
ضي : حبيبي ليش ما تطلعني خلاص مو لازم نعرف هو بنت او ولد اتركها سربرايز؟
خالد يبوس يدها : لا حبي انا متحمس لولدي او بنتي اللي انتِ امهم
ضي : ياحبي اللي يسمعك يقول اول مره تشوف عيال لك ..؟
خالد : ايه ياقلبي عندي عيال واحبهم موت بعد بس متحمس مره اشوف ولدي منك
ضي : اخاف يصير بار فيك بس يطلع يشبهك وانا يجحدني ...؟
خالد : هههههههههه من هالناحية تأكدي اجل انه نسخه مني
ضي : حبيبي اليوم ما مريت على شغلك توكل على الله ولا تخاف علي
خالد : لا اليوم ماسكة اجلس معك عندك مانع هههههههههه << كانه حاس ياعيني على الحب الراقي
ضي : لا قلبي بس خايفه اعطلك ...
خالد قاطعها : انا اصلا مااتعطل إلا اذا بعدت عنك حبيبي
ضي : اقول ترى ولدك قام يغار صار يتحرك في بطني يبي يطلع ههههههههه
خالد حط يده على بطنها : والله انا شكلي بغار منه اخاف يأخذك مني وتنسين ابوه
ضي تتسند على كتف خالد : وانا اقدر...
خالد : اكيد لا هههه
ضي : يا واثق ههههه...
خالد عطاها بوسة مع راسها : يابعد راسي والله انتِ ...... وصار يطمنها
خالد : بتغداء معك اليوم وش نتغدا حبيبي ؟
ضي : يؤ لا لازم تروح الشركة اخاف ابوي يسبقك في المشاريع ثم يتهمني اني انا اللي مشغلتك ويأخذني عنك ههههه
خالد : تهقين ابوك يسويها هههههه
ضي : أي ليش لا ههههه
حالد : لا تحاولين اليوم متغدي عندك متغدي ان شالله ولو على كيفي نمت هنا عندك بعد ههههه
ضي : والله مجنون تسويهاههههههههه
خالد : والله انا كنت عاقل بس يوم حبيتك طار عقلي
ضي : يؤ ايوووه يلا حط كل شيء فيني ثم صرخت : آآآآآآآه بطني
خالد قام : بسم الله عليك انادي الطبيب
ضي : هههههههه امزح معاك ياخواف ....
خالد : ههههه خلاص كل شيء فيني بس لاتعصبين فديتك
( يا إلهي لم أعلم أن للشر عينين كبريتين )
< يا إلــــــــهي لســــــــت أعلــــــــم أي عالـــــــــم حائر هذا ...!!
تغذوه الآهـــــــات و يســـــــــتوطن أضلـــــــــعــه الألـــــــــم !! >
في ذاك المــــــــــستشفى .....
نجد تلك الممرضة التي تسابق الخطى ...
وقد لمح البعض كثرة ترددها لهذا القســـم اليوم على غير المعتاد...
نســــــــــمات قـــــــــــذرة بقذارة ضميــر أصحابها !
و نظـــــــــــرات ملـــــــوثة بطابع المؤامـــرة المــادية البحــثة !
علامات السأم والضجر قد ارتسمت على محياها ...
الممرضة عبير بنت خالة ام زكي دقت على ام زكي والحيرة تكتنف الغموض
عبير : ياشيخه مو قادرة تخيلي زوجها جالس عندا تغدو واضح انو بيجلس ينام هنا كمان ..؟
ام زكي : لا اتصرفي نسرين دافعه لنا مبلغ خيالي دي فرصتنا ..
عبير : مو قادرة مو قادرة وإلا كل شيء جهزته حتى الصيدليه اخذت منها الابره عشان المستشفى مايلاحظون وكمانا مش من صيدلية المستشفى من صيدلية تانيه...
ام زكي : برافو عليك بس يلاا طقي الابرة واهربي وااتأكدي انها خلاص و ان الجنين مات .............
عبير: دعواتك لي ان شالله بروح اشوف اذا عندها جوزها او طلع....
-
نــــــــلقــــــــــي الضــــــــــــوء
" حيث نسمات الطهـــارة و الحـــب الراقي البــعيد كل البعد عن صخب الحيــاة "
خــــــــــــالد ماسك يد ضي : حبيبتي مثل ماتفقنا بنت راح نسميها لين وش رايك .. ؟
ضي : اللي يناسبك يالغلا والشوق طيب لو ولد ...
خالد : بسميه على اسم اسم ابوي الله يرحمه محمد
خالد : بسميه على اسم اسم ابوي الله يرحمه محمد
ضي : ايه صحيح ليش ماسميت رامي محمد ..؟
خالد : امه مارضت وصممت على رامي وراما
ضي : اما بجد زوجتك ذي ماعندها دم خير شر .......
خالد : ماعليك منها اتركيها اذا انا معك ابي اكون معك انتِ وبس
ضي : الله لا يحرمني منك ........
خالد : آمين يارب و يخليك لي ان شالله ...
دق جوال خالد ...<< --- عبدالله يتصل بك
خالد : ياساتر من ذالنشبة وش يبي آخ بس لو مزوجينه تغريد ومفتكين ههههههه
ضي : الله يسعدهم صح اليوم شبكتهم خسارة ماقدر احضرها
خالد وهو يناظر الإتصال : عادي تبين نطش نطش ههههههه
ضي : يؤ لا خالد ذي اختك حرام مالها غيرك ( فرق بين كلامه وبين كلام نسرين )
خالد : مصدقة انت وخشتك عاد لا اكيد بروح افا بس وانا اقدر
ضي : ههههههههه الله يخليك لنا
خالد بإستعجال : هلا عبدالله ان شالله ابشر كلها ربع نص ساعه بالكثير وحياك الله ..
عبدالله : هههههههههه وش فيك مستعجل طيب اصبر بسلم
خالد : ماله داعي شايفك البارح هههههههههههه وبعدين دايم تدقون علي باوقات سياحيه مره
عبدالله : ههههههههههه الله يطعمنا مثل مااطعمك
خالد : قل هو الله احد اعوذ بالله منكم بس كلكم حاسديني على زوجتي ههههههههه
ضي ابتسمت
خالد : المشكلة ان ماعندها خوات عشان ازوجك منهن ...وإلأ تخسي تأخذ انت وجهك على تغريد ذاللي بقى يلا بس .
عبدالله : ههههههه انجز واترك الترزز عند زوجتك وبسرعه لا تتأخر علينا ترى مانيب فاضي لك انت ولطعاتك
خالد : أي شيء ثاني عمي ...
عبدالله : مثل ماقلت لك هرررري آب
خالد : على خيررر إن شاءالله والله يوفقكم ....
خالد ناظر ضي واهي تضحك بقوة ...
خالد : بس ضايقت ولـــــــدي حرام عليك
ضي : هههههههههه وش اسوي ماقدرت اقاوم هبالك
خالد : أي والله صادقة خلاص لازم اقلب جد الحين بصير ولي امر تغريد لين املك لها
ضي : تصدق قبل الخطبة ماتوقعت انك كذى على بالي ان دمك ثقيل ولا عندك سالفة في الحب
خالد : اوووف اووووف ارفقي علي .. (غمز عينه) طيب والحين
ضي : لا الحين اكتشفت انك استاذ الحب والرومانسية والعشق ...ودكتور فلسفة الغرام
خالد : لااااا خلاص شكلي مانيب رايح بدق اعتذر ههههههه
ضي : لااااا تتأخر على الولد توعد فيك ترى
خالد : طيب قلبوو ديري بالك لعمرك ولا تفرحين مافي فكة بجيك بعد الحفلة اقابلك
ضي : الله يخليك لي ....
طلع خالد وراح البيت عشان مايتأخر على شبكة تغريد وعبدالله
:
:
في زمـــــــــــــــــــــــــن
انعدمت الانـــــــــــــــــــــــــــسانية في مناهجه..
وتلاشى فيه الخــــــــــــــــــــــــــــــــــــــــــــــو ف من الله
" كيف استطاعت ان تنسى أن الله مطلع على كل كبيرة وصغيرة "
< انها الغيرة السوادء والحسد الجشع الذي يأكل الاخضر واليابس >
في تمام الساعة الثـــــــــــــــــانية عشر
انتهى دوام الممرضة عبير ، قبل أن تبدل ملابس الدوام طلعت على غرفة ضي اللي كانت نايمة في أمان ...
فتحت باب الغرفة وناظرت يمين ويسار ....
دقات الساعة ( تك تك تك ) تنشر القلق في المكان
حتى خوف ماخافت لانها متعودة تسوي كذى بس الارتباك واضح لانها خايفه يدخل خالد أي وقت
(اقسى شيء أن لا يراعي الممــرض او الدكتور عمله ويسعى متعمدا للإضرار بالـــــــــــمريض)
تلثمت اول مادخلت عشان اذا صحت ضي ماتعرفها
فتحت ضي عيونها ناظرتها وشافت ممرضة رجعت نامت في اطمئنان تام .....
مسكت عبير يد ضي ورفعت كم ثوبها
ضي بتساؤل : بسم الله وش ذالابرة ماقال الدكتور لي شيء ...؟
عبير: ايوووا هوا قال لي دحين اعطيك هيا ؟
ضي وقلبها يشعر بخوف : طيب ابرة لايش انا حامل مايصير ..؟
عبير : فيتامينات اشبك خوفتي مثبتتات للحمل
ضي سلمــــــــــــــت امــــــــــــــرها لله الواحـــــــــــد الأحـــــــــد
وعطتها يدها ...
عبير بكل قسوة وهمجية ووحشية دخلت الابرة في يد ضي المسكينة ثم طلعت .............
مفعول الابرة يبدا بعد نص ساعه بالضبط
ضي ماحست بشيء إلا إن الجنين صار يتحرك بقوة لدرجة انها شكت انها بتولد ....
عبير طلعت من المستشفى عشان ماتكون بموقع شبهه ...
ونسرين تتابع الحدث باهتمام وهمها كله تبي تقهر خالد ويرجع ذليل لها..............
الساعــــــــــــــــــه 12 وربـــــــــع
ضي مسكها صداع خفيف صــــــــار يزود شوي شوي لين صدعت بقــــــــوه
مسكت جوالها تبي تدق على خالد بس للاسف الحيوانه عبير اخذت جوالها نظرا لخبرتها في ذالسوالف.....
12:25 ص
ضيي فقدت توزانها وبدأت تتقلب على السرير كــــــــــــــــــثير
12:30 ص
صرخـــــــــــــــت صـــــــــــــــــرخة مدويـــــــــــــــــة
اطلقت للجــميع
واعلنت عن ألم انسانه بريئة نتيجة لإنعدام الضمير وانحطاط الاخلاق في زمن المادة فيه اعمت قلوب البشر
المستشفى بجميع الاطباء والممرضين والممرضات وجميع المسؤولين
اتجهوا بسرعه اتجاه هذا الجناح اللي اعتلت منه صافرة انذار تدق نتيجه للصراخ المزمن ....
الدكتور المشرف على حالة ضي مسك يدها وعرف مباشرة انها في حالة خطرة ...
ادخلت العناية التلطيفية والعياذ بالله ......
واخذ الاجهزة بسرعه وحطها على قلبها اللي نبضه يضعف بشويش معلنا عن وفاتها بعد دقائق معدودة ...
الدكتور رمزي : لا قلبها بيدق بشويش
بسرعه اعطى تعليمات بتجهيز العلميات وراح يسعى جاهدا لاإنعاشها ابالاكسجين
وراح يضغط على قلبها بقـــــــوه بس للأســــــــــــــــــف
-
-
ضي الطــــــــيبة
الوفــــــــــــــــــية
المخلصة للحـــــــــــــــــــب ولزوجها
انتهت هذه الاســـــــــــطورة في لحظة انعدم فيها الضمير ,,,
-
-
-
خالد دقوا عليه المستشفى
وجاء مسرع مايشوف الطريق ولحقه بندر ونواف وسعود
خالد يتصــــدم في الجدران من الـــــــــقلق والرعـــــب
والشباب وراه مايعرفون وش يقولـــــون له او كيف يتصرفون ؟؟
خالد لمح الدكتور سعيد ـ وراح له بسرعه مسكه : هاه دكتور وش صار على زوجتي ؟
الدكتور سعيد : ضي .............
خالد بقلة صبر : ايه ............
الدكتور سعيد : البقية في حياتك..
خالد انصـــــــــــــــــــــدم واغــــــــــــــــــمى عليــــــــــــه من الصــــــــدمه
" كيف بس وانا معها قبل ساعتين او ثلاثة مافيها شيء يارب ماعترض على قدرك بس يارب
الهمني الصبر ... اللهم لا اسألك رد القضاء ولكن اسألك اللطف فيه "
بندر اخذ خالد والدكتور سعيد اشرف على حالة خالد اللي كان عنده انهيار في الاعصاب من قو الصدمة ... نواف بكى لان ضي انسانه كلهم حبوها ووجودها في البيت مع انها غريبة مو من نفس العائلة بس كأنهم اخوان ....
سعود كان عند خالد يقرا عليه ويراعيه والحزن رسم ملامحه على ملامح سعود .....
بدر جاء مسرع يتخبط الابواب وشاف نواف جالس بحزن ..
بدر : وش فيه نواف ..؟ وش فيه وش صار ؟
نواف واهو يصد عن بدر : ضي تطلبك الحل ..؟
بدر منصدم : وشلووووووووون ...
بندر اللي مره تأثر بهالخبر : لا تقول وشلون اذكر الله وانا لله وانا اليه راجعون لحول ولا قوة إلا بالله .. كلنا رايحين بهالطريق ..................
-
-