-
نايف شماغه على كتفه : سلاااااام
بندر بحزن رفع راسه : و عليكم السلام هلا والله
نايف طق رجل بندر : اخبارك اليوم ؟
بندر يبتسم : مسوي الماما يعني لينها راحت
نايف يبتسم : على طاري الماما الله يردها بالسلامه الحكومة تحت طالبك
بندر نظرته مستغربه : لا تقول خخخ
نايف : يعز علي والله بس ابوي طالبك تحت لا وفي الزاوية اللي خبرك
بندر : خخخخ ياليل لا تقولي بالزاوية اللي ابوي يجلدنا إذا ما صلينا يوم انا صغار
نايف :خخخخ لا و ازيدك من الشعر بيت عمي سعد توه طالع منه انا ذالاثنين منيب برتاح لجمعتهم بلحالهم خير شر ههههه
بندر وقف : اجل ياهقوتي ان فيه قرار دكتاتوري وربك يستر خلني انزل اشوف لا يكوفنا ابوي هنا
نايف : تلقى خير ...
-
-
نزل بندر وكاهله مثقل بالتفكير
واتجه لابوه بخطوات تجهل مصيرها...
سلم عليه و سولف معه شوي عن الدوام والعزايم
العم ابو تركي نادى بندر يجلس جنبه : انت حالتك مو جايزة لي وش فيك ..؟
بندر يبتسم : ولا شيء يبه بس متأثر بالوالدة الله يرجعها بالسلامة.....
العم فهد بنظرة تخوف : آمين يارب ....إلاّ يا ولدي خبرك انا كبرت وودي اشوف عيالك اليوم قبل بكرة اول رافض اتدخل في حياتك بس الحين مصر اشوف ضناك ياابوكـ
بندر تفطر قلبه تذكر مواجعه ( ياخوفي يبه تكفى لا تقولها ) : ان شالله يبه ان شالله الله كريم ...
ابو تركي : وشلون ان شالله وانت ماتبذل الاسباب ... صار لك 3 شهور مطلق زينة خلاص ياولدي كفاية عذاب انا بخطب لك وحده ان شالله تجيب لك الضنى ...
بندر استغرب يحس دمه نشف وقال : لا يبه الله يوفقك لا تخطب لي مابي اتزوج انا برتاح سنه سنتين وبعدين اتزوج ان شالله ....
ابوه : لا انا مااضمن اعيش للسنه الجاية او لاااا بخطب لك إن شاءالله
بندر ( مستحيل اتقبل وحده غيرها يبه راح اظلم البنت اللي بتزوجها قلبي مع الجمال زينة وبس )
بندر يبوس راس ابوه : يبه ما اعصى لك امر بس سامحني مـ
ابوه سكته : واذا قلت لك اني خطبت البنت وابوها وافق...
؛^؛^ صــــــدمة مشـــوهـــة المـــــــلامح انطبـعــــــت ^؛^؛
بندر بإقناع : انا اللي بتزوج يبه كيف ماتحط عندي خبر بعدين مين ذالبنت اللي بأخذها مسحيل اتزوجها يبه ..؟ ويبه للمعلومية ترى عندك ولد بعمر الزهوراسمه نايف مابعد تزوج هههه زوجه افرح بضناه
ابو تركي بحزم و جدية : علم يوصلك ويتعداك ملكتك على بنت عمك ( ارتج قلبه بقوه ) الخميس الجاي والعرس تحددونه متى مابغيتوااا....
بندر : يا يبه ياعلني مابكيك والله ظلم راح اظلمها معي زوّج نايف عندك اياه يابعد راسي
ابو تركي : لا بزوجك انت و البنت بتطيرك حلوه ومزيونه تجوز لك وانا شرطت على ابوها نكشف اذا تقدرتحمل او لاااااااااااااااااا اخاف تصير مثل زينة ماتقدر تجيب لك ضنى ؟
بندر تضايق وكل هموم الدنيا على راسه من جد يحس فيه صيحه : بعد كل شيء مضبطينه ..؟
ابوه : ايييه مستعجلين
بندر طار عقله ورفض قام من مكانه : يبه مستحيل مالي نفس مابي اتزوج يبه توي مطلق حتى زينة مابعد ارسلت ورقتها لسى على ذمتي تدري او لا !
ابوه : اذا تبي ترجع زينة رجعها وانا ابوك مسكينه ماعندها احد بس عاد الزواج بتتزوج صوفيا يعني تتزوجها
<>>< صــــــ ـ ـ ــدمـ ـ ـة ><<>
بندر ارتاع ( خاف ) : لااااااااااااااا يبه صوفيا لاااااااااا
ابو تركي : لواء يلويك ان شالله كيف بس تتجرا تقولي لي لااااااااا، كنت بخيرك بين صوفيا او ريم بس عاد الحين بعند واختار صوفيا واللي ماتطوله بيدك وصله برجلك وملكتك الاربعاء ..
طلع العم ابو تركي بخطواته الراكزة المغرورة وبندر بقي متهالك عاجز عن إستيعاب كلام ابــوه
-
-
-
>؛< لن يغـنـــــــيكـ إختفاؤكـ... ستــعــود لإنــكـ تــؤمن بالــــقدر ! >؛<
بنـــــدر انهــار شعوره
وقلبه تفطر وكل كيانه يرثي زينة " كيف بناظر غيرها كيف بس بعيش بدونها كيف بنساها ليت النسيان ينشرى والله لااكون اول من يشتريه "...
"آخ يازينة ولهت عليك وحشتني عيونك الجذابة وضحكتك وصوتك سواليفك وحشتيني محتاج لك انا موت شوفي ابوي بيعدمني بيزوجني صوفيا اللي اهلها عجزوا عنها شاتوها علي
الظاهر ذي حوبتك يازينة فيني انا عجزت تعبت وش اسوي اهرب وين اهرب وين اروح لو اخذت زينة وهربنا وتركنا هالعالم "
صحى من زوبعـــة فكــره الحـــزين ...سخــر من مشــاعره اللي تبكــي على إنســـانه شرت فــراقه و فضلت البعــــد ...." يا تــرى يا زينة سعــيدة بالفــــــراق ...؟ "
مع مرور الأيــام التي تجمع معها كمية لا بأس بها من الجــروح لكل ابطــالي الأفذاذ
بندر انقـــــــلب فوق تحت
صار معصب 24 ساعه من عقب المزاح والضحك والسوالف
انجبر انه يتزوج بنت عمه اللي خططت عشان تأخذه بس انتقام منه ومن زينة لان البنات تحدوها بلعب كذى انها تتزوجه واهي دخلت الفكرة برأسها وصارت تلمح لامها ( امها مغربية ) للمعلومية فقط ..
انتشـــر الخــــــبر بسـرـرـرعة فظيعة
-
-
(16)
في جلـــسة البنــات ..
وربي مابعد استوعبت بندر يطلق زينة و يتزوج صوفيا
الهنوف : لحسة مخ والله محد توقع هالشيء ابد
داليا بحزن : نصيب وكل شخص بيأخذ نصيبه
ريم : ايه بس كلنا نعرف وش كثر يحبون بعض وخابرين قصة حبهم من إلى ..!
الهنوف : أنا الحين بس صدقت خرابيط عنتر وعبله و روميو وجوليت على بالي مجرد مواضيع درسناها وحفظناها وكنت مكذبة إن فيه حرمان وشقاء من جد
داليا : ماكنك بديتِ تخرمين خخخخ وش دخل عنتر وعبله
ريم بإقناع : يختي دلو فليها وانا اختك اللي ابرك من اخوك و زينة عنتر وعبله ماتهنوا مع بعض جت على بندر و زينة خيرة ياختي خيرة هههههههههه
داليا تجفف دموعها : لا بس مدري يعني بالقليلة لو صبروا لين ترجع امي و تركي بالسلامة ...
الهنوف بلقافتها : ايه يختي وش معجلهم ..؟
داليا : تعرفين الحكومة اذا قررت خلاص مافيه أمل
ريم : بس من جد قاهرتني صوفيا ليش تأخذ على بنت عمها عيب والله عيب وبندر مع صوفيا احس غلط مافيه توافق لا بالتفكير ولا بالأسلوب ابد
الهنوف : من جد صدقتِ بذي بس غريبة صوفيا كيف وافقت ..؟ اخبرها غاثتنا تقول مابتزوج غير إيطالي او اسباني من زين خشتها عاد اللي كلها عمليات تجميل ...
داليا : انا ماهضمتها بعمري ابد ابد كيف الحين صارت زوجة اغلى اخواني ..
الهنوف : هذا النصيب ماتدرين يمكن بندر يرتاح معها ويشوف ذريته ماندري وين الخيرة فيه !
داليا : احلفي بس ينقالك بتخففين عني بندر لا يمكن يتقبل صوفيا ابد بندر ترى مزاجه صعب شوي
قاطعتها ريم : وش ردة فعله ؟
داليا تذكرته : الله لا يوريك وليومك ذا ماندري وينه فيه ..؟ يارب سترك يارب ونايف كل ما اسأله عنه يقول تطمنوا وهو بخير يحاكي نايف بس وانا كلهم معطيني الطرشى ..
الهنوف ضمتها : يابعد عمري افا عليك بس وحنا وين رحنا !
داليا انفجرت : من جد مليت احس الضغط اللي بمشاعري كبير بنتحر بيوم
ريم : استغفر ربك قبل تكتب عليك ذا وانتِ فاهمة ومحافظة تقولين ذالخرط وش بقيت للمبتدعين الجهلة ..
داليا : بنات من جد احس بكتمة وماابي اضايق اميرة لانها نفسيتها لا تقل دمار عني ...
ريم بلؤم : يختي وين نسرين مو معقول ماتحس فيكم بمثل هالمواقف ؟
داليا كتمت حزنها : نسرين هي اكثر وحدة مبسوطة وهي اللي ضبطت الحفل كله اصلاً
الهنوف بتقرف : ولعنه ولعنتين يا هالحفل اني مااعتبه خير شر ....مع اني مامن معرفة لزينة بس قهر قهر عشان بندر ما يستاهل لو هو يحبها جاملنا و رزينا الفيس لو ان النفس ميب متقبله خشيشة صوفيا
داليا تبكي : يابعد عمري ياخوي والله محد متضايق غيره.....وابوي اعلن قراره وراح لمزرعته والله مادري وش نقول بس الله يسامحه ...
ريم : بنات عندي فكرة نكنسل ابو جد ام هالعرس كله !!
علامات إستفهام على الجميـــــــــع
ريم بحماس فزت من مكانها : ركزوا معي ....
داليا : اسكتي واللي يوفقك مالي خلق تفاهتك ومغامراتك السخيفة
الهنوف : لا تقولين لي نروح لعمي انسي ترى اذا فكرتِ نسوي كذا مسكك عمي و حطك محل صوفيا
داليا تناظرها : ياليت وحده منكم محلها ولا هي ياااااااااي من جد منيب متقبلتها
ريم بتضجر : ليش ما تخلوني احكي !
الهنوف بمسخره : غردي غردي يا مريم نور
ريم : مو وقتك ارد عليك يا فوزية الدريع ...المهم وش رايكم ندعس باسرع سرعة ونروح عند ام شعر أحمر مدري اشقر مدري موف اللي هو صوفيا ذي وننزل سب في بندر يمكن تشيله من راسها !!!
داليا عصبت : لا ياشيخه احلفي بس على حساب اخوي يعني مستحيل
ريم : يالله ياختي اصبري ...مافيه حل إلا كذى عشان تشيله من راسها يعني السالفه واقفة على موافقتها
الهنوف : بس تفكيري يقولي انها تلوحس عليه منذ مبطي
ريم : بالله عندك مخ اصلا عشان تفكرين هههه بس بذي جبتيها كل ما تذكرت عويناتها يوم زواج البنات احس انها تبي بندر
داليا : معقول لا مستحيل كيف تحط براسها واحد متزوج
الهنوف شهقت بقوة وكنها تذكرت شيء مهم ...
البنات نطوا من الخوف : وش فيك ..؟
الهنوف : تذكرت تذكرت
ريم : خرشتِ قلبي يامال العافية وش تذكرتِ !
الهنوف : تذكرون يوم العيد يوم نلعب لعبة التحدي
داليا : تستهبلين انت وخشتك وقتك يعني ( عصبت)
الهنوف : يالخبله مو كذا ...تذكرون يوم إبتهال عليها الدور و تحدت صوفيا إذا بندر عطاها وجه وكل ذا عشان نقهرها لانها قالت زينة ميب حلوة
داليا بدت تسترجع الذاكرة : طيب وش دخل ..( سكتت) قصدك يعني ان...
ريم : أي والله بنت ابليس ذي معقولة تكون مابعد نست
الهنوف : ياوييييييييييلي ياويييييييييييلي يعني احنا السبب !!
داليا : خير انتِ وهي من جد سخيفات السالفه من تحت راس ابوي البق بوس ..
الهنوف بدت تربط الافكار وكأنها ولعت لمبة فوق راسها خخ : بس لقيتها وانا وبنت محمد !
ريم بتريقة : غردي يابنت الشيوخ
الهنوف تناظرها : شيخة وبنت شيوخ وغصب عليك ...
داليا : هيه انتِ وهي مو وقتكم اصلنا وفصلنا واحد ترى للمعلومية جدنا مشترك بيننا كلنا
ريم : بالله مشترك على بالي احلفي عشان اصدق
الهنوف صرخت : خير انتِ وهي ....ماتبون تسمعون فكرتي !
داليا : غردي
الهنوف : نروح لود ونقولها تفكنا من شر اختها !
ريم : واحنا وش دخلنا بندر تراه فقط
الهنوف : لا ياشيخه بالله بس بندر تو ادري ..! على بالي كلنا معه ... وبعدين انا ضميري يأنبني لازم نسوي شي نفركش هالخطبة مدري العرس اللي مدري وشلون طلع !
ريم : لا صعبه ود حامل وبعدين تعرفين علاقتها بصوفيا ميب ذاك الزود
داليا : ياربي تعين يارب رحمتك ياكريم
(()()( وما تزال الأفكار تتسلسل في ذهن البنات لمحاولة إحباط هذا الزوج )()())
-
-
-
-
(17)
>< أيهــــا الطــــيـر لا تبخــــل عليَ بعطـــــف جنــــاحيـــــكـ ><
بندر صار يطلع برى البيت كثير حتى انها خمته مره وراح الشرقية 3 ايام
وصل.................متى ؟؟
يوم ملكــــــــــــــــــــــته
اليوم الابعاء الشبكة بعد شوي الساعه 8 مساء
بندر جالس لوحده يتذكر ايام شبكته مع زينة .. ... سقى الله ذاك الايام
)()( الغربة هي الإحســـاس بالوحـــــــدة في عمــق الزحـــــــامـ )()(
دخل عليه اخوه نايف : بندر يلا ابوي يبيك وش فيك تافل العافية ؟
بندر معصب والشيطان راكب فوق راسه : العافية لو بلعتها غصت فيني و مانيب رايح زين واللي يصير يصير.......
نايف : طلبتك... وبوس راسه : فكنا من المشاكل اخاف تخم ابوي الحين ويطلق امي الله يردها بالسلامة تعرف حلف الطلاق على لسانه دايم ...
بندر : لا تحاول تبيها رح ملك عليها انت انا مابي اتزوج بالعربي مابي اتزوج ....
سعود يشخص على الطاير << رزة ماشاءالله : يلااا ياعريس جاهز .
نايف : تعال شف هالخبل وش يقول رافض يتحرك بيفضحنا مع ابوي وعماني ...
سعود بدهشه : ابك تسيف يالله بس
نواف : يالا بندر فكنا تكفى اخاف يجي ابوك يحلف علي اخذهاا فكني تراهم مشغلني ليل نهار يدورن لي على مره ..؟
بندر : خذها فكني منها ريحني ماابي اتزوج أنا ماابي............
نايف بعقلانية : بندر انت تفكر في زينة صح ........
( جـــــــــمود وســــــــــــكوت تــــــــــــــــــــــــــــام )
)()( أيتهـا المسـافرة على كل الدروب من خلف الضباب انتظرتك طويلاً فكان الفراق بالحــزن مكلالاً )()(
نواف ( قلبه زادت نبضاته ويحس قلبه ينصت بقوه ) شخَص عيونه على بندر بتوتر
بندر( قلبه احترق وتفطر وده يروح لها يبكي بحضنها مشتاق لها ولدفاها )
---- بندر سكت والعبرة غصته ---
نايف : اميرة قالت لي ان زينة تبارك لك على الزواج وميب مآخذه موقف ولا شيء ............
بندر تضايــــق وغمض عيونه
يحس الدنيا ضاقت كثير...اشتاق لأمه ولأخوه الكبير تركي كثير بهالموقف !!
نايف ضم بندر : يلاا تكفى ابوي حتى الشبكة شاريهااا لك ههههههه من قدك
بندر تنرفز : ياهمي وشبكة وقرف ماابي اشوفهاا فكوني ......
نواف يطقه على كتفه : افا بس والله يسمعونك الشباب يزعلون الحين ..
بندر : ماقلت فيهم شيء بس يارب وش اقــــــــــــــــــــــول ...؟