[شوقي لوليف روحي]

وهـــ البــآرت ـــذآ لعيـــ مـن ـــون طفشتهـــــم... ^_^



طلعت فوق لأني واثقة ان سميرة ماراح ترجع لي ورحت لجناحنا بدلت لبسي ولبست قميص ناعم وحلو بعد ماتحممت وجلست على التلفزيون استنى مهند ..
دخل مهند ووجهه اسوود ياناس .. قال بعد مانزل ثوبه : خذي ثوبي علقيه بدخل آخذ لي شور يهدي اعصابي .
اخذت ثوبه من دون مااتكلم وعلقته وهو دخل الحمام .. كنت احترق ماادري خايفه ياعالم .. فيه شي مايطمن .. الله يستر بس .
خرج مهند لابس الروب وانا جالسة على السرير وفي يدي مجلة امثل اني اتصفحها ببرود بس ماقدرت .. وقفت لمن راح بيلبس . قلت : حبيبي
طالعني قال : هلا
: ممممم مهندي حياتي ماابغى اتدخل بينك وبين اهلك .. بس قلقانه عليك .. فيه شي مزعلك ..؟
اخذ مهند بيجامته من الدولاب قال : لاتفكرين ياديمه تتعبين .. مافيه الا العافيه ابوي يحسب الناس على كيفه يبي يتحكم زي مايبغى .
: مهند تتكلم بالألغاز .
شافني محتارة وخايفه قال : ياعمري ياديوم مافيه الا كل خير .. حك راسه وكشر قال : تعرفين ابوي اهم شي عنده الشركه يبغاني امسكها معاه واضحي بوظيفتي اللي درست عشانها وتغربت وانا احلم فيها .. انتي بس لاتشيلين هم ولا تفكرين .. وحدة بنعومة ديوم ورقتها وجمالها حرام تشيل هم احد ولاتفكر وتشغل بالها .
ابتسمت وقلت : معقوله عمي اللي يفتخر انك دكتور يبغاك تبطل وتشتغل في الشركه .
كشر اكثر وعقد حواجبه .. خلع روبه بعد مالبس بنطلونه ودخل الفنيله مع راسه قال : ديوم الله يخليك مالي خلق الموضوع هذا بالذات .. انتي هنا راحتي لاتخليني اكدر عليك وعلي بمواضيع مفروغ منها منتهيه .
والله مهند صادق ليه اكدر عليه وعلي بوضوع مؤرق ويتعبه .. ضحكت وقلت خلاص نقفل الموضوع .. قال وهو يضحك : ارمي المفتاح مع الشباك خليه يضيع .
:هههههههههههههههههههه ورمينا المفتاح وضاااع .. طالعته بدلع قلت : تروح معاي ندوره ؟.
: ههههههههههههههههههههههههه لا لا مافيني اروح ادور مفاتيح ضايعه لمواضيع تافهه .. بدور مفتاح الموضوع اللي أهم .
: موضوع شو .
: مممممم انا اقولك عليه ..
شالني مهند بين يدينه وقعد يدور فيني قال : ماانزلك الين توعديني ترسمين لنا صورة انا وانتي حاضنين بعض عشان اعلقها في الصالة .
: ههههههههههههههههههههههههههه خلاص وعد ارسمها .
:ههههههههههههههههههههه احلفي لترسمينها بأقرب وقت .
: ههههههههههههههههههههههه وعد ارسمها بس نزلني .
: حاولي اكثر
: ههههههههههههههههه حبيبي الله يخليك
: طيب انزلك بس تقولين لي وش كثر تحبين مهند ؟
: هههههههههههههههههههه احبه قد الدنيا ، قد البحر ، قد السما ، ممممم احبه اكثر مما يحبني .
نزلني وجلس على السرير قال بجدية : كذابه ياديمه لو تموتين ماحبيتيني اكثر من حبي لك .
جيت وجلست بجنبه .. طالعته وقلت : مهند فيك شي ؟ حبيبي قول لي فيه شي ترى انا خايفه وقلبي يقول ان فيه شي .. اذا تحب تفضفض ولا تقول شو اللي مضايقك ترى الصدر اوسع لك من الدنيا كلها ياعمري .
ابتسم قال : ليه تقولين كذا انتي .؟
: ماادري خالتي وسميرة وضعهم مو طبيعي
قاطعني قال : كيف وضعهم قالوا لك شي .؟
: ماقالوا بسسس مهند شو فيه . ؟
: اوووه ياديمه قلت لك ياعمري مافيه شي لاتكدرين علينا انسي .
: بس انت مو رايق وتعبان ووو
: ديمه قفلي هالسالفه قلت لك مافيه شي ليه ماتثقين فيني .؟
عرفت ان مهند ماراح يقول لي شي فاضطريت اتصنع اني خلاص نسيت عشان اخليه يروق قلت : واثقة فيك ياعمري خلاص .. صحيح حبيبي قررتوا نقضي العيد في ابها .؟
: شو رايك انتي اذا ماتبين ابها نجلس هنا انا وانتي
: لا شو نجلس اذا بتروح انت اكيد بروح مو حلوة نجلس واهلك كلهم هناك .
: انتي ماعليك مني ولا من اهلي نفسك تروحين هناك ولا ماتحبين .
: مهند والله عادي اذا جلست هنا راح اعيد عند خالي والناس اللي احبهم هنا واذا رحت راح اقضيه مع عمتك وبناتها واهلك ومرة حلو يعني مافيه مضايقات الا من شي واحد .
: لاتخافين منهم هذولا لأني سمعت ان فاطمة بتتزوج قريب .
: سمعت من مين ؟
: قابلت فهد اخوها قال تبيها ولا نزوجها قلت زوجها انا رجال متزوج . وقال لي ان اللي خطبها واحد متزوج وعنده خمسة عيال .. وهو ماعليه مبسوط مادياً راح يعيشها زين .
: الله يكفينا شرها ويفكنا منها المهم تروح بعيد عنا .. تتزوج اللي تتزوج بس افتك منها .
: ماعليك ياقلبي من احد ولاتتذكرين شي يكدر علينا .
ابتسمت له بحب وقلت : بنسى الدنيا كلها واتذكر اني مع مهندي وأكيد راح اسعد بنت في هالكون .
حط راسي على صدره قال : الله لايفرق بينا ويخليك لي بس .


مر علينا اسبوع حالم وخيالي بالنسبة لي كله سعاده وحب ورومنسية وحياااة غير مع مهند ... بس يتخلله احياناً شكي ان مهند فيه شي .. لأنه احياناً يسرح ويشرد بتفكيره وهو معاي .. ولأن عمي اذا شافني سلم علي بحرارة وتجنبني قدر الامكان .. حتى خالتي انشغلت بالعيد والسوق وريم ماتطلع من غرفتها الا للسوق وترجع .. اما رانيا كانت زعلانه من عمي ماتكلمه ولمن سألتها ليه تسوي كذا قالت مصيرك بتعرفين وتعذريني .. مرة الحيت عليها تقول لي شو فيه وبكت قالت الله يخليك ياديمه لاتجبريني اتكلم مااقدر .

رحنا لابها وجلسنا هالمرة في بيت عمي بدر كان قصر كبير بوسط مزرعه كبيرة احلى شي فيه انه على جبل لمن افتح الشباك بغرفتي يكون السحاب قريب مني .. كنت اصحى الصباح وغصب اصحي مهند معاي وننزل تحت عند عمي وخالتي نتقهوى معاهم بعدين نخرج انا ومهند .. نتمشى ومانرجع الا على الغدا بعدين ننام ساعتين ثلاث ساعات ونروح لبيت خالة سارة ولا تجي عندنا مع زوجات عيالها وبناتهم ..
خمسه ايام مرت علي اعتبرها من اجمل ايام عمري .. كنت احس اني ماابغى الناس .. اشتاق لمهند باستمرار .. ولو بكيفي مااجلس الا معاه لوحده .. وهو كان ملهوف علي طول الوقت .. بجد كأنا عرسان ومانبغى العالم يقربون منا يخربون علينا اجمل لحظاتنا ..
صحيت بدري من النوم على صوته يقول : ديمتي .. كنت نايمه على ظهري وحاط يده تحت راسي وهونايم على جنبه وخدي على صدره اللي بدون فنيله .. .. دفنت وجهي اكثر في صدره .. احب ريحته احسها تنعشني وانا اتنفسه .. حسيته يبوس جبيني وفتحت عيني .. ابتسمت له قلت : صباح الخير ياهدية ربي علي . اليوم انا اسعد بنت على الكرة الأرضيه .
ابتسم لي بحب قال : صباح النور ياسعادتي انتي . تبينا نتمشى برا ..
: اوكي حبيبي .. يووه مرة مكسلة مافيني اقوم البس شو رايك نفطر هنا .
: خلاص بشيلك اوديك للحمام اكيد بتتنشطين .
: ههههههههههههههه لا خلاص بقوم
كنت بقوم بس مسكني بقوة وحنان وحضني على صدره .. ياربي احس اني ماابي من الدنيا شي غير مهند .. اكتفيت بالسعادة وانا في حضنه واحس بحبه ..
قطع علي تفكيري في شعوري واحساسي قال : تسمعين قلبي ياديمه ..؟
: قلبي يسمعه ويحسه ويعشقه .
: قولي لقلبك اقسم بالله انك كل دقة فيه تنبض بحبك انتي ..
: يقولك حتى هو مليان بمهند .. وماعاد لاحد فيه مكان .
قمت اخذت لي شور ورحت البس على بال مايتحمم مهند ويلبس هو كمان .
لبست لي بنطلون جينز سماوي وبدي ابيض ولبست عبايتي بعد ماجففت شعري وحطيت مكياج خفيف وقلوس لحمي ..
لبس مهند ثوبه وخرج بدون شماغ بعد مامشط شعره على ورى واخذني بيدي ..
اليوم صاحين بدري عن كل يوم .. وماشفنا خالتي وعمي باين انهم لسه ماصحوا .
ركبت في السيارة بجنب مهند قلت : مهند بنفطر فوق الجبال .
: طيب ياعمري بس الوقت لسه بدري استني شويه .
: ياليت الكميرا معانا كان نتصور هنا .
: ههههههههههههههه نتصور بكفنا مو غصب .
: ههههههههههههههههههه اسكت لاتذكرني ..
: تدرين خسارة انا ماتصورنا واحنا في سوريا .
: ان شاء الله نروح مرة ثانية ونتصور هناك . التفت عليه بجدية قلت : لاتنسى انك وعدت جدتي نزورها .
: وعدتها وراح نزورها قريب .. وبنزورها دايما حتى مع عيالنا ان شاء الله .
: عيالنا ... هههههههههههه تصدق مااتخيل نفسي ام لسه بدري مرة علي .
: تصدقين اني متحمس اشوف عيالي منك .. عاد ابيك تجيبينهم كلهم يشبهونك بكل شي .
: هههههههههههههههههههههه قالوا لك بكيفي .
: ههههههههههههههههههههههههههه الله يرزقنا بالذرية الصالحه هذا اهم شي ياعمري
: اللهم آمين .
اشترينا عصيرات وفطاير بالجبنه والشكولاته لأن المطاعم مافتحت لسه ولا الكافتيريهات ..
فتحت لمهند عصيره وجلسنا نسولف ونلف بالسيارة .. طلعنا الجبل وكان الضباب مغطي المكان .. شغلنا نور السيارة وصرنا نمشي بشويش ..
كان يوم مميز في حياتي اهداه مهند لتاريخ ديمه كله . طبعاً وثقنا ذكراه بصور بعد مااشترينا كاميرا ديجتال . ونزلنا جلسنا على الأرض بسطنا بساط كان بسيرة مهند وجلسنا عليه ..
اكثر صوري بدون مااكون متغطية بطلب من مهند .. اليوم مهند مجنووون فيني كل شوي يقول انتي ملكة جمال .. انتي اجمل امرأة شفتها في حياتي .. آخر شي قال ديمه انتي ساحرتني ..
ضحكت عليه وتذكرت رانيا لمن تمزح معاي وتقول تكفين ديمه قولي لي شو مسوية لعمي مهند شو نوع السحر ومن فين جبتيه علميني ترى مو قايله لاحد وسرك في بير .. وانا دايما اقول لها سحري لمهند المحبة من عند ربي ..وهذا هو السحر حلال



عيدنا هناك في بيت عمي بدر صورتنا رانيا بكاميرتها ونادت مهند صورته وتصورت معانا وصورت عمي وخالتي كانت طول اليوم تمشي وتصور تقول بخلص الفيلم كله اليوم لأن هذا خاص بأول يوم في العيد ..

يوم العيد كان مميز جداً الرجال داخلين خارجين لأن عمي بدر له قيمته هناك والكل يقدره ..وصلنا رانيا عند امها تجلس عندها اليوم ووعدها مهند يجي بكرة ياخذها ونزلنا سلمنا على امها اللي اول مرة اشوفها وكانت شباب وعندها ثلاثه عيال غير رانيا من زوجها الثاني .
بعد ماخرجنا من بيت ام رانيا رحنا لبيت سارة عمة مهند وهناك جونا حريم عيدو علينا وانا طلعت فوق بعد ماتعبت.. كنت مع ساميه بغرفة مهند اللي عندهم اللي صارت لمهند وديمه مولمهند لوحده ..
سمعت صوت غريب يوووه ياكرهي له هالصوت .. كان صوت فاطمة وهي تسأل عني طالعت بسامية قلت لو سمحتي سامية ماابغى اشوفها برجع لبيت عمي الحين حتى لاتصير لي مصيبة جديدة بسببها ..
طلعت ساميه من عندي سمعتها تقول لها : وش تبغين من ديمه
: بتحمد لها على السلامة وابارك لها على خطتها اللي نجحت لما قدرت تضحك على مهند وتخليه يرجعها .
انا دقيت على مهند قلت تعال خذني فاطمه هنا وتسأل عني وبصراحه قلبي مو مطمن لها .
حتى مهند لمن سمع صوتي عرف اني خايفه قال الحين اجيك
طلع مهند فوق سمعته ينادي عشان اذا فيه احد غريب يدخل .. انا كنت لابسه عبايتي وطرحتي وشنطتي بيدي وانتظره على جمر وخوفي من فاطمه ماله حدود الله يستر هالمرة ناويه على ايش بالضبط .
سمعت مهند برا يقول : وش جابك انتي هنا ومن سمح لك تقربين من غرفتي يالله يالله انقلعي تحت ولا برا البيت كله يالله ؟
دخل غرفتي وجا عندي قال : لاتخافين ويالله بنطلع من هنا .
خرجت معاه الا سمعتها تقول : ماتبين تسلمين ياديمه ..
طنشتها ومارديت لأني عارفه ماراح اسلم منها قلت اقصر الشر واروح
نزلنا ولقينا امها قدامنا .. اول ماشافتنا قالت : هذي وش مدخلها بيوتنا ماكفى عمايلها
مهند : لا اله الا الله امشي ياديمه امشي الله يصبرني
: سلم على عمتك
: سلمت عليها قبل شوي امشي بس
خرجت حتى ماسلمت عليها هي لأنها صدت عني قلت ماابي انزل نفسي

رحنا تمشينا ودق علينا عمي ياسر كلم مهند وقعد يترجاه انه يجي لأنه بمجلس سعد زوج عمته ساره
استحى مهند من عمي ياسر وقال يالله باخذك ارجعك هناك اذا ماراحوا بقول لسامية ماتخليهن يقربن منك
انا بصراحه ماحبيت اقهر مهند واخليه يجلس عشاني ولا اقدر اجلس في بيت عمي الكبير لوحدي .. رغم اني عارفه انها بتنغص علي .
رجعت لبيت خاله سارة ومريت على خالتي سارة واعتذرت منها اني مااقدر اجلس مع الحريم وهي عارفه ليه
عذرتني خالة سارة قالت اهم شي راحتك ياديمه وطلعت فوق مع ساميه والبنات
قفلنا الباب علينا حتى البنات مايبغون فاطمة وجلستها لأنها انسانه غيورة وحقودة
قامت دانه بتجيب لنا قهوة وحلا قبل العشاء وجاتنا بسرعه قالت:عمة سامية قفلي الباب فاطمة لاتدخل تراها برا وقريبة من هنا .
قامت سامية معاها وقفلت الباب ورجعت لي قالت : ماعليك ياديمه لاتخافين منها وربي لولا مهند موصيني ماتقرب منك لاخليها تدخل واعلى مافي خيلها تركبه ..
دق تلفوني كان مهند قال : انزلي تحت وبسرعه ابغاك .
: ليه صاير شي ..؟
: ديوم تعالي واقولك وش صاير .. بس لاتخافين مافيه شي .
: اوكي حبيبي الحين اجي .
قلت لساميه تخرج معاي فاطمة مسببة لي رعب ياناس . نزلت وهي واقفه على البلكونه اللي في الصالة وتطل على الجبل .. واشوا عديت بسلاام ونزلت بسرعه تحت ..
قابلتني امها قالت : ساميه هذي تدري ان بدر خطب هنادي بنت سعود الـ .. لزوجها وملكته بعد اسبوع ولا للحين تمشي على عماها ماتدري عن شي .
وقفت بمكاني متجمدة بعدين ابتسمت لسامية اللي مطيرة عيونها فيها قالت : خالة الله يهديك انتي ماتعرفين تجلسين مثل المسلمين .. طبعك طبع يهود .
قالت بخبث : انا ماقلت الا الحقيقه . بغيت انبهها يوم اني اشوفها بنية يتيمه ومريضه والناس تغدر بها وتبي تزوج رجالها .
قلت لساميه وانا مكشرة : هذي اش قاعده تقول ؟
دق جوالي شفته مهند بس ماقدرت ارد عليه .. قلت : ساميه ردي علي .
طالعتني ساميه قالت : ديمه موضوع طويل هذا اسألي مهند عنه وهو يقول لك .
: يعني كلام هذي صدق
تدخلت نورة بضحكه قالت : ايه ياديمه صدق وبدر الح على مهند قال تخطبها ولا منت ولدي ولا اعرفك دوب امه علمتني .
طالعت فيها قلت : حسبي الله عليك انتي وبنتك ونعم الوكيل .
قلتها من قلبي ياناس .. حسيتني مظلومه هنا .. حتى لو كانت كذابه بس نغصت علي .. واذا هي صادقه معناتها قضوا علي .
مسكتني ساميه بيدي ونفضت يدي منها بقوة ماادري ليه ساميه مالها ذنب بس انا كمان تايهه وضايعه وحياتي قدام عيني تنهار .. الحلم اللي كنت عايشته الأيام اللي راحت في لحظة تحول لكابوس ..
سمعت آخر قنبلة اطلقتها نورة لمن قالت : علميها ياسامية ان بدر خاطب لمهند من يوم كانت في عند جدتها وجابها وهي ماتدري عن شي .. .
خرجت بسرعه .. هربت منها ومن صوتها وخبثها ودناءتها شفت مهند يدخن عند الباب .. وريم تجري وراي قالت ديمه : لاتصدقين عمتي تراها كذابه وووو
مهند عمتي كلمت ديمه ماقدرنا نلحق عليها .
طالعت المتهم الأول وعيوني فيها دموع وماتكلمت . قال وهو في فمه سيجارة : اركبي الحين وماعليك من كلامهم .
ركبت السيارة بعد ماغطيت وجهي ودموعي نزلت بهدوء وقلبي يعتصر ياناس ..
ركب بجنبي وسكتنا ماتكلمنا اكثر من عشر دقايق .. دموعي تنزل وانا اشهق وامسح دموعي بعيوني .. دخن مهند اكثر من خمس سجاير آخر شي تكلم وليته ماتكلم : كنت حاس انها هي اللي بتكلمك .. وامي دقت علي قبل شوي قالت عمتك قامت من عندنا وشكلها ناوية تقول لديمه على الموضوع لأنها سألتني وعلمتها بالتفاصيل .
انهرت وقلت : ليه تخدعني يامهند ؟
قال بهدوء فظيع : ماخدعتك ولاكذبت عليك ..
: لاوالله وكلام عمتك
: كلام عمتي صحيح ولو اني ماادري شو هو بالضبط لكن بقولك المختصر المفيد
ديمه لمن كنتي في سوريا حالي صعب على ابوي وخطب لي من راسه كلم واحد من الناس اللي يتعاملون معاه عن بنته يقول اني اذا تزوجت يمكن انساك وارجع مثل اول .
انا رفضت الموضوع جملة وتفصيل وماناقشته مع احد لليوم .. قبل كم يوم تتذكرين لمن ناداني ابوي وكلمني وجيتك طفشان .. كان يقول انه تورط وخطب بنت الرجال ومستحي يقول له ماعاد نبي بنتك .. ويقول اخطبها مافيها شي اذا اخذت ثنتين وانا قلت لابوي الكلام اللي ماراح اكرره غير لك انتي .. انا لايمكن اتزوج في هالدنيا غير ديمه بنت عبدالله . فاااهمه ولا لا . مانبي نخلي عمتي تلعب في حياتنا على كيفها ..
طالعته وانا اشهق بقووة قلت : وابوك طيب ؟
: ابوي يزعل يومين ويرضى . لكن انا لو زعلت ماراح ارضى ولا راح اكون سعيد بحياتي لين اموت الا معك انتي وبس .
: طيب والحل ؟
: مافيه مشكله حتى ندور لها حل .. ديومي حبيبي لاتفكرين بهالموضوع تكفين .. انا لك ليوم الدين وانتي لي لأبد الآبدين .. ولاتفكرين ان يجي يوم اني افرط فيك مهما كان حتى لوحطيت اهلي بكفه وانتي بكفه .
: لايامهند الا اهلك .. انا تقدر تجيب بدالي حتى لو ماحبيتها زي ماتحبني بس اهلك ماتقدر تعوضهم .. وصدقني لو الدعوة فيها رضى اهلك انا اللي راح ا
قاطعني قال : اشششششششش لاتتكلمين في الموضوع هذا الله يخليك .
تبين قهوة ..؟
: اوكي ناخذ قهوة .

اخذنا قهوة تركيه وجلسنا نلف بالسيارة قال : حسبي الله على من نغص علينا .
: مهند
: هلا ياروح مهند .
: خلنا نرجع للبيت .
: ابشري .
رجعنا للبيت وانا كل لحظة حلوة مرت علي مع مهند اشوفها الحين وأودعها .. عارفه ان عمي ماراح يسكت خاصة انه من النوع اللي كلمته مايثنيها على قولة خالتي . بعدين الرجال اللي خطب منه لمهند تاجر كبير وبنته هذي اعرفها بالجامعه دايما كبيرة عمرها وصل للثلاثين تقريباً شكلها اكبر من مهند ..يعني مهند بالنسبة لها فرصة عمر .. دكتور وولد ناس عز وجاه وسمعه .. حتى لومتزوج الله يستر منها ..


رجعنا للبيت وانا مكسورة ... ودق على ريم قال ارجعي عند ديمه انا بطلع وتعالي اجلسي معاها
بعد شوي دخلوا البنات عندي اولهم ساميه وريم وشافوني ساكته ومقهورة
قالت ساميه والله ماياخذها مهند لو على قطع رقبتي



بـــ ب ـــر....