حد علمي بالغلا يوم كنت اسوى كثير ***** يوم كانت ضحكتي طبعي وعنادي سمه
وحد علمي بالعنا يوم خقاقي ضرير ***** قبل اهدم العشق وابنيه وارجع واهدمه
وحد علمي بالبكاء يوم كان لي قلب وضمير ***** قبل لا اشوف المسلم يموت بيد المسلمه
إيه عدت من يدي بس ماعدت بخير ***** ليلة عيت تجيني وجاتني مظلمه
من عرفت احساسها كأن في قلب نذير **** والنهار المكتأب باين من مقدمه
ليلة حسيتها ماتجور ولا تجير **** مثل طفل ما حقرته وعيت احشمه
واصبحت مثل شعره واقصمة ظهر البعير **** وابتداء في موتها الجرح من حيث اختمه
صارلي بالعشق مالا هقيت انه يصير **** انظلمت بعشرة انسان ماكنت اظلمه
العشير اللي تبرأ من ضلوع العشير **** الحلا عزز خطاياه والحظ اخدمه
لا تبسم يكسر النور في عيون البصير **** وكأن شمس المغربيه تبات بمسبمه
معتدل في قامته لا طويل ولا قصير **** ممتلي بالزين من معصمه لا معصمه
فيه بألوان الهدب لون غير ولون غير **** مثل ماللرمش بالعين قصه مبهمه
كأنها نكس البيارق على شط وغدير **** ومثل لملمت الشتات بشتات اللملمه
في سود مقبل مايثور إلا يثير **** كأنها اللي ينهم الريح ثم تنهمه
ماتجمع لين قيد حرير في حرير **** مع ظلام علم الليل مالم يعلمه
ماهقيت إن الهدب صلب واجفانه تغير **** لين سلهم لعن ابو جد ذيك السلهمه
ماعتقني لين سايق البشاير للبشير **** يوم صد وجاه قلبي بشمحمه ولحمه