اضـحـك مـعـك والـقـلـب غـــارق بـهـمـه
احـاول اخفـي مابقلبـي مـن اوجــاع
واشـتـاق لــك طفـلـن فـقـد شـوفــة امـــه
وامشـي معـك والجـرح خايـف ومرتـاع
بــس غايـتـي لــو يـنـزف الـقـلـب دمـــه
سعادتك تبقى علـى كـل الاوضـاع
فـــي غيـبـتـك يـاكــم جـرحــن اضـمــه
كل الحكي في شوفتـك اختفـى ضـاع
اكــذب عـلـيـك ان قـلــت لـــك مايـهـمـه
واكذب عليك ان قلت لك حيل ملتاع
سـمــه حبـيـبـي كـيــف مـايـكـون سـمــه
جرحن ذبحني ساطين بين الاضـلاع
ايـــه احـتـريـك تـشـيـل هـمــي تـلـمــه
ايه احتري قلبن بلا زيف وخداع
مــن جفـوتـك بـانـت عـلـى القـلـب غـمــه
ياما رجيت القلب ينسى ولاطـاع
انـــا دخـيـلـك كـــان لـلـجــرح ذمــــه
ارحم جريحن مـن تجافيـك جـزاع
وان كــان روحـــي بـاقـيـه لـــك مـهـمـه
ارحل بلا كلمـه.. ولاهمـس .. ووداع