الزين زين الأخلاق بس كم مهرها > فاهم الموضوع غلط 
اللي أوصل مجتمعاتنا إلى الشي ذا هو ( غلاء المهور ) والا يقولون صغير
وش يسوي صغير السن على قولتهم يطلع برى المملكة والا يتعرف على بنت
وبعدين يقولون فلان منحرف وفيه وفيه ....
وبعدها ماأحد يجّوزه < مايصلح لبنتنا راعي سفريات و و و...!!!
والبنات اللي يتزوجون عن طريق النت قليل منهم اللي تكون صادقة
مثلاً بنت عمرها30 سنة وأبوها متوفي وهي أكبر أخوانها وماتقدر
تخرج من البيت وأقاربها إذا تزوجها مستحيل يسكن عندها بالبيت < عيب وش جيب ....!!!!
مالها الا الشبكة العنكبوتية > أنا معارض للشي ذا بس قليل من يكون أو تكون صادقة .
ولو تزوجها مستحيل يعلن بيكون ( زواج مسيّار ) .
وشهر شهرين بالكثير الا ( ورقتها تحت الباب ) ..!!!
وماأعتقد أي واحد متزوج عن طريق النت بيكون مبسوط بالعكس
مجتمعه ماراح يرحمهم الا إذا كان مجمتعه عادي الشي ذا .
البنت مخلصة الجامعة و ( طايحة بالبيت ) والولد في ( المقاهي والإستراحة )
ولا تبون أحد يتزوج عن طريق النت .
يطووووول الحديث بس السبب الأول والأخير ( غلاء المهور )
دمتِ بحفظ الرحمن