على وين...؟
يا الهم اللي سكن صدري ثلاث سنين,,
بكيتك دمع..وأثرك هنا للحين,,
لا تغنيني صبر,,
إذا "الهيام اللي سكن فينا تعدانا وكبر",,
"صار مثل الريح عابر",,
أيه خابر..!!
ليه تسأل..؟!!
هو بقى لجروحي مقابر..!!
حكرت من الفكر دلّه وأبـ ألحق ضوّها شاهي
................................تقهوي يا الجروح اللي ثلاث سنين ما طابت
قتلتي (ضحكه) اللي توّها تحيـا على شفاهي
................................ورسمتي دمعه بـ خدي ثلاث سنين ماغابت
أمنّي نفسي بالفرحه.. و أنا نفسي بها ساهي
................................و أكبْ الدمع من عيني عشان أرتاح لا ذابت
ثلاث سنين يا عيني وأنا جروحي مثل ما هي
................................تغنّين البكا غصبـا إذا حظوظ الفرح خـابت
يثور من الشقـا بندقْ فشقها وقتـي الراهي
................................أدوّر درع يحمينـي وأثرْ بندقها قـد صـابت
صويب الوقت ما يلهى ولو قالوا عنْـه لاهي
................................يمّني بـ الأمل نفسه عسـى دنياه ما حـابت
من كثير الجرح أبـ أنزف لك دموع,,
وأبـ أرسم لك أيامي أسى ولوع,,
لا تجوع,,
أبـ أذبح لك خفوقي طير,,
لا تحير,,
هنا ببقى صويبك..
وهنا بتلقاني على خير,,
فضفض أسرابك حمام,,
وأجمع أطيافي بسلام,,
وطوّع أقلامي عتْب,,
أيـه... بكّسر الأقلام,,
عشان ألقاني بعيد,,
هنا..على مرفأ الأحلام,,,