السلام عليكم
مبارك عليكم الشهر الكريم وعسى ان يمد ربي باعماركم وتكملو باقي صيامكم
الله على ايام زمان لها ذكرى خاصه .. كانت لها نكه لوحدها صعب مع الايام نفقد طعم هالنكه
اتذكر ايام جدي كان يشتري كرتون فيمتو ويقول هذا بيكمل معنا شهر كامل
وبعد ثلاث ايام يروح يشتري كراتين غيره والسبب صياعتنا هذيك الايام ماكنا نصوم
ولانمو الكبار هجوم على المطبخ وعلى محتوياته ولا كنا نسوي مثل المسلسلات
الله ياذيك الايام كنا نتابع المسلسلات التاريخيه وكنا نقلدهم ناخذ عصي المكانس
ونكسرها ونتحارب فيها .. ولاصحت امي تعال شوف انواع الفلم المرعب
ياكعب جايك مصفي طبلونه ماتدري الا بوجهك .. يا باقي العصي يتكسر على ظهرك
واتذكر انا بعد لا افطرو القرايب وكانو هذاك الوقت الكل يفطرون عن واحد كل يوم
كانو لاذن المغرب يفطرون على تمره وقهوه وعصير .. ويتركون الفطور الثقيل
بعد الصلاه .. عاد هم يطلعو منا للصلاه .. واحنا يالمبزره شياطينا ماتتحمل الانتظار
وتعالي شوفي وجيهم لارجعو بعد الصلاه يبون فطورهم زين ان لقو شيء يبلو فيه ريقهم
الى حد انهم صارو يحطو حارس بعدهم لا طلعو للصلاه ..
والا ايام الكوه بعد العشاء ... ياما نلعب وننبسط ولاخلصنا اللعب وكلنا راح للبيته
الا ويتفقد اعضاء جسمه يا خشمه منكسر يارجله متورمه .. ياثوبه منشق ..
ويالله عاد يبداء التصريف مابي سحور احس اني شبعان ابي انوم وكله لاجل اهله
مايبيهم يشوفو وش العله اللي صايره فيه ...
ولما كبرنا ودخلنا في العشرينيات .. كبر معي الكلانكتي وكبر معي ملك الاحساس ..
وتعالو شوفو بس انواع الازعاجات والوناسه ...
كنا نتفق على انا نفطر بيوم بالاستراحه وكل واحد يجيب معه فطور من بيته ..
ولاجاء موعد الفطور الا الكل جايب شوربه .. طيب وين باقي الاكل ....؟
ههههههههههههه
والا وقت السحور نتفق على اخر واحد يشيل الصحن بما فيه .. وتعال شوف نروح للبيت محد يتسحر والسبب
غسل الصحن ههههههههههههههه
الله على ذيك الايام وربي صعب صعب صعب نسيانها