فــــي الشاليه ..~
مزون كآنت قايمة من أول وبدلت ملابسها وصلت الضهر وطلعت تجلس برا عند المسبح ..
كآنت جالسه ع إحدى الكرآسي إللي قدآم المسبح وتشرب كابتشينو وتناظر المسبح وببالها عند سعود والشي إللي صار لها "أصلاً والله إني مو مهتمة للي صار لي لأني اعرف نفسي إيش ومهما قالوا عني ماراح اتغير وببقى وآثقة من نفسي , وسعود بخليه يطلقني وأسافر لفرنسا والحمدلله إني ما جبت منه ولد يعني مافي شي يربطني فيه "
نزلت الكوب ع الطاولة إللي قدآمها وأخذها تفكيرها عند سعود : ياترى وينه من أمس ماجاه شكله نام ببيت أهله "وتنهدت" أحسن عشان لا يحرجني ويحطني بمواقف أنا في غنى عنها "بعدين قالت" بس والله مشتاقة له "وتذكرت" لا مزون قلت بتنسينه وش هالسلبية للي فيني خلاص سعود نظرتي له بتكون كأي رجل ..
نآظرت المسبح وجا ببالها تنزل تسبح شوي بعدين قالت "لاء ما راح اسبح لايجي سعود وأنحرج بس بحط رجولي " رفعت بنطلونها لنص ساقها ونزلت وجلست وحطت رجولها دآخل موية المسبح "
8
وقت المغرب فـي بيت أبو نوآف "
كآن الكل جآلس بالصالة ومجتمع .."
أبو نواف بتفهم : يعني خلاص يا بنيتي ماتبينه
النوري وهي منزلة راسها : لاء يبه ما أبيه"ورفعت راسها " هو رافض تماماً موضوع البعثة وأنا مايناسبني الرجال إللي تفكيره كذا
أبو نواف وهو كمان مو مقتنع بهالبعثة بس سكت وقف : طيب يا بنيتي هذا قرارك وانا مابغصبك عليه ..
وطلع من الصالة "
أم نواف بحسرة : آآه بس يابنتي وافقي عليه الولد زين ومحترم ولد عائلة وصديق أخوكِ , وش تبي بهالبعثة والكلام الفاضي تفرغي لـ ...
النوري قاطعتها : مع إحترامي لك يمه إسمحيلي أنا ما أبي أدفن عمري من بدري بالبيت والعيال والزوج , أوكِ أنا ماقلت شي عن خالد إنسان مافي منه لكنه مو وآحد من تفكيري ومستواي للإسف إكتشتف إنه تفكيره محتجر وطراز قديم
البندري ضحكت : هههههههههههه حلو طراز قديم
النوري إلتفت عليها : هاهاهاها عجبتك ؟
البندري وهي تآكل البطاطس : بقووووة
نواف حذفها بالمخدة : أقول بندري إنتي وش مقعدك معنا سؤال هالسوالف مو من عمرك يلا ع غرفتك
البندري بعنآد وتسدحت : مابقوم إنت وش حارقك سؤال ؟
نواف بسماجه : النار
البندري تتسيمج أكثر : والله ما إحترقت
نواف مستمر : لاء كآنت ع أخفض درجة
البندري عجبها وأخيراً نواف عطاها وجه : بس بعد تحرقك
نواف بجدية صرخ عليها : البندري عدلي أسلوبك معي ولاتنسي نفسك ويلا ع غرفتك قومي ذاكري لك كلمتين أمس أمس طول الوقت ع الأيباد يلا قومي
البندري تأففت وقآمت "
نواف إنتظرها لين طلعت , ألتفت للنوري : خلاص يمه النوري مقتنعة بقرارها ومحد يقدر يغصبها "وقف " أنا بقول لخالد عن رايها وهو رح يتفهم يلا عن إذنكم
أم نواف والنوري : إذنك معك
النوري قامت وهي تنآظر أمها بنظرات أسف وطلعت فوق .."
فــــي بـيـت شوي مقصرة بحقه في روايتي وهو بيت الجدة ..
غلا كآنت جآلسه مع أمها بالصاله ..
الجدة تنآظر الـ tv ع قنآة المجد , وغلا فآتحة اللاب وجالسه تكلم البنات بالمسن >ورآحو الطيبين .. ض1
بعد ماخلصت سكرت اللاب وحطته جمبها وقالت لأمها : إحم يمه بكلمك بموضوع ..!
الجدة إنتبهت لها قصرت صوت الـ tv وإلتفت لناحيتها : خير موضوع شنو ؟
غلا : لايمه خير , إمممم قبل فترة جرآح ولد عمتي ندى كلمني .. وقاللي إنه بكلم أمه عشاني عشان يجي ويخطبني ..
الجدة إستانست وبنفس الوقت زعلت عشان سالفة أبوها : يمه يا بنيتي هاذي الساعة المباركة وجراح ونعم فيه ولد أخلاق وأدب ويستاهلك ..
غلا إبتسمت : أدري يمه كل اللي قلتيه صح . بس المشكلة إنه عمتي ندى ورفضت مادري ليه "بس أكيد يمه عشان مالي نسب ولا أهـ ...
الجدة قالت بحنآن : يا يمه ياغلا لاتقولي هالكلام يا بنيتي إنتِ بنتي وأنا أمك وأبوكِ إللي تركك ومارضي يعترف فيكِ الله يسامحه .. وعمتك ندى أكييد مو لهالسبب رفضتك يمكن فيه أسباب ثانية "وكملت عشان تونسها شوي" ولاتخافي دآم إنتِ وجراح تبون بعض أنا بكلم بنيتي ندى وأخليها توافق ومابضغط عليها بس بقنعها بكلام عشان توافق بنفسها
غلا إرتاحت من كلام أمها وراح وباستها وحضنتها : الله يخليك لي يمه ولايحرمني منك
الجدة حضنتها أكثر وقالت بنبرة حزن وعطف عليها : ولامنك ياعمري إنتي ..
فـــي قـصـر أبو ســـــعــــــود ..~
سعود كآن نآزل من غرفته طول اليوم ماطلع غير مرة وحدة العصر ورد رجع عشان بشوف من بكسر كلامه ويدخل لرند ..
نآظر للصالة لقى ريف تشرب وتقرأ .. كمل خطوآته وهي حست فيه وإلتفت له وإبتسمت .. تقدم وجلس جمبها وقال وهو يناظر مكآن المخزن : محد دخل لهالحقيرة ..؟
ريف بضيق وحز بخاطرها : لاء بس طول اليوم صوت بكائها واصل لاخر القصر
سعود أخذ الكوب إللي قدآم ريف وشرب منه : خليها عساها من هالحال وأردى , تستاهل إللي بفكر بيوم يسوي معي كذا ويستغفلني رح يصير فيه مثلها وأكثر
ريف تتظاهر الخوف : يوومه خوفتني أجل أنا بصير أحسب حسآب لأي شي بسويه لك
سعود بنظرات خوفتها بس يمزح : ليه كنتي بتسوي فيني شي ؟
ريف بتراجع : إيه بس بعد هالنظرة هوووونت
سعود وريف : هههههههههههههه
أم سعود نزلت ع صوت ضحكهم وجلست ع الكنبة بضيق : إنتوا تضحكون وأختكم محبوسة شوي وتنهبل من هالخقنه
سعود بجدية وتحدي : خليها وبتبقى أسبوع لين تموت
أم سعود بخوف وعدم تصديق : إنت من جدك ولا تمزح .؟ وشو أسبوع تبي بنتي تموت نااقصة عمر ..؟
سعود : خلها عشان تتأدب وبعدها بطلعها خلها ع الأقل لين ماهي تصارخ وتطلب إن نطلعها
أم سعود رفعت إيدينها : حسبي عليك يا مـ ...
سعود قبل لا تكمل : حسبي الله ع إللي كآن السبب مزون مالها دخل لا تقعدي يمه تدخلينها في كل مشكلة في البيت
أم سعود تناظر ريف بقهر بعدين ناظرته : إللي قاهرني إنك تدافع عليها .. بعرف بس متى تفوق وتعرف الصح من الغلط
سعود : أنا الحمدلله عارف الصح من الغلط والحقيقة من الكذب , إنتوا يمه إللي باقي غاافلين عن كل شيء , وأقرب مثال رند إللي سوت كل هاذا وماحسبت حساب لا أخ ولآ أم ولا أب .. وهاذا كله ليه .. لان يوم كنت أشدد عليها تقولي سعود خلها ع راحتها سعود أختك صغيرة سعود مدري شنو لين ماوصلت لهالمستوى تصور وتنشر مقاطع
أم سعود مسكت راسها وقالت بتعب : بس بس إسكت لا تكمل
سعود وقف وعارف إن كلامه يجرح أمه لكنه صحيح ويبي يخليها تفوق للحقيقة : لأن كلامي صح تبيني أسكت
"ومشي وتوجه لباب القصر وطلع "
ريف راحت وجلست جمب أمها وصارت تهديها "