حمدت الله على ماقد حصل لي
وانا ماني على المقضي مخيّر
اسير ولا معي دربٍ مدلّي
خلقني الله في امري مسيّر
افكر فالسنين اللي مضنلي
سنين إب طيبتي فيها معيّر
يعيّرني ضعيف الحالي باللي
ورثته بالفَخَر ماهو مغيّر
ياكيف اللي رعى القاعه مفلّي
يعيّر حُر فالعالي مطيّر
يمينه ناقيه في كل حِلّي
حلالٍ صافيٍ ماهو مبيّر
وانا من كثر ماقد هو حصلّي
بصد وعادتي لا ماتضيّر
مدام العُمر بسنينه مولّي
بنور الدين والصّبر آتنيّر