ماقلت لك عندي-وماعندك إشوي
ولا قلت لك فايق عليك بوصايف
الله خلقنا نطفة ٍ عقبها حي
من عقب ظلما جيت للكون شايف
والدرب بين هِدَاك وألا معَ الغي
نفسك ورد النفس لاصرت خايف
وإبعد عن شموس الضحى وإزبن الفي
خلك مع الاجواد وإرقى النوايف
ياصاحبي برّد علي الكبد بالمي
واهجر هزيل ٍ جاك بالقول زايف
الناس تَبغى ناس تلقابها شي
من شان تلقى للمجالس طرايف
ياما نصحت وقلت لك غظ مع ني
توّك صغير وحرّقتك الحسايف
إحذر تداوي كيّة القلب بالكي
وإحفظ جميع الكل ماهي النصايف
وإبعد عن المسرى وإسرح مع الضي
تلقالك من الناس خل وولايف
لا تصاحب العيّه يصيبك من العي
خلك شديد الباس فالطبع رايف
واحفظ لنفسك ذِكر مع حاتم الطي
الجود ماردّه ضلوعٍ نحايف
هذي وصاتي فوق بطحاي وحصي
اقطف من القيفان زهرٍ قطايف