للحزن جيتك عيد
غزاي جيتك فوق خيل القصيـــــــــدة
غازي حنانك طامع انه نصيبـــــي
من اقصىشمال الروح لااول وريــــدة
لاخرحنان في عيون الغريبـــــــي
جيتك اغرف بدلوشوقي وازيــــــــدة
من نبع شوقٍ في عيونك قليبــــي
اروي نياق الروح حامت شريـــــــدة
يبس الغدير اللي تخبر في شعـيبي
للحزن جيتك عيد وارضي بعيـــــــدة
بشفاهك ابني بسمةٍماتغيبـــــــــي
واصيرلك سيدهواك وعقيـــــــــــدة
وفارس احلامك للسعادة تغزيبـــي
وكانة غزاك الهم سيفي يبيــــــــدة
ويرجع ذليل ومنكسر كل حريبـــي
وازرع بعينك حلم عمري نشيــــدة
واقطف حنانك من ثمرها رطيـــبي
واستوطن ارضك في خيام القصيدة
وابني بحنانك برج حلمي ونصيبي