»الموت ما هو أنك تكتفن بترابك الموت أنك تحب حي ويفارقك
في الحديقه فاطمه كانت مخططه و مستعده حتى تربح لها كم كلمه مع فارس اللي بلغتها امها انه بيزورهم حتى ياخذ ايمان معه.. اللي طبعا عمره ما عطاها اي اهتمام...
بكل بساطه الخطه كانت تلبس و تتجهز بملابس حلوه و تزين شعرها الحرير و تتعطر و فوقهم تلبس قبعه كبيره و تتمشى في الحديقه قرب مواقف السيارات وكانها داخله للبيت و بمجرد ما تحس بقدومه تدفع قبعتها اللي اكيد بيلتقطها و لما يعطيها اياه تشكره و تعطيه الفرصه حتى يتامل جمالها الاخاذ..
كانت تتمشى بتملل بعد ما طال انتظارها.. لما حست بواحد يغادر سيارته و يتوجهه للبيت دفعت القبعه بسرعه قبل لا تشوفه و التفتت حتى تركض وراها لما سقطت عيونها عليه.. العيون الناعسه و البشره السمراء... فاطمه رفعت حاجبها بسرعه لما شافته..
جسار استغرب لما شاف القبعه تطير بالهواء من غير تفكير التقطها و بسرعه كبيره عرف صاحبتها لما شافها تركض باتجاهه، نزل راسه بسرعه و مد القبعه: هذي لك؟
فاطمه قهرها لما نزل راسه ايش شايفها بشعه: ثانيكووووو... بس انت من وكيف دخلت هنا؟؟؟
جسار ابتسمت لما حس بعدم صدق كلامها من خلال خبرته في التعامل مع المجرمين و قراءه تعابير وجوههم.. قدر يعرف من نظرتها له وطريقه كلامها ان غرورها ما يسمح لها تقول اسمه و تعطيه الشعور انه انسان مهم حفظت اسمه...
جسار ببرود: يظهر يا بنت عمتي ان ذاكرتك ضعيفه لدرجه انج نسيتي اسم سمعتيه اسم... بس راح اذكرك يا فاطمه.... انا جسار ولد خالك محمد..
فاطمه توسعت عيونها صدمه من كلمته و بلعت ريقها: اي تصدق نسيت...
جسار وهو مازال منزل راسه ابتسم و بعد شوي عنها : عن اذنك ...
فاطمه فتحت فمها على الاخر وهي تشوفه يبتعد عنها ... من غير تفكير مدت يدها على شكل مسدس و صوبت عليه : بينقوووووو..... هدف قمه في الروعه... و الصعوووبه ... اكيد بتكون لي..
-
-
جسار دخل المجلس و اسقبلته ساره بكل حنان و حب: ياااا هلاااا بولد اخوي الغالي...
جسارو هو يبوس راسها: هلا فيج يااا عمتي.. شلونكم و شلون ايمان ان شاء الله ما تكون سببت مشاكل... اعرفها..
ساره وهي تضحك: ايمان .. ملح و سكر... كان ناقص هذا البيت.. شخصيتها مره حلوه ... و ضايفه للبيت شيء كان ينقصه..
جسار بابتسامه: الازعاج صح؟
ساره ضحكت على تعليقه: هههه حرام عليك...
جسار ابتسم لها ... جاسم دخل و شاف ساره جالسه مع جسار و استغرب كان متوقع يشوف فارس بضحك قال: ساره من هذا المزيون اللي جالسه معه... تخونين؟
ساره وهي تضحك: كااان زين لو اقدر احصل واحد مثله هههههه هذا جسار ولد اخوي محمد..
جسار قام و سلم على جاسم وهو مبتسم: شلونك يا عمي ... ان شاء الله بخيـر..
جاسم: الحمد لله... الله ياااا دنيا... لما كنت صغير كنت انت بالذات طول الوقت عندنا و ساره ما تدلل الا انت... حتى البنات كانوا يغارون منك...
جسار: وكاني رجعت لحضنها بس اخاف البنات يرجعون يغارون من جديد..
نواف دخل المجلس و الحوار مره وحده: عواطف ممكن بس فاطمه تغار علي انا و بس....
جسار نظره هاديه: نواف صح؟
نواف مشى لجسار و سلم بابتسامه: عرفتني بسهوله..
جسار: الوحيد اللي في العايله عيونه زرق شلون ما اعرفك؟
نواف ابتسم له و جلس يساله عن احوالهم لما دخل فارس المجلس وسلم عليهم: السلام عليكم...
الكل: وعليكم السلام..
فارس بعد ما سلم على ساره و جاسم و جسار التفتت لنواف: حضره المدير متى رجعت..
نواف بابتسامه: فارس مافي داعي للرسميات خارج الشغل.. مليون مره اقولها لك..
فارس: الاحترام واجب حتى خارج الشغل ولا رايك غير يا جسار..
جسار: اممم والله ما ادري بس ان افترضنا ان زوجتك هي المدير بتظل تقولها حضره المدير وانتوا مع بعض؟؟
فارس استغرب رده السريع و بسرعه ابتسم: ههههههههه اسلوبك روعه و قوي... امثالك لازم نعينهم عندنا ايش رايك ياااا نواف...
نواف: اقتنعت بسرعه برايه و نادتني باسمي عادي... واضح انه اثر فيك وواضح انه بياثر في غيره فعلشان كذا بعرض عليه .. ايش رايك تشتغل معنا يا جسار..؟
جسار بابتسامه: بفكر بالموضوع بس ما اقدر اوعدك لاني احب شغلي و متمسك فيه..
فارس: وايش هو شغلك؟
جسار: محامي..
نواف بابتسامه : وظيفه حلوه بس ما اعتقد ان مكسبك منها بيكون اكثر من الراتب اللي راح تتعين عليه في شركتنا..
جسار: احب اكون نفسي بنفسي و ان شاء الله بكون محامي كبير في يوم من الايام..
ساره بابتسامه : الله يوفقكم كل يا عيالي .. و ان شاء الله كلكم تنالوا مبتغاكم..
ايمان دخلت المجلس لابسه جينز واسع اسود و بلوزه هابي فيس و ماسكه عباتها بيدها لما سقطت عيونها على جسار ...
بسرعه ركضت باتجاهه وهي تصرخ: جسااااااااااااااااااااااري حبيبي وحشتني.!!!!!!!
جسار انصدم من تصرفها و شلون رمت نفسها في حضنه...بعدها عنه بخفه: ايش هذا اللي سويته..
ايمان باستعباط: كيفي.... حبيت اقلد بعض الناس...
ايمان غمزت لنواف و نواف ابتسم بسرعه اغلب الموجودين فهموا قصدها باستثناء جسار وفارس..
فارس وقف و ابتسم لها: وانا مالي ترحيب؟؟
ايمان هزت راسها: لااا طبعااا... انت وحش..
فارس ضحك بسرعه رغم انها اقهرته: هههههههههههههههههههههه حلوه منك يااا عمتي.. بس كذا ازعل و ما اوديك السووووق...
ايمان بابتسامه: لاا خلاااص انت حلووو...
جسار بابتسامه: بتروحون السوق؟؟
فارس وهو يهز راسه بالايجاب: حبيبت اخذها بجوله في الرياض... حتى تتعرف عليها..
جسار: تدري اني كنت ناوي الشيء نفسه...
ايمان: مو مشكله نروح كلنا... عاادي فاارس؟؟
فارس بابتسامه و برود: اكيد عادي.. عمتي... ايش رايك يا جسار..
جسار رغم انه ما يبي يظلم احد من العائله ما كان قادر يثق في اي واحد منهم... و كان لازم يكون معها بابتسامه قال: اكيد...اصلا انا ما اعرفها عدل ...
فارس بابتسامه: اجل خل نطلع الحين حتى ما نتأخر..
ساره: تو الناس اجلسووا معنا شووي..
جسار: مره ثانيه يا عمتي... خصوصا اني طولت على الدلوعه هذي بتقعد تزن على راسي اني اخرتها لعشر سنين مقبله ...
ساره ابتسمت و سمحت لهم يطلعون ، ايمان بسرعه لبست عباتها و ركضت معهم بسرعه...:يااا حلوك يااا فارس طول عمرك سباق للخير...
جاسم: الله يخليه لامه و ابوه... راقي و هادي و يحب الشغل و ماهو مقصر معنا و الحين مع عمته....
نواف ظلت عيونه عليهم لحد ما طلعوا و هو يقول في نفسه: افهم من هذا التصرف ان في خيانه بين اسامه و منصور... استعجال اسامه في ارسال فارس بعد يوم واحد من احراج ايمان لديما دليل ان كل واحد فيهم يشتغل لحاله... بس هل هم يعرفون انها مزيفه ولا لا؟؟؟
قام من مكانه و ساره سالته: نواف حبيبي لفين رايح؟
نواف بابتسامه: لجناحي احس اني ما شبعت نوم في الطياره و ابي انام اكثـر..
بو نواف بتأفف: انتظر الصلاه ما بقى عليها شيء و بعدها روح نام..
نواف تجاهله و كمل طريقه لجناحه الشيء اللي خلا جاسم يتافف و ساره تطبطب عليه..
-
-
-
-
كانت عواطف في غرفتها مشغله اغنيه عبدالحليم
بلاش عتاب و متمدده على سريرها