البارت الثاني والعشرون
"ثنين وعشرين"
فتحت باب البيت بهدوء وطلعت
: ع وين إن شاء الله .؟؟؟
مزون تجمدت مكآنهآ ومو عارفه وش تسوي وكيف بتتصرف ..
قالت بتلعثم وهي تناظر سلمان من بعيد عشان يتصرف : ءء أنا كنت بروح ..
وما كملت كلامها جا سلمان من ورا وضرب فواز وقال : وخر عنها مالك شغل فيها .
فواز بعصبيه يحاول يفك نفسه بس ما قدر : وخر عنيييي وش تبي مني ياحقييير
سلمان أعطآه بكس ع فمه وضربه لين إغمى عليه وناظر مزون اللي واقفه وتبكي : يلا مزون وش تنتظري
مزون راحت وهي تناظر فواز وتبكي ع شكله
ركبت وراء وسلمان شغل السيارة ومشي
مزون ما زالت تبكي وماتدري ليه حزنت ع فواز
سلمان اكره ماعليه يسمع صوت بكاء حريم : مزون وش فيكيي ؟ خلاص ليكون زعلانه عليه لهالحقير ...؟
مزون مسحت دموعها وبصوت مخنوق : حزنت ع شكله ضربته كثير .!
سلمان : لاتحزني عل هالاشكال هذا ولد عمك قليل عليه اللي جاه .. بعدين إنتي خلاص أنسينهم صرتي منا وفينا وإحنا أهلك ..
مزون سكتت وتفكر بسعود بعدين تذكرت : صحيح سلمان سعود لسه بالسجن ..
سلمان عرف انها عرفت : لا اكيد طلع بس لا زالت القضية لابسته ومانعرف وش الصح ؟
مزون بتسرع : أكيد ما قتل سعود مايسوي هالشي نهائي
سلمان بغا يضحك ع ردة فعلها : صحيح مايسوي كذا بس بنشوف وش اخرة هالموضوع
مزون سكتت وسلمان كمان سكت وكمل طريقه ..!
وصل سعود وأبوه ع القصر .. )
دخلوا وكانت ام سعود وريف ورند بالصاله أول ماشافوه سعود ركضوا عنده
أم سعود حضنته : يمه وليدي إنت بخير ماسو فيك شي ..!؟
سعود إبتسم : لايمه الحمدلله بخير مافيني شي لاتخافي ..
ريف حضنته وباسته : حبيبي يا اخوي ماعرفت قيمتك لا لما رحت هاليوم ..!
سعود باس راسها : لاتخافوا موضوع تافه ومافيني شي
سعود ناظر رند الكل حضنه الا هي هي ناظرته وقربت وقفت ع اطراف اصابعها لانها قصيرة وهو طويل باست خده وبعدت
سعود إبتسم عليها رند مو من النوع اللي تحضن تحس برستيجها مايسمح لها عكس ريف وتواضع ريف ..!
ريف إنتبهت لابوها وحضنته : يبه وربي ما إنتبهت لك ..!
أبو سعود ضحك : إيه لما جاه سعود نسيتوني
أم سعود إبتسمت : لا يا ابو سعود ما عاش من ينساك
ريف صفرت : الله الله يمه غطيتي ع جولييييييت
أم سعود : بس يا بنت إستحي
أبو سعود ضحك : هههههههههههه "وناظر رند " وإنتي يا رند ما بتسلمي علي ؟
رند قربت منه وباست راسه وخده : شلونك يبه
أبو سعود إبتسم : بخير يا يبه إنتي شلونك يا دلوعتي ؟
رند : بخير ..
ريف خزت أختها يعني تكلمي ليه باردة بس رند رفعت حاجبها بغرور وخرت نظرها عنها .!
ريف مسكت إيد أبوها وسعود : يلا يبه تعالوا نقعد ع بال ما اقول للخدامات يجهزوا الغدا
ع فكرة انا ميييته جوع بس يلا إنتظرت عشانكم
سعود : ههههههههههه عاد الا ريييف لما تكون جوعاانه وخروا عنها
ريف : هههههه تصدق سعود أحس بهاليوم اللي رحته للمخفر رجعت تضحك وتمزح غيروووك ..<وضغطت ع حرف الوآآآآو >
سعود رجع لاسلوبه : لا والله..
ريف : لا اللحين سعود اللي اعرفه
أم سعود : ريف وخري عن ابوكي واخوكي خلهم يرتاحوا
ريف : قصدك ابوكي مو اخوكي "وغمزت لها "
أم سعود : راششد شوف بنتك ترا زودتها
أبو سعود ناظر ريف : خلاص رييف ترا امك إستحت
أم سعود وقفت : بكحلها قام عماها
الكل ضحك : هههههههههههههههه
ريف مسكت إيد أمها : قعدي يمه ليكون زعلتي ..
أم سعود : ههههه لا وش أزعل بس بروح أشوف الخدآمآت وش مسوين .؟
راحت أم سعود ..
سعود ما صدق أمه تروح لانه بقول لهم عن مزون عشان لاينصدمون بدخولها ......!
سعود : سمعوني انا ماصدقت امي تروح بقول لكم شي ..
ريف بستغراب : شي خير وش فيه ؟
سعود : مزون كمان دقايق بتجي .!
رند فتحت عيييييونها وريف أنصدمت بس بعدين إستوعبت وضحكت
أبو سعود عرف إن ولده تعلق بمزون فإبتسم وتركه ع راحته ..
سعود ناظر ريف وأبوه شافهم متقلبين ناظر رند ورفع حاجبه : وإنتي وش فيكي ؟
رند لوت فمها مو عاجبها : ولا شي قلت شي اناه ؟
سعود : وجهك يقول مو شرط تتكلمي ؟
رند : مو عااجبني ليه بتجي يعني مافي غيرها لازم مزون ؟
سعود بحده : مالك شغل رند وبعدين رايييك مايهمني أمي ما أخذت رايها حتى أستشيرك إنتي ؟
رند وقفت وتخصرت : هئ لو وقفت معك بكون رائي مهم بس لاني ضددك رائي مو مهم .!
وناظرته وهي رافعه حاجب بتكبر .!
سعود ما إهتم لكلامها لانه يعرفها تقول كلام وهي مو حاسبه حسابه : رنننننند ألزمي حدودك ورايك إن معي او ضددي ما يهمني أوكِ .؟
رند أنهقرررررت وقفت عند المطببخ : يممممه يممممممه
أم سعود جات بسرعه : وش فيكي ليه تصرخي ؟
رند ناظرت سعود يعني اقول سعود ضحك بسخريه وما همه وسبق رند : يمه قلت لرند تناديك عشان اقولك إن مزون اللحين بتجي ...!
أم سعود بصدمه : وووشوو من اللي بجي مزووون ؟؟؟
سعود : ايه يمه مزون انا بتزوجها ومابي اتزوج غيرها ؟
أم سعود : والناس اللي كلمتهم ان نجيهم امس .
سعود : عاادي نروح عندهم واشوف بنتهم واقول لهم ما عجبتني او اعتذري .؟
أم سعود : لا ياسعود مو مطره افششل نفسي .!
سعود : لا ماراح تفشلي نفسك تجي منا ولا تجي منهم من يقبل بنته تتزوج لين تجيب الولد وتطلق ..
أم سعود : إسمعني يا سعود مزون ما بتدخل بيتي وزوواج ما راح تتزوجها وإن تزوجتها غصبن علي مانت ولدي ولا أعرفك .!!
سعود : عقاب يعني وعنآد
ام سعود : سميها زي ما تبي بس مزووون ماتتزوجها ولا تدخل بيتي وش عاجبك فيها أبفهم ؟
سعود : كلها ع بعضها عاجبتني , وبعدين خلاص الموضوع ومنتهين منه ابوي مواافق ومزون بتجي هناا ..
أم سعود : اجل انا اطلع من البيت وخلي بنت ابليس تجي بداالي
أبو سعود : يا ام سعود هذا بيتك وإنتي صاحبته وماراح تطلعي منه "وألتفت لسعود " سعود اليوم واللحين بس تي مزون تملك عليها وتروحوا بشقه لحالكم عشان تسكن معها ؟
أم سعود ورند ناظروا بعض بصدمه ..!
أم سعود : راششد إنت بعقلك وش تقووول ؟؟
أبو سعود قرب عندها ومسك إيدها : تعالي معي يا ام سعود أفهمك
أم سعود بقهر طلعت معه فوق وهي ساكته
سعود ناظر رند ناظرته بنظرة من فوق لتحت بشمئزاز وجات بتطلع ..
بس وقفها صوت سعود : نظرتك هاذي إن عديتها مرة ثانيه عيونك بفقعهم لك فاااهمه ؟
رند خافت وطلعت فوق لغرفتها وهي مقهورة .!
ريف ألتفت لسعود وإبتسمت : وأخيراً بتتزوج يا سعود .
سعود تنهد : بتزوج بس مو مثل هالناس يا ريف ..؟
ريف مسكت إيده وجلسته وجلست قدامه : يعني إنت يا أخوي تبي زفه وكذا ؟
سعود سكت بعدين قال : مو عشاني عشان مزون ؟
ريف وقفت : من عيييييييييوني والله ما اخلي بخاطرك ولا خاطرها شي ..
سعود وقف : وش بتسوي يا مهبوله ..
ريف وهي طالعه فوق : بتشوف اللحين
سعود إبتسم : مهبوله هالبنت ..!