صبح صبح
كل أحد لازم أداوم مواصلة أيام الإجازة
عكس بقية الأيام
كل البيت نايم إلا أنا وأختي وعمتي بزواج
الوضع بعد سفر أبوي الله يحفظه خربطه بالذات الغدى
محد ماأكلها بالبيت غير اخوي اللي بيعرس واللي جاي من ماليزيا عشان ندلعه
جاء للكرف ومشاوير السوق كل يومين سوق
يازين البنت لاجت تجهز تجهز نفسها
مو زي تجهيز الشاب شقة غير الزواج وشغلاته
مرة أثاث مرة مواعين الله يعدي هالشهر على خير ونخلص تأثيث شقته قبل الحج على خير
المهم اني خلصت شريت قماشي وبكرة بوديه للخياط وهذا هم انزاح
عقبال بقية خواتي يخلصون ويلقون قماش يناسب موديلاتهم عشان لايسحب عليهم الخياط ومايمديهم يستلمون الفساتين قبل العيد
باقي حجز المكياج والتسريحة ونقش الحناء
كل ماخلصنا من شئ يذكرونا بنات خالاتي بالاشياء الثانيه
الله ييسر ونخلص شغلات الزواج على خير :)