بعد هالعشره جايلي اليوم تختبرني في حبك !!
تعدينا مرحلة هالاختبار والايام أفضحتك
وبجاوب على أختبارك واقولك ماابيك
حب بليا ثقه مايستاهل يعيش روح انت واختبارك
دامني راضي والديني وراضي ربي ماتهمني
الدنيا مااوقفت عليك وياكثرها القلوب اللي تحيي
دربك تدله ومايحتاج له وصوف عجل وارحل عني
تراك زودتها تفتكرني وقف عليك لاياشيخ فكني
أبي حب يذوقني الحب على أصوله
أبي حبيب لاحطيته عالجرح يبريه
يزودني بوفاه وعمره مايذوقني خيانه
أبي قلبه يكون ملكي وماحدآ يشاركني فيه
لامني شفت حبيب بهالمواصفات مستحيل ابخليه
راح أحافظ عليه وافديه بروحي وأصونه
أبعترف أني عليك أغار بغيره تحرقني
واثق أنك لي وماابي يتلذذ بكلامك غيري
أبيك تصد عن كل الناس وتناظرني
لاتسلئ مع غيري تكفى خذني على قد عقلي
قل مجنون مهبول دامني أحبك مايهمني
اللي يحبك ماينلام وانت سحرت قلبي ياجنوني !!
كانك عالغياب مجبور ماني بشرهان عليك
قلبي معك غايب ووين ماتروح يرافقك
أبيك تحفظ حبنا وماتنساني ولو طول غيابك
أبنتظر رجعتك لقلبي أنت روحه ومايسكنه غيرك
أدعي ربي وارتجيه يحفظك ويسهل دروبك
ونا الله يصبرني على بعادك ولايحرمني منك
الشوق والوله واللهفه لاأسكنوك وش حالك؟
بتشوف العذاب الوان وماراح يرتاح بالك
لهيبهم يشعلك ومايطفي الا بوجود خلك
هذا الحب واحواله عذاب وتعذبك !!
قلبي صريح ومايقبل قلبك المجامل
مستحيل يقتنع بكلمه منك يامنافق
من اجل المصلحه احساسك يستهبل
لكن خذها صريحه ماينبني حب على باطل
أمثالك كثير روح دورهم وعاشرهم ونافق
بحياتي تربيت عالصدق ومااقدر امرر كلام فاشل
لاتحاتي ياروحي عطني همك أشيله
أنا أحبك ماهو بالقول بالفعل أفديك بروحي
عطني فرصه أثبت لك صدق قولي اللي يكدرك بزيله
لاتحرمني هالخدمه ياوفي لوتطلب عيوني
م / ن