[ آلبآرتتُ آلخآمسسِ]
×
×
×
×
تعآڵ بمعٌمعُةِ ( ڝدږييّ )
................. آبي آتنڣسڪَ بسڪَآت
×
×
×
×
ومن يوم ثاني الصبح
رنا وهي تدق على باب الهنوف ...
رنا: هنووووووووو ... هنووووووو هيييه .. نحن هوونا
الهنوف فتحت الباب : هلا رنو ..
رنا وهي تدف الهنوف وتدخل : لا .. كان خليتني بعد .. -شافت الجوري والشنط اللي حولها وشهههقت - خيآنه خيآنه جهزتوا الشنط ولآ قلتو لي... آمي متى وآفقت ؟؟
آلجوري : مدري عنك سألي نفسك !
رنآ : طيب لييييه مآتقولون هآآآ ولآ آنآ بنت البطه السودآ هآآ ؟
آلهنوف : لييه حنآ نشوفك عشآن نقولك
آلجوري : بعدين آحنآ مآنبي بزآرين معنآآ
الهنوف بتأيد : آيه رغد مآتبي - وتطلع لسآنهآ لـ رنآ -
رنآ : وش دخلكم حتى لوهي مآتبي آنآ بروح غصصب عن آم آمهآ ... وآلله بعد بنآت آخر زمآن - قآلت آخر جمله وهي طآلعه وتحرك شعرهآ بغرور -
آلهنوف منفجعه : نآظري بس نآظري آلبزر وش تقوول
آلجوري وهي مبققه عيونهآ : والله بزرآن آخر زمن
آلهنوف : آقول بلآ حكي بلآ طعمه ... وتعالي نكمل الشنط ..
الجوري : ماتدرين اذا كادي بتجي او لا ..؟
الهنوف : لا مابتجي .. تقول عندها اليوم دوام .. وبكره تبي تطلع مع حبيب الالب ..
الجوري : كوويس .. يلا يلا بس كملي شغل ..
×
×
×
×
الاوضاع في بيت ام حمد كانت مستتبه هدوء مخيم على كل البيت وكلن لاهي بنفسه
بيسان كانت ترتب اغراضها بهدوء وما اخذت معاها اشياء كثر .. اخذت الاشياء اللي تحتاجها بس
بعد ماخلصت بيسان ترتيب اغراضها راحت لغرفة فجر فتحت الباب على طول بدون ماتدقه ..
شافت فجر جالسه عالسرير ولابسه نظاراتها وتقرا لها كتاب وجنب السرير في شنطه صغيره حتى اصغر من شنطتها
بيسان بصدمه : ماجهزتي اغراضك للحين ..؟
فجر رفعت راسها له : يؤ .. متى دخلتي
بيسان : توي دخلت
فجر : .. آهآ .. الا جهزت اغراضي .. شوفي الشنطه - وهي تاشر عالشنطه اللي جنب السرير-
بيسان : من جدك .. وش حاطه فيها بالله .. هذي ما تكفي شي
فجر ببرود : وش يعني تبي اخذ البيت كله .. كلها كم قطعة ملابس وكتابين ..
بيسان فاقده الامل من فجر : آهآ .. كويس برآحتك .. -وبتردد قالت- فجر تكفين اخذي معاك ملابس حلوه لاتفشلينا عندهم تعرفين بنات عمي كلهم كشخه .. مابيك تصيرين اقل منهم
فجر انجرحت من كلام بيسان شوي لكن هذا ذوقها وش تسوي : بيسآن .. رجاء لا تدخلين بلبسي .. انا كذا عاجبني
بيسان باحراج : برآحتك - بعدها طلعت وسكرت وراها الباب بهدوء-
×
×
×
×
بصراخ كبير سوى بالشرقيه كلها زلزال : شمووووووووووووووووووخ .. شموووووووووووووووووخ
شموخ بعصبيه : وجع ان شاء الله .. جبتي للبيت الصمخ من كثر صراخك يالعبده
رغد : يوجعك انتي ان شاء الله يالسيلانيه .. اجل انا عبده .. وين تيشيرتي الفوشي
شموخ وهي تتكتف : تعالي شوفيه يمكن بجيبي .. ماقول الا مالت .. انا وش يدريني عن تيشيرتك الاخضر مدري الازرق ..
رغد تكش على شموخ : مالت علييك الا مالت علييك .. تدرين وش اللي يقهر ويفقع المرآره .. انك محسوبه علي اخت ..
رآحت رغد تكمل صراخها بالبيت وتحوس الدنيا واللي يشوف الاغراض والشنط اللي ماخذتها يقول انها بتقيم بالمزرعه شهر كامل ما كانها يومين وراجعه ..
شموخ اخذت اغراض بس مو كثير .. لان غرفتها اللي في المرزعه فيها كل شي يعني ماراح تحتاج اشياء كثير ...
دق جوال شموخ بنغمة المسج تاففت وراحت للتسريحه تشوف من اللي مرسل لها من الصباح
قرات المسج وتعلقت دموعها بطرف رمشها وقالت : لمتى يعني
كانت رغد توها جايه بتدخل الغرفه وسمعت اخر كلمه من شموخ : هيي انتي تكلمين مين .. وشو اللي لمتى ...؟
شموخ مسحت دموعها بسرعه ولفت على رغد : ها .. وش تقولين ..؟
رغد : الحمدلله والشكر ... نهايتي بعرف البلا اللي فييك .. والايام بيننا
لفت شموخ وسوت نفسها مو مهتمه بكلام رغد وكملت ترتيب شنطتها
×
×
×
×
رغد وشموخ وصلوا للمزرعه عشان يرتبون امورهم هناك ويجهزون مكان لباقي البنات ..
فجر وبيسان كانو بالطريق ..
اما الجوري و هنوف ورنا .. مازال القتال بينهم مستمر بالعافيه خلصوا ترتيب شنطهم ... وطبعا لازم نوره تعطي تعليماتها
آم متعب (نوره) : لاتنسون تلبسون عباياتكم اذا كان فيه عمال برآ .. وتغطوا زين بالليل .. لاتقربون من عند الخيول
الجوري بضجر: آوووووووووووف يمآآه خلاص
الهنوف : وربي حفظنا الكلام ..
رنا: كل ماجينا نطلع عدتي علينا نفس الاسطوانه مايصير
آم متعب: انا اقول كذآ لاني ابي مصلحتكم ... وان شاء الله تسمعون الكلام بالنهايه .. مدري ليه انتم مصرين على الروحه انا شايفه مالها داعي ابدا
متعب: خليهم يستانسون يمه كلها يومييين وبعد بكره الفجر ان شاء الله هم عندك
الجوري والهنوف ورنا بحركه تاييد هزوا روسهم بسرعه على فوق وتحت
آم متعب تتنهد : انتبهوا لحالكم .. وبعدها بوستهم هم الثلاثه حاسه كانهم بيروحون الصين طول العمر مو كانهم بيروحون المزرعه كم يوم
الجوري والهنوف ورنا: سي يو
ام متعب : الله معكم
×
×
×
×
في وحده من معاهد الباليييه الايطاليه اصوات الموسيقى الرايقه تملى الصفوف وكل ثنائي يتدرب عشان عرض الحفل ..!
وصل متاخر بسبب انه ماصحى بدري ومالحق عالميكروباص واضطر ياخذ الطريق مشي .. دخل القاعه وهو يلهث من التعب
طلال :sorry (آسف)
المدربه بعصبيه خفيفه : Why are you late for my date training Talal ( لماذا تاخرت عن موعد التدريب يا طلال )
طلال:I'm very sorry .. That is my fault(انا حقا متاسف .. ذلك خطاي)
المدربه k .. change your clothes quickly (حسنا .. قم بتغير ملابسك بسرعه)
طلال : ok
من وصل طلال للقاعه وكانت في عيون تراقبه بقلق ... وخوف .. وحيره
بعد ماخلص طلال تغيير ملابسه انتبه بهالعيون اللي تناظره .. اييه هي نفسها العيون اللي عذبته سنه كامله .. العيون اللي يشتاق لها كل يوم .. العيون اللي يعيش عشانها كل يوم .. عيون حبه الاول والاخير .. سبب بسمته بهالحياه .. وامله بهالدنيا
راح قرب منها وقال : Do not worry .. I'm fine ( لاتقلقي .. انا بخير)
وقفت ومسكت ايده بقلق : Why did not attend the early ... I called you but you did not answer the phone(لماذا لم تحضر مبكرا ..؟ لقد اتصلت عليك ولكنك لم تجب على هاتفك)
طلال مسك ايدها وقال لها يهديها: What I said to you I'm fine .. Look at(ماذا قلت لك انا بخير .. انظري الي )
المدربه انزعجت من وضع طلال وباثني وهم يسولفون وطلبت منهم يطلعون برآ او يتدربون حالهم حال الباقي ..
مسك طلال يد باثني وبدوا يرقصون رقصتهم الي يتدربون عليها من شهور ورح يستمرون بالتدريب ليوم الحفل باثني كانت شاده ع ايد طلال وطلال كان يناظر في عيونها الي تكفيه عن كل شي ..
×
×
×
×
نسمات هوا عليله ومنظر يرد الروح .. شموخ تتنفس بقوه محتاجه فعلا لمثل هالجو تمشي بهدوء وتنآظر يمين ويسار
مزرعه كبيره حيل تخاف تمشي لوحدها وتضيع مع آنهآ حافظتها وحافظه مرافقها .. فكانت تمشي قريب من الفله ماحبت تبعد كانت تفكر باليي قاعد يصير معها وش الحل تقول آو تسكت .. ابعدت هالافكار بسرعه هي جايه تستانس مو تفكر .. حست باصوات ثانيه تداخلت مع صوت اختها الي مسويه فوضى مع الشغالات ومعصبه ليه بسس شغالتين ع قولتها مايكفون ..
التفتت شموخ وحطت يدها فوق عيونها وركزت نظرها لكن الشمس كانت قويه ماقدرت تميز من الي جاء قربت من البنات ولقت البنات كلهم موجودات سلمت عليهم ومن بعد الاحضان والتبويس وحركات البنات ...
رغد متحمسه :شوفوا عاد ترى آنآ ميته جوع فاهمين وشو ميته جوع يلا بسرعه ارموا اغراضكم وتعالوا سريع
رنا:نبي ناكل برا مانبي داخل
بيسان : ايه والله الجو مرا حلو تكفون خلونا ناكل برا
رغد : برا داخل في المريخ مو مهم .. آهم شي آبي آبلع يلا بسرعه -قالت كذا ورجعت تصرخ ع الخدامات عشان يجهزون الاكل-
شموخ : يلا بنات حطوا اغراضكم وتعالوا ..- وبعدين التفتت على لوجين - لولو تكفين عارفتك بارده لا تتاخرين ههههه
لوجين : ههههههه عشان اريحك مارح ادخل بجي معك .. ليتا ليتا تعالي شيلي الشنط حطيها داخل بالغرفه
لوجين استانست من شموخ كثير تحس جوها تغير ونفسيتها صارت احسن
شموخ انتبهت ان لوجين مفهيه فيها وتتبسم : هي يا الحبيبه خير ان شاء الله ههههههه
لوجين تصرف : آوف مرا الشمس قويه خلينا نشوف مكان زين نجلس فيه -سرعت في خطوآتهآ وتعدت شموخ -
البنات كلهم مجتمعين تحت ظل شجره والاكل قدامهم
رغد كانت مندمجه مرا وداخله جو اليم مع الاكل وساحبه ع الكل
لوجين و شموخ شوي ياكلون وعشرين ساعه يحشون ببنات الجامعه
فجر ماسكه لها كتاب وتقرا فيه بهدوء
الجوري وبيسان ورنا جالسين مع بعض ع اللاب توب وفالينها ضحك ومسويين جو ظريف لنفسهم
الهنوف كانت منسدحه على رجول الجوري وتتآمل الكل بهدوء
بعنف شدييد وصوت عالي جدآ وآضح فيه الحمآس : بنات وش رآيكم نلعب كوره ..
الكل التفت لمصدر الصوت المزعج الي خرب جو الكل
رغد طالعت بوجيهم : بسسم الله علي وش فيكم تنآظرون كذآ - ميلت فمهآ - مآكله حلال آبوكم ولـآ مآكلته يعني
فجر تعدل نظاراتها : تؤ تؤتؤ الله يهدييك بس يا رغد مو سالفة ماكله حلال ابونا بس والله فجعتينا توك كنتي تاكلين فجاه تنطين كذا
الهنوف: دخلتيي بعيوننآ والله
شموخ : بسسم الله وش فيكم ع البنت آكلتوهآ- وتقرب من رغد وتحضنهآ بميآعه- حبيبتي آختي آم الافكار الذهبيه يلا بس قوموآ نلعب
الجوري ولوجين ورغد قآمو ورآهآ بحمآس وصآروـآ يركضون ولحقوهم بيسان ورنا
لوجين : هههه ونآسه
البنات كلهم يضحكون : ههههههههه
الهنوف عدلت جلستها و وصارت تنآظر هبالهم وتضحك وتشجع وفجر نفس الشي مره تقرا في كتابها ومرات تناظر كيف البنات يستهبلون وتتبسم
×
×
×
×
وفي جو رومانسي حميم جدا مشاعل ( زوجة سيف ولد آسيل آم سيف) متسطحه ع صدر سيف وسيف يمسح ع شعرها
مشاعل برومانسيه : الله لا يحرمني منك
سيف يرفع يدها و يبوسها بهدوء ويشد عليها : ولا منك يا بعد كلي .. آنآ من دونك ولا شي
مشاعل ابتسمت بقوه وناظرت ايدها مكان بوسته : وانا بعد من دونك مآ آسوى شي
فجاه صوت بكي عالي خرب عليهم آجوآئهم
مشاعل وسيف : ههههههههههههههههههههههههه
مشاعل قامت : هذي آكيد حلا .. ثامر الله يحفظه مايتركها بحالهآ ههههه
سيف اتجه للباب وكانت ورآه مشاعل : هههههههههههههههه خربوا علي جوي يآ حليلهم قبل شوي هاديين وخامدين مدري وش إلي صحاهم
مشآعل آستحت : هههههههههههههههههههه
×
×
×
×
قاعده بالارض وقدامها سفرة الاكل تناظر فيه وهي منكسره حولها عيالها وهم بعد يناظرونها وهو ياكل ولا همه
لولوه : الحمدلله .. يلا يا عيال قوموا كل واحد على فراشه
عيسى خزها خزه قويه وهي لفت عيونها بسرعه عنه ومشت واخذت عيالها معها
كمل اكله ولا كانه صاير شي معاه آبد .. وهو بداخله متحسف ليش مآ رمى عليها كم كلمه آو طقهآ
×
×
×
×
طالعه من المطبخ وبيدها عصير وتدندن بصوت نشآآآز إلي يسمعه يتمنى الارض تنشق وتبلعه خخخ
...: ويلاه ضاق الصدر ومآذكر يسآل علي ويلاه نساه طول الهـ ...
فجآه سكتت وفجعها المنظر إلي شافته راحت تركض له وعيونهآ غرقت دموع ..
×
×
×
×
و.. ليهـ يآ" آرض"
..... بـ عيونه تضّيقين!
وآنتي وســــــعك شآيل آلكون كله!
</B></I>