عرض مشاركة واحدة
قديم 12-04-2014, 02:38 PM   رقم المشاركة : 1927
مهــ(M)ــا
( وِد ماسي )
 
الصورة الرمزية مهــ(M)ــا

كل شخص فينا مثل ماعنده ميزات حلوة بِـ شخصيته

عنده بعد بعض العيوب اللي وده يتخلص منها في حياته

( العصبية ، التسرع في إتخاذ القرار )

العصبية

إذا صارت مشكلة معينة ويجي شخص مثلآ يكذبني مسوي الغلط ويرجعه فيني انا هنا انقهر واعصب *_*

ليش يرمي أخطاءه على غيره ..

أذكر قبل يمكن ٥سنوات أو أكثر صار موقف مع وحدة من خالاتي وبناتها

الأم أحياناً وحطوا تحت أحياناً خط أحمر لِإن مو كل الأمهات وفيه مواقف معينة فقط

بِـ دافع الأمومة تدافع على بناتها حتى لو هم غلطانين

وتكذب البقية ليش عشان ماتبي بنتها تطلع كذابة بِـ نظر العائلة بِـ الرغم من صغر سنها

صحيح السن مايحكم عليه بس مفروض الأم تتأكد قبل توجيه الكلام وبِـ الذات لاصاروا كذا شخص بِـ الموضوع

الزبدة أنا وقتها انقهرت يعني بنتها قالت لي بِـ لسانها هَـ الشئ ليش أنكرت قدام أمها وطلعتني كذابة :(

أنا وقتها لاشعوري ماقدرت أتحكم بِـ أعصابي وكنت أتكلم ومع العصبية صرت اتكلم بِـ صوت عالي مع خالتي

وخالتي الثانية وبنات خالاتي يهدوني وخالتي تقولي ليش معصبة هدي هدي

سبحان الله الواحد أحياناً وقت الغضب يحاول يمسك نفسه بس فيه أشياء تقهره وتخليه مايسكت

وبِـ الذات لاصار في السالفة تشكيك فيك أنتي وكم شخص إنكم كذابين *_*

أحياناً أحاول أمسك نفسي وأكتم بس أحياناً بِـ عصبية أقول كل شئ << هَـ البنت فضيحة ههههه

فضيحة بِـ شئ خاص فيني وبِـ أهلي ^_^

أما تسرعي في إتخاذ القرار

كم مرة صار لي موقف من الفرحة أحياناً أوافق وأتندم

لإن ماعطيت نفسي مجال أفكر ..

أو أرفض لِـ صالح ناس مافكروا فيني على حساب نفسي

ولما أرجع أفكر مرة ثانية أتندم إني تسرعت بِـ الرفض

كم مرة حاولت أضبط نفسي بس أرجع من جديد *_*

الله يبعدني عن هَـ العيبين وأصير هادية وأتأنى في إتخاذ أي قرار بِـ الذات لاصار يخصني ..

فضفضة :)







التوقيع :
اضغط على الصورة لفتحها بصفحة مستقلة

رد مع اقتباس