أطرح بين أياديكم قصيدتي المتواضعه التي أتمنى أن تنال استحسانكم
أنا سألتك: هل تحبني؟ وأنتظر منك اجابه = شايفتك من فترة ساهي حتى ماتحس بوجودي
ليه متضايق حبيبي؟ وكل معاملتك صلابه = ارتجي منك الصراحه ولاتجازيني بصدودي
هل أنا سبة عذابك؟ وهالقلب ذنبي انتحابه = قول فضفض ياغناتي ماأحب فيك البرود(ي)
لاحشا ماالذنب ذنبه.. ومستحيل الشين عابه = ساكتٍ من يوم رحتي وناطرٍ انك تعودي
في غيابك عمري واقف.. مازاد يومٍ في حسابه = مادريتي انّ عمري تملكينه ياالعنود(ي)
في غيابك وابتعادك صارت أشواقي سحابه = سيلها من كثر غزره كسّـر بشوقه سدودي
حبك اللي من عشقته صار في قلبي صبابه = لو طلبت الروح فدوى وكل ماأملك وزودي
بالشعر فيك أتِـباهى والقلم سطر كتابـه = وكل نبضٍ من حروفي بالمحبه لك شهودي
وأعزفك لحنٍ جميـلٍ تفتخر فيه الربابه = وأنثر الشوق بوجودك وأجعلك أغلى ورودي
تسأليني هل أحبك؟!! ذا سؤالٍ فيه غرابه = كلي اخلاصٍ لقلبك وحبي لك فوق الحدود(ي)
اسكني هالقلب بيتك واغلقي ترباس بابه = أنا ملكك وانتي ملكي غصبٍ على عين الحسود(ي)
العرض الشجري
