السلام عليكم .. مسائكم جميل .. هذه أول مشاركة أتمنى ترضي شيء من ذائقة المتذوقين .. ويشرفني الإنتقاد والتعيلق .. بكل ما يراه القاريء الكريم .. وحياكم
إنت الحقيقــة في خيالي لحالك = واللي بقى غيرك خيـال في خيـال
كنت إنتظرك شهور أرجي وصالك = رابط على قلبي من اللوعة حبال
في كل ليلة كنت أناجي خيالك = يامهرةٍ بعدك ترا ضياع خيال
للحين بعيون الهواوي جمالك = يافاتنة وعندي على ذلك أمثال
مبسم صغير يتوٌه اللي قبالك = والخد لو يحتر من إنعومته سال
ورمشٍ كما ليل المساجين حالك = في سجنه عيون كما لمعة اللال
رويان جسمك مهتني في دلالك = وردوف (عزٍ) ضيعت دونها رجال
وعقلٍ كبيرٍ فيه يشهد خوالك = واللي معك ناسٍ يقولون وش قال
مرهف تعلمت الغلا من خلالك = دكتور قلبك في الهوى صايل وجال
حبيتني وأصبحت كلي حلالك = كم حاجزٍ بيديك يا مهرتي زال
طير الهوى يرقى لعالي جبالك = كيف السهل مثلي على كل الأحوال
قلبي سرقته من قفصه وسرالك = وأصبح مكانه صورتك فيه تمثال
يعني إنت قلبي كيف أغير بدالك = أعيش لك عمري عسى سنينك طوال
العرض الشجري
