عزمت أخلي كل ربعي والاحباب...... من عقب ما حسيت بالقرب ضيقه
وقررت أسكر باب وافتحلي أبواب ..... ترقى بطموح النفس تشعل بريقه
كلن تغير بدل اصحاب بأصحاب...... وكلن نسى عهد الوفا مع رفيقه
لاواحسافه ضني اليوم قد خاب ......ماعاد فيكم شي اقدر اطيقه
حتى الوفا ياكلاب يوفونه كلاب ...... يالعنبو نفسن عليكم شفيقه
ما ينفع الرجال تطويل الاشناب......لاصار من جيل الرخوم الغريقه
ولاتندهش من غدر الاقراب لأقراب......في هالزمن الاوهام صارت حقيقه
صدمه عمر جتني وانا توني شاب ...... والضيق ولع في المحاني حريقه
وقتي نساني حطني ضمن الاغراب ......وكل ما نصاني الحظ "حزني" يعيقه
جرح الزمن فيني الى اليوم ماطاب ......"والهم" كابوس(ن) عجزت استفيقه
الدمع ماهو بس نهري بالاهداب ...... الدمع "ياسي" والطعون العميقه
والحين أبرحل ما بقى شي ماذاب...... وما عاد لي بالصبر ايت طريقه
عزمت اخليكم ياربعي والاحباب ...... في قربكم دنياي ضيقه بضيقه
الشاعر / خالد خزيم السهلي
العرض الشجري
