رســــــــــــــــــــــاله قديمه
باقي من الذكرى رساله قديمه .. قريتها بين الورق .. واذبحتني
فيها روايح عطرها مستديـــــمه .. وقلوب عشق كنها تو جتنــي
وأبيات عشقٍ بالمعاني عظيمه .. ترسم ملامح حبها اللي عطتني
قلبي معك .. والحب ربي يديمه .. الكلمه اللي فالرساله كوتنــــي
وامطرت لحظتها من العين ديمه .. على الفراق .. ودمعتي فجرتني
وبكيت لين اني فقدت العزيمه .. في حاله لو هي درت ماحسدتني
بين السكوت .. ودمعتين الحريمه.. أيامها طالت وهي ... واحشتني
ذكرى الغرام اللي بقلبي مقيمه .. اعيش بين اطلالها .. مافرقتني
والحب .. ذعذاع العواطف نسيمه .. والذكريات الموت .. لا من دعتني
للجادل اللي بالغلا .. مستقيمه .. من راسها .. حتي القدم معجبتني
حسيت يوم فراقها بالهزيمــــــه .. قلت : اللقاء .. واقفت وهي ماعدتني
وحاولت ابنساها وخفت الظليمه .. يمكنها مثلي .. بقت مانستني
والحب إله معنى .. وقدر .. وقيمه .. لعيون ريما بالمفارق بكتني
ومرت سنين .. وامطر الحزن غيمه .. بين الحنايا .. والهواجس لفتني
وفتشت بأوراق .. بدرجي قديمه .. وجتني رسالتها .. وضعت وقرتني
وقريت فيها بيوت .. حب عظيمه .. وقلوب عشق .. كنها تو جتني
وبكيت لين اني فقدت العزيمه .. في ساعه .. لو هي درت ماحسدتني
مع التحيه
أخوكم العـــــــاصي
العرض الشجري
