حوار بين احلى بنتين بالرياض؟؟؟

راماالمطيري · 11-02-2003, 02:06 AM

حو11ر بين احلى بنتين في الرياض هع هع
هذي يا جماعة الخير هوشة صارت بين برج الفيصلية وبرج المملكة والي
مرتزات في طريق الملك فهد في الرياض وبصراحة وقفت سيارتي وجلست
اتفرج واسجل لكم كل الحوار الي صار بينهن وتعالوا نشوف وش السالفة....
برج الفيصلية : انتي يالدبا .. اقول يالدبا
برج المملكة : خير يالعصلا وش تبين
الفيصلية : اقول وراك ترتفعين واجد وتطلطلين علي عيب خليك بحالتس ..
وعععع كششش عليتس
المملكة : يؤ .. وش دخلك انتي يالعصلا .. انتي ماتعرفين النظام ,,
والا غايرة
الفيصلية : قالت ايش قالت غايرة .. روحي بس روحي .. وش اغار منه تكفين
.. على سمنك والا على جثالتك
المملكة : لالا والله .. اسمع اسمع مره ثانية .. ايييه ياخيتي جثلة
الناس يحبون الجسم الزين اجل عصلة
الفيصلية : انا جسمي الحمد لله زين ورشيقة منيب دبا
المملكة : روحي تكفين شوفي وجهك بالمراية .. انتي وهالصعرور الي براسك
كنه صلعة راس هندي زعلان عليه ابوه ومالقى شغل ( الصعرور هو
المطعم الدائري الي اعلى البرج )
الفيصلية : لا ياشيخة هذا مطعم يالقرويه وش عرفك بالزين الناس تجلس
تاكل وتتفرج على الرياض كله .. وع عشتوا
المملكة : عشتوا .. عشتوا .. بغيت اجيب لك دبوس انفشه حسبته صعرور
ياوخيتي
الفيصلية : روح بس انتي وقرونك الي طالعات تقل مشافيح يدورون لهم على
رزق
المملكة : قرون .. قولي قولي .. قرون ياشين القراوه بس اذا تمدنوا ..
هذولي برجين اعلى برجين في المملكة كله
الفيصلية : عشتوا .. اقول يالقديمة وراك حاطة طوق فوق راسك .. تمدني
الله يعافيتس فشلتيني .. حاطة طوق وين الناس
المملكة : طوق وعععععععععع ياشين اللي يحتكون هذا جسر معلق يمشون عليه
الناس يربط بين البرجين قالت طوق كشششششش عليتس ... يا حسرة
الفيصلية : اقول ... تعالي شوفي الناس عندي كنهم رز في كل ركن فيني
منتشرين يالغيارة
المملكة : طيب .. اصبري شوي .. كلها كم شهر واسحب هالعالم منك وتبحلين
بعمرك .. تهفين الذبان
الفيصلية : عشتوا ... اهف الذبان ليه وش قالوا لك سوق اوشيقر ياوخيه
المملكة : لالا مو قصدي بس ابي اسحب هالعالم منك
الفيصلية : ياليتك تفتحين وتريحيني من هالزحمات والله
المملكة : ان شاء الله قريب بس لاتواخذيني يا وخيتي اذا اخطيت عليتس
وقمت اتطلطل ترا انتي تعرفين شفاحة الحريم .. ابشوف وش احط للناس اذا
جوني .. تعرفين عرسنا وافتتاحنا قريب ان شاء الله
الفيصلية : هاااو وش دعوا ياحافظ ازعل .. الا والله شكلك حلو ومميز ..
انا من زمان ادور لولدي عروس هههههه عاد تراي امزح معتس
المملكة : هذي الساعة المباركة الي شرفتينا فيها
الفيصلية : لا وش دعوا انتي ماشاء الله عليتس حلوه وكل واحد يتمناك له
المملكة : لا وش دعوا .. انتي جميلة ورشيقة وطالعة وش ملحك في الليل
مغير اتمحلق فيك كل ليلة
الفيصلية : الا مار هذي الساعة المباركه الي جمعتنا سوا جارات والله
انك مملحة الطريق ومملحة الرياض كله
المملكة : ماعليك زود العين ماتعلى على الحاجب انتي الكبيرة ولك
الاحترام
الفيصلية : يالله ياوخيتي استري ماواجهتي ... ترا الدعوة مزح وضحك ..
مالي الا الله ثم انتي في هاطريق هالحين . اوسع صدري معها
المملكة : لا وش دعوا ماواجهني الا الخير يالله مع السلامه جوني
العمال يبون يركبون السقاله على رقبتي بيرفعون البرج المعلق خليني
اتغطى
الفيصلية : يالله في حفظ الله وانا بعد جانا الليل ابروح اولع الانوار
علشان تشوفني الطيارات لاتجي
وحده وتصبخني مع جبهتي .. انتبهي وانا اختك ولعي اللمبات في الليل
علشان هالطيارات تنتبه تراك عاليه بالحيل اسم الله عليك
المملكة : تسلمين والله يالغالية .. ابشري
واخيرا تصالحوا وتحابوا وجلسوا يتحاورون كل يوم جارات
وش علينا بعد

ملطوووووووووووووووووووووووووش

‘ بدر الشوق ‘ · 11-02-2003, 02:11 AM

7
7
ايه ياراما ذكرتيني يوم كنت في الفيصليه
مع جدتي <<- جدته اكتشف انها مراهقه في الفيصليه وشيلتها
والثاام خخخخخخخخ

تيب تيب
7
7

شكووورن اختوو راما
على هيك لطشه
ينطيك الف عافيه ولاتنسونا بالضحايا
اي شي لو السسسبده
تحياتووو

بدر

عذوب · 11-02-2003, 02:19 AM

الله ياخذ ابليسك من وين جبتي هالحواااار هذا لو مسلسل يبيله 30 حلقه بس كثر الله خيرك حللللللللللو ونبي اكثثثثثر خخخخخخخ باااااي

زود الـغلا · 11-02-2003, 02:24 AM

راما

العقاريه مو معهم بالحوار

خخخخخخخخخخخخخخخخخخخخخخخخخخخخخخخخخخخخخ

طيب القريه التراثيه مافرعت (( فصلت الهواش )) بينهم

انا كنت موجود بالهوشه بس لم احرك ساكناً خفت يطقوووني

تحياتووووووووووووووووووووووووووووووووو

راماالمطيري · 11-02-2003, 03:02 AM

مشكوووورين على الرد وابشر يابدر السسسسسسبده ابدزها لك عالايميل ههههههههههههههه*q *q *q

بس لازم تدز لي هديه بس اياني واياك تدز لحم هااااه ياويلك*2 *2

‘ بدر الشوق ‘ · 11-02-2003, 03:09 AM

انا كلي واحاسيسي وقلبي متجه صوبك <<- عادي يغني بس

7
هاه
راما ايه اشوى تدزينها لي السسسسبده

<<- حس انه هو الي يبي يندزززز
<<-- تبققت عيونه يناظر زين
7
7

المهم ايه بس يااخذها احد
اخاف الفار يزرطها مدري عنه
المهم ماعليس ابد ابد ياوخيتي الهديه تاصلس انشالله
لو ناخذ باص البنات حق الجامعه ذاك هو؟؟
الاصفر ولا الاخضر؟؟
لامانيب داز لك لحم <<- يدور الضحايا خخخخ
<- ماصدق جاه العيد تيب تيب
وبعدين مو مشكله كانك تبين
كليجا زين ماهو مشكله بس محشه بحلاوة
تحياتووووو
بدر الشوق

كاتم الأحـزان · 11-02-2003, 09:19 AM

يسلموعلى الحوار........

تحياتي...

كتوووم