((جديدي)) من زعلك

[همس القلوب]

[c] من زعلك قولي 00 يا منى الروح قولي
أرجوك قلي ولو علي كنت زعلان

خلي الزعل والهم عنك يولّي
ما عودتيني ترسمين على وجهك أحزان

وش فيك ساكته يا حبيببتي ومن لي
شوفي من أسبابك أنا حيل تعبان

حزنك يتل الروح والقلب تلّي
تكفين ابتسمي لا تشعلين القلب نيران

بلاك ما تدرين وش اللي يحصلّي
تزعلين علي ويثور في القلب بركان

وأمل من نفسي وأضيّع محلّي
وألوم نفسي وأسهر الليل ندمان

تعالي بحكي لك سوالف تسلّي
وبقول أحبك وبقول أنا حيل ولهان

خلي الزعل وخلي عنك التغلّي
ولا عاش راسٍ يزعلك لا ولا كان

[/c]