هذه أولي مشاركاتي أضعها بين يديكم عسى أن تنال اعجابكم
.............(ريح الشذى).............
جيت الرياض ونوّرت بقدومك=ابرك ليالي وقتنا جياتك
هلت على أرض الوصال غيومك=وجو الرياض استبشر بنسماتك
لا هب مع ريح الشذى يشمومك=كل الشوارع تزهر بنفحاتك
ارتاح لامني سمعت علومك=واموت في هرجك وفي ضحكاتك
سماع صوتك يالحبيب (أنعومك)=بس أنت ماكملتها بشوفاتك
كل الجوارح والحواس ترومك=في كل اطباعك وكل حالاتك
أنا لك أقرب من حرير هدومك=وأخلص لك بحبك مثل نياتك
أصحاك وأرجع كل ماصحا انومك=مدري أنا اصحاك والا اباتك
أنا أعتبرني أغنيه في ألبومك=قدم ورجعني على مشهاتك
أنفذ أمرك لاصدر مرسومك=وامشي على ماتشتهي رغباتك
حطه على بالك وفي معلومك=أني أحبك كثر حبك ذاتك
من كثر ماعشقك عشقت همومك=من كثر ماحبك أحب غلطاتك
وش فيك ماتعطف على محرومك=اللي حيا حبك وعوّد ماتك
مادمت موتي لو يجيني يومك=فيك أستلذ ياموتي بسكراتك
بس أنت صوتك يالحبيب (أنعومك)=لكن ترا مايغني عن شوفاتك
العرض العادي
