قصيده رائعه للأمير محمد الأحمدالسديري اخترت منها بعض الأبيات وذلك لأنها طويله..،ارجو ان نستفيد منها وان تنال اعجابكم..[poet font="Simplified Arabic,3,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
سيل حدر مع وادي غير واديه = مدري حلال ماه والا حرامي
كانه حلال وجايز شرب صافيه = وش حلله يامفسرين الحلامي
هذا زمان كاثرات بـــــلاويـــه = الغيم يقلب فيه عج وكتـــامــي
قصريذلك لا تقابل مبـانــيـــه = خله عــسى شامخ طويله هدامي
لو زان مدخاله وطالت حواميه = شيد على الخيبه قليل الرحامـي
وحي يوريك المذلـه وتــغـليـه = انا اشهد إنك ميت القلب عامي
من لا يودك لا توده وترجيه = أرفع مقامـك ياعزيز الــمقامــي
ارفع مقامك عن عدوك وتوذيه= ويلحقك من تركت رفيقك ملامي
حق الرفيق وواجبه..لا تخـليـه= يلزمك مثل الوالدين الحشامي
اخترعزيز الجار والحق يعطيه= شبل على هرج يقوله يحامي
مادك به عرق المذله وطــاريه= ويسبق على فعل الفضيله شمامي
ومن قارب الاجرب بالامراض يعديه=عدواه تسطي باللحم والعظامي
درب السلامه بينات مماشيه = ودرب العطب يورث عليك اللكامي
أبعد وقلبك نازح البعد يشفيه = وتلقى عن الدار البغيضه مقامي
عن مقعد بالذل عينك تراعيه = الموت عند الذل أمان وسلامي
يرضى المذله من تردت هقاويه = والذل يجفل منه قلب العصامي
والعبد له رب عن الناس يغنيه = ولولاه ماصاب الهدف كل رامي
[/poet]
وسلامتكم جميعاً...،،والله يرحم الاميرالشاعر: الـــسديري
العرض العادي
