السلام عليكم ورحمة الله وبركاته
هذه اول مشاركه لي معكم وحبيت ان افتتحها بقصيده مهداه مني لرجل الكرم الاول الوليد بن طلال ..
اتمنى ان تنال على اعجابكم..
انت الكريم :
ياشيخ لك مني كثير التهاني
يابن الملوك اللي لك الشعب يثنون
وليد عن مدحك يعجز اللساني
شوف العيون وغير ناس يــقولون
انت الذي تعطي العطايا السماني
يشهد على قولي عطى كل ملـــيون
عبدالعزيز الجد نعم المجاني
وابوطلال تتعب اللي يـــــعدووون
لعل جدك في نعيم الجناني
وعمرك يطول ويرفعك عالي الكون
الطيب مايخفى ولو غط باني
اللي يغط الطيب خاين وملـــــعون
مثل الجدي ولا سهيل اليماني
فعلك رفع راسك لك الشعب يدعون
يفرح بك اللي مال وقته وشاني
وتفرحبك العميان واللي يـشوفون
لك منزل ياشيخ باعلى مكاني
حيثك عن الزلات تكرم ومصيون
كل يقول الله عطاه وعطاني
تصرف على العاجز كما يصرف الشون
انت الكريم وكامل بالمعاني
من جاك يلقى رفعة الراس ومتون
ماشفت مثلك بالعرب شخص ثاني
انت الوحيدبدورك اليوم بالـــــعون
ضلوعك حديد من حديد متاني
جدك وابوك بشحة الوقت يعطون
فيك الشجاعه والكرم والحناني
ريف الضعاف اللي لبيتك يرودون
والله مامثلك بهذا الزماني
باللي مضى واللي على الارض يمشون
تغني لك الورقى طويل اللحاني
ويدعيلك اللي بالمساجد يصلون
ولك التحيه عدوبل الغشاني
وانا على فعلك مقدرومــــمنون
هذا ولك مني شكر وامتناني
وتحية لك عد مطلق ومسجونواشكر لكم حسن قراءتكم وشكرا لكم...
اخوكم /نواف بن متعب
الرياض
العرض الشجري
