عسى المزنه إلي يسابق برقها أرعود= تنثر على دار الولايف مطرها
لين الصحاري الجرد ينبت بها أورود= ويعانق ورود الصحاري زهرها
ويخضر منها بأ لورق يأبس العود= ويحيي جوانب ميته من شجرها
تمطر سحايبها وخلق الله أرقـود= ويبدا مطرها مع بداية سحرها
وكل ساعه وبل ذيك المزون يزود= تكاشف بروق السيل وتملا غدرها
دار بها غض النهد ناعم العود= أم الجدايل إلي غطت أسفل خصرها
لامن ذكرها القلب كن فيه بارود=وطيفها الفتيل والنار وشررها
الأمل لديارها يامتى أعود= معاد عنها الروح تقوى صبرها
وعيني على الوجنات في دمعها تجود= أخاف من صكات وقتي وقدرها
حلو اليالي حلمها يروح ويعود= وليلة لقانا أخاف يخسف قمرها
مع طيفها ماكن بيني وبينه حدود= والروح عنها طولة في سفرها
أدري القدر لامؤجل ولا مردود=معدوده الأيام و قـد قدر قدرها
نمشي ولا ندري متى يومنا المحدود= والروح على كف القدر ياقدرها
مناي لمس الكف وتقبيل لخدود= ويداعب أذني صوتها من ثغرها
من قبل مالبس كفن وسكن بألحود= وان حصل لاتدري بأروح وخبرها
خلوها تنعم بالحياة عام وزود=ولا قلو معاد لدار تناساهاوهجرها
أدري بيطيح دمعها فوق لخدود=وتشك فيني وانا ميت ان قلبي هجرها
العرض الشجري
