انا بقتل الصمت واحيي شعوري...
وأنقذ الكلمات من بحر السكوت...
وانادي نظره
سافرت من عيوني..
علها ترجع
وتقرالك من قصيدي بيوت...
ياذيك الدخون
ياأول الرحله..بمسافة عروقي...
وياآخر الوعد ..نبضي لايموت...
انادي اليل..وليلي عوينك.
ليلي المكتوب برده سكونك..
آه ياكثر الامنيات..!!
ودي اعانق الضي...بنظره...
لكن للاسف مسجون..
وماكان القدر... صدفه
سجنه الشال والحارس كفوفك...
آه ياكثر الامنيات..!!
ودي اشغل الحارس ...بكلمه..
واسرق من الخجل مفتاح....
وانثر الشوق هاجس..يهمه..
يهدي السجين اطلاق السراح....
ياذيك الدخـــــــون...
انا بقتل الصمت واحيي شعوري...
وأنقذ الكلمات من بحر السكوت...
وانادي نظره
سافرت من عيوني..لوجهك..
علها ترجع
وتقرالك من قصيدي بيوت...
ياذيك الدخون...
مابه احد ...غيرإنتي وانا...
خذي شعوري .بحر...موجه وفا..
ياكل السهر..يا أحلى قمر..
لاتسكتي..واحكي شعورك..
مابه احد غير انتي وانا..
ياكل الهنا..
زيني الكلمات بأنفاس صوتك
ياذيك الدخون...
هلي جديل الحب..
ياحـــب بروازه جنون...
ياعمري الباقي هلا...
تعالي لصدري وكفا....
انسي شعورك والكلام..
لهفتي البرد واحضانك دفا...
تعالي
نرسم القصه هيام..
تفجر للكون نبعه...
تعالي
نسقي العشق رشفه...
عطشان ومن حبنا مااكتفى...
ياذيك الدخـــــــــون...
انا بقتل الصمت واحيي شعوري...
وأنقذ الكلمات من بحر السكوت...
وأودع نظره
سافرت من عيوني..لوجهك
علها تبقى
وتكتبك وتكتمل في قصيدي البيوت..!!
مجرد لهو اتمنى ان ينال اعجابكم
تحياتي
إحســــــــاسـ...العـــــــــالمـ
خيال آخر...
العرض الشجري
