فديت اللي اذا ما جيت انا اساله عن حاله=يبان الشوق في عينه ويسالني وش اللي فيك
واذا ما جا على بالي اكيد اني على باله=واذا ما جيتني تسال انا اللي ارتمي واجيك
زعل مره واحرمني وانا المشتاق لوصاله=سهرت بليلة الفرقا وكنّي من الوله اشكيك
يروح الليل ويركني ويفعل فيني افعاله=وانا في دفتري حاير ادوّر كيف انا ارضيك
هجير الشوق والخاطر يساءلني عن احواله=انا وش حيلتي ياللّي غرامي ما يأثر فيك
اخاف الحين اشرح لك عذاب الليل واهواله=ويصير الهم في قلبك عيوني يالغلا تفديك
لو انك فارس العشاق وكل الكون خيّاله=انا درب الليالي اللي اذا ما جيتني اطويك
انا ذاك الغرام اللي عظيم الشوق هو خاله=وفيك الخوف لو يطري انا يا منيتي اغطيك
سكنت الروح والخافق غديتي داره وماله=ولك في غيبتك طاري ينازعني على طاريك
دخلتي دنيتي لما نسيت القهر واظلاله=ملكتي مهجتي والروح كل ما تطلبي تعطيك
يبان الشوق في عيني وانا اساله عن حاله=وخوف الكون يملكني قبل يسأل (وش اللي فيك)؟
العرض الشجري
