ابرق النــــــو ثم الرعد دوّا=وتناثر جــو.. من غمـــام الما شابع راوي
ضــاح الليــل من بارق ضـــوّا=انتشى خــاطر نشد موال جرحــه الـلاوي
حار حــرف كن ماعاد يقوى=يعبر عن صادق احـســاس وحيد خلاوي
صمت المحب للـقلـم صار مثوا=كيف اعبّر عن حال صُـنف تحت مأساوي
صمت المحب سوى الذي سوى=ولا ادري لو طال الجفى حالي وش نـاوي
لحقني من هل الونات عــدوى=ماهقيت اون الين خيّب هواي الهقاوي
منه صرت كما جريح عــــوى=من على شاهق شهق جرح روحه الكاوي
من شدة مصابه قام يـتــلــوّى=يعوي لجبال ترد صدى صوته الـعــــاوي
مستوحش بقفار مابها مـأوى=في زمان شح عليه بكل امـــان له يــاوي
هل له من ذاك النداء جـدوى=هل له من سامـع يشفق عليــه حتى يداوي
غصب صاح ..مع مرارة الشكوى=عله يلقى اجابه تشفي بعض الشكــــاوي
رد عليه الجبل بصــوت اقــوى=صدق الذيب م لهفته صدى صوته الداوي
تعجل م الفــــرح ثم ما تروّا=يردد أحـبك وراح ويا الجبل بحكاوي
ليته تحامل وما عظمة البلوى=آه لو ادرك غباءه وكف تفكير الغاوي
ليه سوى نفسه حكاية تروى=لو يبات عالجرح م الالم جايع طـــاوي
يعاقب نفس دايم بينهم ملـوا=نفس منها عليها مسّخيــه جلف البــلاوي
ذيب حاله كما حالي وأشوا=وانتي بنت حوا صمتك و الجبل بتســاوي
صبرت لجل عين الذي أهوى=لا زال يراعيني ضمير عاشق محب هـــــاوي
صمتك حبيبي ماهو بسـلوى=صمتك كل حبي تعــال اجـرح تعــال داوي
لك مقام في خافقي يســوا=مالا احيط به ما لا رواه م البشر راوي
يستحال صفحتك معاي تُـطوى=يعاند زمانه قلبك ولاهو للحب طــاوي
الدامي
العرض الشجري
