أود أن اطرح موقف دار بيني وبين أحد صديقاتي ( وطبعا هي غير سعوديه) وسيكون هو مدخل لموضوعي :
· في صباح يوم دراسي ممل , دخلت صديقتي ونفسها في مناخيرها ومعصبه
· وكنا أكثر من صديقتين , سألتها : وش فيك وش السالفه ؟؟
· قالت : فيه حدا متأدم لي ؟؟
· قلت لها : مبرررررروك ألف مبرووك
· قالت لي : الله لا يعطيك العافيه شو مبروك أنت مجنونه بدك ياني إتجوز واحد سعودي وأعيش هون !!
· قلت لها : أنا حسبالي ابن خالتك ( اصلها بتحبوه وهو كمان بس هو شىء )
· قالت لي : لا هيدا واحد بده يشتريني بمصرياته شو حسباله !! آل شو آل بينطيني مهر 120 الف وسياره للبابا ويسكني بفيلا لوحدي , طز بالمصاري اللي معه ازا هو شايف حاله احكي لي على شو شايف حاله من شان معه مصريات فاكر بنات الناس تنشرى بمصاريه !! ( قلبت علي طيب أنا وش دخلي )
· قلت لها : هدي هدي , طيب وش راي ابوك ؟
· قالت : مابعرف , بس لو صار اقسم لك لادمر حياتوه متل مادمر حياتي وحرمني من اللي بحبه ويحبني أ نتو هيك يالخليجيين فاكرين كل شىء بتحصوله بمصاريكم وتزلوا الناس اللي مامعهم , هيدا أساسا الله مابيرضاه
· قلت لها : خلاص هدي ولا تزعلي اكيد ابوك ماراح يرضى واذا رضى خلي اخوالك يتدخلون ..........
المهم استمرت معصبه لحد ما رفضه ابوها, بس من قدها الحين هي متزوجه اللي تحبه وعايشه باستراليا وعندها ولدين ( اقول هذا الحظ اللي ماهو حظنا)
عاد بالله فيه مجال للمقارنه بين انها تاخذ واحد
زي هذولا --------- > (مصطفى قمر _ايهاب توفيق _ راغب علامة )
من اصلها يدللها ويحطها فوق راسه والراتب كله عندها هي اللي تدبره ( مالت علينا اللي ماندري كم الراتب اساسا ) , واحد عيونه عسليه تجذب و شعره اشقر ياااااااااااااي يهبل وإلا عاد بياضه حدث ولا حرج الشفايف ورديه والخدود حمر والرقبه تشع من البياض , هو طول هو رشاقه هي اناقه ولبس هي كلام واصوات تفتح النفس هي نظرات تضيييييييييييييع ( ما اقول إلا الله عليه العوض)
--------------------------------------------------------------------------------
طبعا نفس صفات الخليجين ( خوش) ملامح
زي هذولا -------- > ( عبد الله بالخير _ علي عبد الستار _ عبد الله الرويشد _ خالد الملااااااا )
لا وإلا عاد البشرات واو شىء كانها حفريات والعيون اللي بمكبر تشوفها لا وبعد مافيها رموش ليه ما ادري ( هذي ظاهره لازم ادرسها ) وإلا عاد الخشوم اف اف لو نقسمه على عشره كفى وزود ولا انسى الشفايف اللي كانها بطانيه الواحد خشته مغطيه نص وجهه من كبرها ويجيك لونها كذا بنفسجي مقلم ذيك التقليمه الناعمه بالاسود ( من كثرة الشيشه والمؤدب سيجاره على الخفيف
--------------------------------------------------------------------------------
ونظرا للحمله الشرسه التي شنها الاخوة ( الدنماركين … هاهاها) عفوا السعوديين بشكل خاص والخليجيين بشكل عام نوجه عنايه الساده المشاهدين الى ردة فعل بنت مسـتـشـرة وذلك كما يلي :-
ياعزيزي السعودي والخليجي أنت ( أبوي وأخوي وولدي وللأسف زوجي ) اذا كنت ذات ركب سوداء وشعر فاحم فأنت السبب إن علم الوراثه الحديث يحملك المسئوليه أيها الرجل القبيح لانك المسؤول عن تحديد الجنس واغلب الصفات الوراثيه الموجوده في الكروموسومات ومسئول بالتحديد عن ظهور الكرشه ( ظاهرة استسقاء غريبه ) ,, اما السب والشتم فينا وبأشكالنا فلو سمحتوا تعالوا ندخل سويا الى عالم بساتين الرجال وكما قال المثل : ( من كل بستان كرشه ) ها ها ها
بسم الله ندخل --- ماهذا ملابس بيضاء قبيحه ( تقول أكفان !! )
حتى الرسول اللهم صلي عليه ماكان يلبس مثلكم مالت عليكم وعلى هاللبس اللي يسد النفس , شوفولكم صرفه ألبسو زي الأوادم وشيلو عن روسكم المثلث الاحمر والعقال ( تدرون ان العقال يستخدم في تثبيت رجل البعير المشاكس عند ذبحه ) ها هاها
ولا تلبسون بناطيل رياضه ... لا ولونها اخضر بعد مخطط بأبيض زي عيال الامنيه يوم يفتتحون ملعب الملك فهد هاهاها ( وقرعان حتى ) والله حاله !! ؟؟
ثم حكايه الركب اللي طايحين فيها على البنات .. سؤال هل نظر احدكم الى ركبته !!!!!؟؟ تقول ركبة بعير .. لا وكل شىء ولا حكايه (اللحيه) حوسه وعلومها علوم
إما تتركونها عوارض زي الاسفنجه الخضراء حقت الصحون وإلا تشيلونها تقول الواحد بطاطسه خربانه وإلا تصير لاطالعه ولا داخله كأنها عفن خبز وحدث ولا حرج لحكايه ( الشكشوكه) تقول عنز مسخنه وكل الرجال حاطينها
كبيرهم وصغيرهم تناسب او ماتناسب ... لا وإلا السعابيل اللي تسمونها خصل الله أكبر توم كروز ( ) على غفله ....... هاهاها
--------------------------------------------------------------------------------
ثم عزيزي الرجل اذا تبغى وحده اجنبيه فأمامك خيارين :
1- تغير نفسك قبل ماتطلب هالطلب
2- توافق على زواج اختك وبنتك من اجنبي مثلها مثلك
وبكذا نكون حلينا المسأله وعملنا تحسين شامل للنسل
--------------------------------------------------------------------------------
ثم حكايه الواحد اذا جاء يخطب يقول " يمه .. ابي وحده طوويله + بيضاء + حلوه + بنت اصل + غنيه $$ + طيبه +... .. على بلاطه نازله من الجنه "
ماذا اعد الاخ لها ( الاخ مشّعر .. مكرش .. قصير .. اسمر .. قبيح الملامح ..مزعج .. كثير الطلبات .. مصارينه تسحب .. سيارته كرسيدا .. ويعيشها بشقه والعشاء فلافل ) وشهر العسل بجده على باص مع النقل الجماعي ......... هاهاهاها
وعيونه تبحلق يمين وشمال وياعمري المسكينه لو تشم هواء كان قالها : ( غطي نقابس وإيدينس واذا مايعجبس خوذي عيالتس ورحي بيت اهلتس !! )
والوحده تتزوج على باب الله ولا تدري وش سحنة ابو الشباب ولا عن ماضيه ( سواء كان ينقط من الشرف او متلوث ) ............ واعرف وحده زوجها فيه وباء الكبدي ويقولها : لاني شارب عصير فيه دوده !!!! ( وهي المسكينه مصدقه) , أي دوده علينا وهو الصادق دوده حاطه روج وترقص هاهاهاهاها
· نصيحه مني اوجهها لبنات جنسي لا ترضون بأي واحد قبل ماتكشفون قبل الزواج , ماأحد يضمن أحد ولا حتى أ قرب الناس ليه
--------------------------------------------------------------------------------
واذا جت الاجازه الاخ المقرش الى لبنان والمغرب ومصر و... وطبعا مايرحون اوروبا لانهم مايعرفون (انجليزي) ,, والاخ المنتف يمشي حاله بالبحرين ( على خفيف)...... ويرجعون تي تي متل مارحي جيتي - مفلسين-
وبعدين لو سمحتوا اذا رحتو برا لاي بلد مثلو بلدكم بصوره مشرفه ( اللهم لك الحمد) تلاقيه لابس جينز من زحل !! XXXL والبلوزه كاروهات وملزقه بالكرشه وكرفته صغيررره حمراء ( لبس بعضكم مآسي لا توصف ) والشعر شقوه تقول عجايز من عهد جدي ( الله يخلي الجل اللي ساتر عيوبه ) --------------------------------------------------------------------------------
واذا جينا لموضوع الغيرة ( الحريم يغارون ) ياساتر على غيرة الحريم أي غيرة جنب غيرتكم ... البنت تطقون عليها ثلاث هذا غير الوجبات الخفيفه اللي في الاجازات وســــــــــاكته ومتحمله , واذا طلت من الشباك اختفت ملامحها من الضرب
--------------------------------------------------------------------------------
والكشخه هاليومين قاعد بالكفي شوب ماسك جوال يسوي نفسه ويكلم وهو مقطوع واذا تبين الموضوع بطاقه سوا ....... هاهاهاها
أما سالفه الغزل والتطاول على خلق الله هذا مووضوع طويل تكلمو فيه بما فيه الكفايه بس من يسمع !!!!!!!!!! ؟
طبعا كلامي هذا مايشمل الكل لكن الاغلبيه مع الأسف , انا ما أنكر انه فيه رجال بمعنى الكلمه بس وينهم !!!!!!؟--------------------------------------------------------------------------------
والله ماكان ودي اتكلم عن عيال بلدي بالطريقه هاظ بس وش اسوي بطيتو شبدي
بالله انتم وش رايكم؟!!!!!
منقول
تحياتي لكم:
وعــــــوده...
العرض العادي
