قال الذي حده على بدع الألحان واشرف على بنات فكري وندبها
يذب صوته بين سجات وإذعان على طواريق المعاني سهبها
يتل قلبه بالمعاليق شريان تلت يمينن تلها في كربها
في ساعة فيها غفت كل الأذهان ماحس فيها كود منهو حسبها
شوارد المعنى ثقيلات الأوزان يشدها هاجوس فكرن سكبها
شاب الورق من مات قلبه ولا لآن ارهى على الجزلات حتى كتبها
في سلوته ياقل مافيه سلوان بأسباب من قل السبب في سببها
اللي تسبب لي بهجره للأعيان جعله وقود النار وأول حطبها
ترف الصبا عذب اللما مطرق ألبان مياس قد وكم قلوبن عطبها
سبحان من صور جماله وسبحان أنا اشهد أن اللي عطاها وهبها
لاجيت أقارنها مع البيض شتان شتان مابين النحاس وذهبها
واليا وقف رمح على راس مابان واليا مشى درج القطا ماعجبها
أرواه ربه والبهى فيه ريان قام يتغطرس بالعيون وهدبها
فريد جنسه مانخلق مثله إنسان ياكبر حظ أللي ولاها ونسبها
تبقى لها ذكرى على مر الأزمان بنت الرجال أللي رفيع نسبها
أدمنت حبه لين عديت الإدمان والأرض ضاقت لو وسيع رحبها
قم يانديمي بالملازيم والشأن حملك ورق وآنا عليه تعبها
اركب على نتق المواريث الألمان بالكاش مشراها ماهي في طلبها
من وارد الناغي ماهي حوش عمان ياكم عيون ليا تحلت رهبها
أن قلت صنعها ماهوب انس من جان فوق المواتر صاغها ثم نصبها
ماكنها عذرى تماري بالأوجان بالمعلبه ماحولها من هزمها
من فوق فـــل أبشن ميلان الرابح أللي جابها من نجبها
تنزع من الباطن وتسري مسيان وتطوي الليل مصدافه ركبها
بي أم سبعميه وخمسين حصان بين المواتر ماذكر من غلبها
من شيشة أبن سرور وآلا عبيلان فأول وقود النار وأوزن حدبها
ثم تلها تلة شفوق وحدمان بالي هوى باله تنحى جنبها
ماكنها دعجن هوت بين عقبان شيهانة في عشها مارعبها
اسرح مساريح القطا يم نجران ديرة رجالن فعلها ماحجبها
واضح محله مايبي وصف عنوان تلفي على أللي ماتغره رتبها
قله ترا ذا الخط من يم سلطان وانتم تحلون البلش من نشبها
لا ياعوض ياصاحبي ياكحيلان انته عوض نفسن تزايد غضبها
انته شبيه الذيب والذيب سرحان عدى على روس الطوال ورقبها
تبذل يمينك ماتغاليت الأثمان يمنـن على فعل المراجل طربها
يمناك عدت بك ولك كم برهان ماجور ياعودن جذبك وجذبها
روسان ياجاهل عن أفعال روسان حموله ماغاب عنها شببها
اشكي عليك الحال من كاينن كان مسروجتن واشيب قلبن رغبها
ماأنساه لو تنسى بني يام شيبان ولو ينقل الباطن وعوجاه بأبها
ولو ينتقل لدبي سنجار وأبان وبرج العرب والعين عندي عزبها
ولو تنكر المطران عرفا وعوجان والصلب والصمان وأقصى هضبها
والشمري يزهق بحايل وبرزان ويترك معاميله عقب ماخضبها
ولو يطردون الضيف طلقين الايمان والضيف مايلقى القاله في عربها
ولو تنتقل وآيل ورى ضلع شمران وتنزل بعرعر ناس ماهي شعبها
ولو يقطنون السيف صبيان قحطان وتترك تهلاها وتنزع ودبها
ولو يتركون أهل الحسا كل بستان ويجنبون نخيلها مع رطبها
وأهل البحر تنزح من السيف بدوان وتارد على لينه وتملى قربها
مانساه دام الروح في وسط الأبدان ومادام روحي ربها ماسلبها
أخيلها ماخايلو غــر ألامزان أون وناتـن تكسر عتبها
هذا ولك مني تحية وعرفان يامـن فنـاجيل المـراجل شـربهـا
قصيـدهـ للشاعـر / سلطـان بـن عادي
العرض العادي
