يصحي الليل بعيونٍ بكت في يوم من شانك

[أميرالعاشقين]

انا لي حظ بالدنيا غريب وللاسف معكوس
.....................ودايم طقتي عوجه الا يالله سبحانك

وكثر ما هو البخت مايل لعنت بحظي المنحوس
.....................على انه فيك اوهمني وتوهني بعنوانك

ان مالي معك ذكرى ولكن داخلي كابوس
.................... يصحي الليل بعيونٍ بكت في يوم من شانك

ولكن هالزمن عبره وحكمة هالسنين دروس
....................وش اللي يمنع اني ما اتعلم كذبة احزانك

ما دام ان الوفا طبعي ومحله داخلي مغروس
....................عسى تكسرني الفرقا ولا صدك وحرمانك

عيوبك للاسف تفضح بقايا دمعك المحبوس
.....................وضميرك انعدم حتى جذورك تقتل اغصانك

اناني حتى مع نفسك وهمك داخلك ملبوس
....................عليك الله علمني وش اللي فيك ما خانك

الا ليت الكرامه والمحبه صمتها محسوس
.................... لوضحلك عدالتها لجل يختل ميزانك

على فكره ترى قبلك ياما انحنت لي روس
.....................واخذ مني الدليل اللي يحطم ذل نسيانك


واذا كان الحكي يثبت ويكرم عزتٍ بنفوس
....................انا لي عزتٍ تسوى ابوك وجد جدانك

[××دمـ ألم ـعة××]

[gl]سلمت يداك ويعطيك العافيه علي هذا الكلام الرائع تحياتي لك[/gl]

[أميرالعاشقين]

الله يعافيك انشالله ويزوجني ويخليك اختي ممكن طلب انك تجهزين غرفتي العامه اللحين بدخل الشات اسم الغرفه العامه معرووف باسم
أمير العاشقين

[همس الجروح]

سيدي الفاضل / أمير العاشقين

لكل حزن وردة حب ..

ولكل معاناة نبضة فلب ..

كلمات دافئة لكنها حزينة ..

واحسيس عذبة لكنها موجعة ..

تلك كانت كلماتك الحلوة في ادبيتها..

والمرة في المها ومعاناتها .

شكرا لهذا النص الذي يطلق عصافير الحياة ليجعلها تغرد وتغرد .

تقبل فائق امتناني

أختــــــــك / همس الجروح