هذي شخابيط واحد فاضي تتصف بالاسلوب الساخر اتمنى تنال اعجابكم
******
كان عندنا خياط .. اسمه مشتاق
وكان محل الخياطة للحريم
وكنت كل عصر بعد المدرسه
ازور مشتاق
واجلس على النافذة
انتظر كل الحريم اللي بيجون
هذي منقبه
وذيك متغطيه
وذيك ما أدري وشلون صايرة
ومشتاق يبتسم لي ويفهم
يعرف اني مراهق أحلم
وتجي وحده عجوز اسمها ام نوره
ساكنه باول الحاره
وبنتها من الخياط كل يوم مارّه
تقول لي ام نوره ابي كشكشه
وتدخل بنتها بلحظه وتقول لا خليه شكشكه
وانا ابتسم بخبرتي المراهقة
وارسم لها رسمة كلوش
واحط على صدر الموديل
تطريز وشك
وشوية خرز
بلون الكرز
وعين على الثوب
والثانيه بوجه نوره
وينتبه مشتاق وينادي
ايمن ,, ايمن
ابوك جا ,, جا
وتغطي عيونها ام نوره
وبنتها مشغوله بتنوره معروضه
والمصيبه !!
ابوي صرفني
وتعلّق بام نوره
وتجي بعدها الجيزانيه العنود
وترمي قدامي قماشها المليء بالالوان
وتقول يا ايمن
ابي موديل حلم وجنان
اضحك واقول وصلتي ليد فنان
ومشتاق هناك في الزاوية
اخذت الطبشور
من على طرف الطاولة
ورسمت باللون الزهري على القماش كسرات
وخرايط
وحوسات
وحطيت شوية نقشات
قالت ابي كذا ,,
وابي كذا ,,
وابي كذا,,
صابني الملل
لملمت القماش
وخبيته وسط كيس قرطاس
وقلت تعالي باكر
تلقين الشغل باهر
تبتسم العنود
وتقول باكر راح اجي
الموديل يا ايمن لازم ينتهي
اوعدها وأقول من عيوني يا عنود
اخذت الكيس
رميته بسلة المهملات
طردت مشتاق
قفلت المحل
وصفينا الحساب
الموديل
القماش
وبنات الحاره
ابطال سراديب مشغل الخياطه
العرض العادي
