... !! علمنــــــي أخون !!...

[فتيل في القلب]

علمني أنسى ثرى نبضك
وأعزف على نغمته هجران
تهز الطير في جوه ويسكر لخمرته الخوان

علمني أسلى بعشق حاضر
تلفه ذكرى كل باكر
أعيش بعالمه صدفه ويسقيني الوله شفقان

علمني اصمت مثل بركان يثور بداخله جرح إنسان
سكنك الهم ياذكراه وكبر همي
وزرعك بداخلي صوره تبي إحسان
هذا جرحك بوسط قلبي عظيم يلملم عروقه
وسن بغرسته الالام

يبي يصرخ ... يبي ينزف
يحاول يصنع النسيان
أنا أنساك محال أنساك
أنا نبضي سكن جرحك ..
عزف نبضك ..
وصرت بمهجتي فنان

أغنيلك للصبر لحظه
وباقي للجروح أوطان..

علمني أقسى على قلبك وأعلمك منطق الحرمان
نجاور صخره في وادي تعلمنا الجفا بإحكام

مابين الجرح والهجران
وسوالف غاية الخسران

ونرقى للقمر ليله نسابق هاالغرور اللي
خذل فينا مشاعرنا ..

وعلى النسيان ترى بقدر
رمــاد وعلى الصور تمثال ..!

لا... ياجارحني في حبي
وقلبي ماغدر بإنسان

هي دموع السهر ثكلى
تبيع الماضي الراحل ... وتشتري بأثمان
شريتك قلب ... هديتك حب ...

وصرت بعالمك .. أخون ..

أنا أخون .. نعم بخون ..!

واعكس منهج التفكير
واصدق بالخيانة اللي دمع عيني تفننها

أنا خنتك مع دمعي ..
مع نبضي وسوالفنا...

أنا خنتك مع اسمك ..
وهبات الهوى ونسمه..

أنا أخون ,, نعم بخون ..!
وأعكس منهج التفكير

لا.. ياجارحني في حبي خطانا في الهوى سيان
جرحتك وبخطأ معذور..
وجرحك للسما قد طال..

أنا خنتك مع حبري..
وكلمات الوفا وعذري..

ابي الغفران .. ابي صفحك
دخيلك يااعز إنسان..

علمني أقسى بمثل صدك
علمني اجرح وكيف اضحك
وامثل دوري بالقصة...!
بداية حب ننهيها بخيبة وخذلان
واعلمك فيها ان قلبي رفيع إحساس
يسامح .. يكره الظلما .. ولاعشق خوان

ياخوان ..
عجزت أخونك بصدقي وأتعلم دوري
في التمثيل ..

ولوتسمح أسدل الستار ...

دموعي خانت القصه..!




كونوا بخير