متولع في الذي عن ناظـري خافـي=كنـه سـراج النهـار وللقمرنـوره
اللي بوصفه غلب ظني مع اوصافي=الفكر منقادلـه والعيـن مسحـوره
من دون نوره سراجي منكسف طافي=غدت صفاة الليالي منـه مبهـوره
الليل الاسود سكن في شعره الضافي=لأرخى سدوله على المتنين بشعوره
ينساب شلال شعـره ليـن الاردافِ=وساحل عيونه عليـه الدرمنثـور ه
صيفه عليل وبرده في الشتاء دافـي=دايم ربيع الحيـا يكسيـه منظـوره
تغار منه الخزامـى وورد الاريـافِ=تسكب دموع الندى عالخدمقهـوره
توصل تباشيرحبـه قبـل ينشـافِ=يغيّم الجو من ريحة شذى عطـوره
لامن لفاني تراقص بالغلا اطرافـي=والقلب يغليـه بغيابـه وبحظـوره
حبه فراشـي وزايدشوقـي لحافـي=العين تتخايلـه والنفـس معـذوره
ماله شبيه يكن من وجهه الصافـي=تحسده نفسه على نفسه في الصوره
أفزمـن شوفتـه واقـوم متعافـي=دايم عيوني على لامـاه مسـروره
خفه ورقه تشابـه للنـدى الطافـي=تحني على شانه الهاماته مجبـوره
ياعـل يسقـي ديـاره مرعدلافـي=محمـل مـن رذاذالغيـم ممطـوره
هو منية النفس واغلى غاية اهدافي=ازعل لزعله ويفرحني هوى سروره
وافي معي بالغلا وانا معـه وافـي=ماطعت في حبه العـاذل ولاشـوره
حتى ولو كان غايب عن النظر خافي=يكفيني انـه شبيـه للقمـر نـوره
__________________
العرض المتطور
