شباب الشميسي
رد على رواية (بنات الريـــاض)
المقدمة
هم مجموعة من المواهب التى لم تكتشف حتى الان هذة المواهب المهدورة تعتبر من الكنوز البشرية والارثر العالمي الذي يجب المحافظة علية وابرازه. وبدورنا نحاول ان نسلط الضوء على تلك المواهب
الجزء الاول لرواية العالمية من الادب الصعلوكي الدولي (شباب الشميسي)
تعرفوا على بعض في سن مبكرة منذ خشونة أظافرهم (من وين لهم النعومة) كالعادة وكأي تعرف يتم في المدارس لازم على شر الا من رحم الله ، عطات من المدرسة، دخان، تصفيق، تنسيم في مدرسة سبهة، وبدأت العلاقة بين هولاء الأربعة كانت البداية هذه المرة بريئة مقارنتا في بدايات الأخريين حيث اول يوم تعرف للشباب الطيب بالطلعة قلبوها مضاربة مع مجموعة أخرى الشلة الثانية أخذت (علي) صاحبنا (الدب) على حين غرة وفاجوة بالمخمسات والبقوس والترفيس اخوياة طبو معه لان أبو الشباب مايقدر يقاوم لوحدة رفعو فية وصفقوة رغم ان اخوياة فزعو معه الا ان الدب اخذ حقة شوي. حينما وضعت المضاربة أوزارها اتجهوا للمستشفى طبعا الدب بدا يتألم ويوووووون طبعا امتلاءت المرتبة د م المهم وصلو للدكتور لكنة ماخاط الثوب المشقوق تعرف علي الدب على (ناصر المهوي) و(فهد المنسم) بعدها بكم يوم توجهو لبيت فهد عزمهم ابو الشباب حفلة تعارف على بعض امحق تعارف بعد صلاة العشاء. ماهي الا دقائق حتى سمعوا ويوووو ويووووو صوت الاسعاف طبعا جاية تشيل ناصر وهو طايح المهم شالوه وجو لمة الشلة وماعرفوة في المستشفى الا وهو عبارة عن كرة جبس حشى مو ادمي جدار غرفة. بعدها بشهريين ابو الشباب شالو الجبس ورجع طبيعي طبعا زادت العلاقة اكثر واكثر بينهم وهي من مقومات العلاقة القوية للدشير. وحبو بعض في احد الايام قرروا التوجة للعشاء بالعليا اموت انا على التشخيص، طبعا على المازدا البقس حقة ابو فهد طلعو للعشاء كانو بيرحون لماكدونالدز بس القطة ماتسمح فقرروا فول وقلابة رغم ان مافية محل فوال في العليا ، المهم طبوا بالفول الدب طالب لبن مع الفول اموووووووت على المزاج يوم حاسبو وقضو كل واحد مسك معاه منقاش وراحو للسيارة علي الدب راكب قدام المهم مشوا ويجيك ويطول على صوت المسجل كان وقتها اغنية سعد جمعة ( الزار) اول مانزل الشريط، ويطول الصوت الدب ويغني معة الدب ويطبل على طبلون السيارة يعني اني متفاعل مع الاغنية المهم الشباب ماقصرو شالوها معة وتفاعلو
المهم نزلوة من السيارة طبعا مارحو للمستشفى حلى مو مستشفى كل شوي المهم رااحوا. رجع الدب بالمكان اللي يقعدون فية وتاسف ومشت السالفة دخلو احد الاسواق وكان في السوق مجمع مطاعم لقوا بنات يتعشون قطو معمهم مو يناظرون يصورون اول مرة يشوفون بنات المهم قطو قالو لهم البنات خيرررررر قالو لا ولا شي المهم رجعو يناظررررون مرة ثانية، قلت وحدة للدب لا تعال اجلس معنا احسن؟؟؟؟؟؟ رد الدب قال: لا ماعليش عندي شغل ماقدر اجلس ممكن بفرصة ثانية ان شاءالله؟؟؟؟؟ لاني مشغول الحين، يستملح الدب؟؟؟؟؟ المهم طفشو البنات، الشباب الطيب يسمعون بالترقيم. ناصر خويهم فقش عليهم سالفة قال ان ولد خالة امة من الرضاع سمع ان ولد عمة رقم وحدة بالعليا شباب الشميسي كبرت بروؤسهم الا بيرقمون خلاص. المهم البنت نادت السكيورتي يشيلهم جاهم السكيورتي وكان اسمة عوضة بحيص ومايستحي السكيورتي معلق اللوحة حقت الاسم ويجي يناديهم بيطلعهم المهم البنات قعدوا يضحكون اشفاء غليلهم السكيورتي يوم طلعهم بعدها طلعو وقال ناصر خلونا نرجع من الباب الثاني والله ماخليهن يطيحون وجيهنا .المهم وفعلا رجعوا من الباب الثاني ومروا من عند البنات وكان الدب اول واحد مبتسمين بيقهرون البنات. الدب طبعا لابس ثوبة المشقوق حق المضاربة؟؟؟؟؟ طبعا وشماغ البسام على الكتف وطاقية مشخلة ومالبورو أحمر باليد اموت على التشخيص أنا؟؟؟ المهم ولعت البنت وش ذولاء اللزقات اللي مايفقدون الامل. هم واشكالهم القراوة باين انهم من الطبقة الكادحة في المجتمع وتقوم البنت وتصفق ناصر في الصحن على راسة وهو كان يتبسم يوم طاح الولد من قوة الضربة الدب هج، على طول وليتة ماهج يسمع بالهروب السريع مسكين هو وركضتة بالكاد يركض لة نص ساعة مامشى خطوتيين ويالله يشيل كرشتة المهم جاء عوضة السكيورتي وشلتة اموووووووووووووت على التدخل الامني السريع من القوات؟؟؟؟؟ يوم شافوهم انهبلو وشلون رجعوا تونا طاردينهم؟؟؟؟؟؟ وبعدها تكميخ بالاجهزة حقت الارسال على رؤوسهم ومنها الى قسم الشرطة وبعدها جاء ابو علي الدب وكفلهم وطلعهم بعد ماكتبوة تعهد يوم طلع ابو علي ويسمك الدب وهات تصفيق يقولة انا تجيبني لمخفر الشرطة اخر عمري؟؟؟؟؟؟ ابوة كان مروج سابق طبعا بس أعتزل ومسوي نفسة عاقل عند ولدة علي ؟؟؟؟؟؟ المهم ويكمخ الشباب معة والدب يقول أي احححح يبة صدقيني تهمة باطلة البنات هم اللي يلحقونا ويييييين البنات يلحقونة امحق تصريفة ؟؟؟؟؟ المهم طاح الاب وهو يقول: ااااه قلبي ااااه قلبي وطاح عليهم مو عاقل فيلم هندي ذى الدب يقول لا لا ابوي ؟؟؟؟؟؟؟؟؟؟؟؟ ماذا يحصل ستعرفون في الجزء القادم من مغامرات شباب الشميسي.
وتقبلو تحياتي
sami350@hotmail.com
اللحق قبل الحذف رواية شباب الشميسي
العرض العادي
