وهـــــــــــــــــــم

[امير الاتحاد]

<.يحبني .. مايحبني.. يحبني .. مايحبني.. يحبني .. مايحبني.. > ندى تكلم نفسها.. وجالسه وحيده بغرفتهاا.. < يوووه.. والله احترت مع يزيد.. مادري وش قصته.. > طق طق < ادخــل > < هلا والله ببنتي ندوو.. تعالي يالله الغدااء.. ابوك واخوانك ينتظروون..> الام قالته لبنته ندى <. لا يمه.. مابي .. منيب مشتهيه غداء..> <اقوول يالله بلا دلع.. ماكلتي شي من يوم قمتي.. تعالي تغدي.. ولا ترا انا منيب متغديه..> < لا لا خلاص.. الحين جايــه > ..

عــلــى الغــداء..:
< وش فيها بنيتي ماتاكل..> ابو ندى يتكلم.. < مادري يايبه .. والله مالي نفس..> <افا يابنيتي .. لازم تاكلين.. انتي وعصاقيلك..اسمني شوي..> قاطعهم عثمان اخو ندى< يبه ماعليك منها تتدلع.. تسوي نفسه ماتاكل.. وهي منا مخلصه صحنين قبلنا..> ترد عليه ندى< ابوي كلمني انا وش تبي انت..> < ههههه ياحليل شكلك بعد وانتي معصبه..> < هههههه خلاص ضحكنا شوي..> < هههههههههاهااي.. ياحبيلك بعد اختي.. حطي راسك بالصحن وللايكثر.. هههههه.. > < هههههه.. لييه شايفني زييييك.. دووب..>

ترررررن تررررن (قاطعهم صوت الجرس )

ندى < منهو ذا بعد اللي جاينا على الغدى..> يرد عثماان..< اوووه صح.. مالي داعي من جد..> ابو عثمان يقول< وش فييييك..؟ > عثمان يرد < هههههه.. لا بس عازم يزيــد.. خخخ.. وجحدته وتغديت معكم.. هههههه > ندى تقاطعه..وهي مرتبكه < منهو.. عازم يزيد..؟> < اييه عازم يزيد عندك شي..> < لا لا ماعندي شي.. هههههه >


( ندى ) ارتسم على شفاتها بسمه عذبه رقيقه.. وحطت عينها بالصحن..

ابو عثمان..< يالله ياولدي قم افتح لولد خالتك..>

عند باااب البيت.. :
< طاااايب طااايييب.. ميييين عند الباب..> عثمان يتكلم من ورى الباب..هههه .. يرد عليه يزيد.. < ههههههه.. اخس تقول مين بعد.. ههههه.. افتح افتح لايكثر طيب.. ههههه.. > < لا لازم اول ادري من ورى الباب.. امي قايله لي لاتفتح الا اذا قلت مين..> < باللله يعني انت الحين تنكت..؟ كانك تنكت قلي.. تراني مستعد اضحك..> < ههههههههههههههههه.. هلا والله يزيد..> < ياخي من اول ياخي افتح البااب.. قلبت كويحه من الشمس.. > < هلا والله سلم طيب..> < خخخخ.. انقلع بعدين اسلم عليك.. اول خل اروح عند المكيف اكيف شوي..> ههههه... اقلط حياك.. بس تراني سبقتك غداء..> < اوف اوف وش دعوه ..> < ههههه ايوالله سبقتك.. وش اسوي.. نسيت اني عازمك..هههه وتغديت مع اهلي..>

داخل البيــت..:

< سسسسلام عليكم..يزيد يحيكم من بيت خالي ابو عثماان > قالهاا يزيد لاهل البيت.... ردوو... وعلييييكم السلاااام.. < شلوونكم انشالله مبسوطيين..؟ > ردت ام عثماان ( اللي هي خاله يزيد ) < هلا والله بوليد اخيتي هلا حييااك..> < هلابك خالتي.. شخبارك وش مسويه..> < والله ابشرك يايزيد.. مهناا الا العافيه..> < الحمدلله على كل حال ياخالتي..> اعذرنا يايزيد سبقناك بالغدااء.. > يقاطعهم عثمان...< والله..؟ اجل مافي غداء.. نيياااااي.. هههههه.. > < هههههههههه.. لا عاد مهوب كذا.. هههههههه..>

بــعد الغدااء..:

< هههههههههه.. الله يقطع سوالفك.. يايزيد الدب..> < ههههههههههه.. ايوالله هذا اللي حصل.. مازود عليك بكلمه.. هههههه > < طيب تعااال .. خل نروح نتقهووى مع اهلي داخل.. نعنااع وحركات وفله..> < دام فيه نعنااع.. خلاص امش... ماقول لا > < هههههههه.. تعلمني فيك.. >


ودخـــل يزيـد عند خالته ام عثمان وخاله ابو عثماان.. وندى وهدى خوات عثماان.. وقعدوو يسولفوون.. وكالعاده ماخلى يزيــد استهباله.. وظحكهم كلهم.. بسوالفه.. وكانت في هاللحظاات نظراات حاره بينه وبين ندى.. ندى اللي هي تحبه.. تمووت في شي اسمه يزيد.. لكنه هووو ولطبعه الخجوول.. ماقال لها شي.. لكنهاا هي تحاول تلمح له.. لكن مالقت اي استجاابه.. لكن برضوو و ماكلهاا بنظراته.. وتلميحاته..

ندى,... بنت عمرها 16 سنه حبووبه وظريفه.. وعلى مستوى عالي من الاخلااق..

يــزيــد..رجال عمره 19 سنــه.. يتميز بخفه الدم... وبحلاوه الشكل.. متخرج من الثانوي..

< هاااه يزيــد تراك بتناام عندناا اليوم..> < ايه انشالله..> < قايل لامك لا تخاف عليك.. هههههههه.. > < ههههههه.. ايه قايلهاا.. >

باللـــيـــل ..بصااله البيت..:

< هاااه اخبارك ندى وش مسوويه.. كيف ثاني ثانووي معك.. انشالله مجتهده..> ندى وهي مرتبكه.. < والله الحمدلله.. ماشين ..> < مانبي كلمه ماشين حنا ياندى.. اخبرك دافووره..> < ههههه.. ايوالله الحمدلله..> < كم كانت نسبتك الفصل الدراسي الاول..> < والله تقدر تقول زينه.. كانت 90 % > < اييييه الحمدلله .. بس حاولي بعد تجيبين اكثر.. ترا الانساان.. مهبو لازم يوقف عند حد معين..> < هذا حنا نجتهد..بس اسئله صعبه دايما تجينا.. مادري هم حاقدين علينا.. ولا وش قصتهم..> < مهووب حقد ياندى.. بس يبون الطالبه اذا جابه درجه.. تكون تستحقهاا..> < طيب عااااد.. ولو لازم يسهلوون الاسئله شوي.. والله انكرفناا > < هههههه.. يابنت الحلال.. ترا فيه اختراع اسمه.. براشيم.. ههههههه > < هههههههه.. لا ويييين.. > < هههههههه.. امزح معك تقعدين تصدقين..> < هههه ادري..ههههههه > < والله مره اخبر ياندى..يوم كنت بصف ثالث متوسط.. كتبت البرشاامه.. على سروال الثووب.. ههههه.. وكنت اخبره الااختباار كان اختبار نصووص.. ههههه.. وكنت كاتب كم نص على السروال.. هههههه.. وارص الثووب على السروال .. ههههههه.. وتطلع الكتابه واضحه.. هههههه.. الله من زين قماش الثوب بعد.. هههههه..> < ههههههههههههههه.. يمممه تخوف انت.. > < ههههههههههه.. لا تقولين لاحد.. تراني كنت جايب ممتاز.. هههههه.. وهذا احد اسراار المهنه.. هههههههه..> < هههههههههههه.. الله يقطع شرك..ههههههه >

دخـــل عثماان.. < اهاااا جااء شاهي النعناااع.. ماشالله علي.. صنع ايديا وحياه عنياا..> < ههههههه.. الله من زين الشاهي بعد..هههههه..> < هاهاهاهااااي.. ياحبنيلك بعــد.. ياحبيبي تراني من يوم انك بحفاظتك... وانا اسوي شاهي..> < اخسس يابو ستين سنه.. ههههه..> < احلى كاسه نعنااااع..> < لاحلى يزيد صح..؟؟> < ههاهاهاي.. دا بعدك .. احلى كاسه نعناااع.. لاحلى اخت بالدنياا لاحلى ندى ..> تقاطعهم... هدو الاخت الصغيره..< انا انا بعد ابي..> < وانتي بعد امسكي كاسه نعنااع..> يقاطعهم.. يزيد..< مااادري مادري يعني.. كني قاعد معكم.. مادري يعني مالي نعنااع انا..ههههه..> يضحكوون.. < ههههه.. هين انت عاد.. اخر كاسه.. واحلى كاسه.. بعد..> < لايكثر هاات.. هههههه..>

...

< اح اح اح .. رجلي رجلي.. هههههه> < اوف اوف معليييش معللييش.. ماكان قصدي..> انكبت كاسه ندى على يزيــد.. عثمان يقوول..< يوووه ياندى مالك داعي..> < مادريييييت..> يزيد يقوول..< اشوى مافي اتهامات لي.. ههههه.. اشوى اني انا اللي كابه.. ههههه..> ندى تقوول< ههههه.. يزيد محد شاف.. هههه > < هههههه.. من جد محد شااف..هههههههه>


باخر الليل.. بالفجر.. ندى استاذنت وراحت قالت ابناام.. وراحت لغرفته.. واول مادخلت.. قفلت على نفسها البااب..

وراحت مع افكاارهاا بعيدا..
راحت تتامل في وجه يزيــد المبتسم دائماا..
صاحب الروح العفيفه وخفه الدم.. والرجـوله.. المتكامله فيه..
وقد عرفت.. في نفسهاا ان قلبهاا لم يخطي حينماا اختاار يزيد حبيبا له..
وذهبت تكتـب خواطرهاا الرائعه في دفترهاا الاسوود
دفترها الاسودالذي ان فتحته تجد في واجهته.. ( احــبــك يــزيــد ) ..
ذهبت تكتب الخواطر التي دائما محورها يزيــد.. فتى احلام ندى..

ولــكــن هنااك.. سؤال يحيرهاا.. ويجعلها تقف مع روحها الشفافه دوما.. السؤال الذي يطرح نفسه في اغلب خواطرهاا.. هذا ان لم يكن جميهاا.. السؤال الذي.. يقوول..


هــل يحبني كمــا احــبــه..؟ هل يبــادلنـي الشــعور ؟ ام انا اتووهــم..؟

لم تجــد ندى جوابا له.. ولكنها.. تنتظر هذا الجواب,, والتي في نفسها ندى.. متيقنه انها لن تنتظرها طوويلا.. ولكنهاا لاتعلم ماذا تخبي لها الاااياام..

ومــن بــــكرا..:

< سلااام.. صبحكم الله بالخير..> ردت ام عثماان..< وعليكم السلاام..اقعدو افطرو معي ونسوني..> < الله ياحظناا.. فووول خالتي ام عثماان..> قالها يزيد.. ورد عليه عثمان.. < اييييييه ياحبيبي.. هذي الغاليه ام عثماان.. اتحدى اي افغاني يجيب زي فولها..> يزيــد .. ماات من الظحك على عثمااان.. هو والخاله ام عثمان.. ويرد على عثماان..< هههههههه.. تكفى ياعثمان.. لاتقولي انك تمدح الحين..؟> < هااااه وشوو.. خخخخ.. والله اني من جمبهاا بعد..> يزيد بصوت واطي يقول لام عثمان..< الله يعينك عليه.. ههههههههه..> عثمان قال..< اهاااا سمعتكم سمعكتم.. لاتحشووون فيني.. هههههه.. >

[امير الاتحاد]

وبعد عدّه سوالف.........:

ام عثمان..< هاااه ماقلتلي وش ناوي تسوي.. يايزيد بعد ماتخرجت..> < والله ياخالتي.. انا ناوين ادرس براا..> < لا ياوليدي.. وين تروح فيه عن هالاجانب.. ترهم مايرحموون..> < والله ياخالتي.. منيب مطول.. كلها حوالي سبعه او ثمانيه شهوور.. اخذ فيها كورس لغه.. واجيكم بلبل انقليزي باذن الله..> < ومتى بترووح..؟> < والله ياخالتي انشالله نهايه الشهر هذا..> قاطعهم عثماان..< والله الود ودي اروح.. معك.. على الاقل عشان ماتخاف لحالك..> < ههههه مشكلتك ياعثمان ذابحتك الظرافه..>

ومـــن خلف البــاب كانت ندى سمعت كلااام يزيد..
ونزل عليهاا زي الصاعقه.. يزيـــد بيساافر..!!!
يزيــد بيســافر .. سبعه شهوور.. !!!!؟؟؟؟
هذا معناته.. انهااا ماراح تشوفه.. وهذا بحد ذاته مصيبه عليها..
يعني لاهي اللي تشوفه.. ولا هي اللي متاكده من حبه..

على طوول صعدت لغرفتها بسرعه...
لكنها حتى قبل ان تصل لغرفتها ..
خانتهاا عيناها..
وذرفت تلك الدمعه الرقيقه الطاهره.....

بكت ثم بكت ثم بكــت..

وقررت ان تفضفض لصديقتها المقربه.. _( مــهــا )_
ومسكت تلفونهاا.. واتصلت عليهاا..

وشــرحت السالفه..:

مها..< لا عااااد.. لاتقولينه..> ندى..< ايوالله هذا اللي سمعته.. وانا ماره من عند المجلس..> < طيب انتي ليش معقده الاموور.. يابنت الحلال انتي بس اهدي شوي..> . .< اقولك بيسافر تقولين لي ليش معقده الاموور..> < ايييه ادري انه بيسافر بس اقصد .. توه يعني على الاقل يبيله ثلاثه اسابيع على كلامك..> < اييه انا سمعته يقول بسافر نهايه الشهــر..> . .< يعني انتي لازم تحركين نفسك هالوقت .. لازم تحسيسنه.. انك مهتمه فيه.. لكن لاتقولينها كذا..بس على طوول..واظن انك فاهمتني..> < والله مادري وش اقولك يامها.. بس الظاهر اني بقوله.. او اني بخليله اشياء توضح.. لاتنسين اخوي بعد..> < يالله عاد انتي وشطارتك ياندوو..> بحاول اسوي اللي اقدر عليه..>

بعد ســتــه ايــام.. ( الوقت : 2.30 فجرا..) والجميع جالسين يتابعون التلفزيون (ندى و هدى وعثمان ويزيد..) :

هــدى ...(اخت ندى الصغيره 9 سنوات) < ندى ندى ندى > < نــــعــم > < قومي جيبيلي مويا..> < قومي جيبي لنفسك .. وجيبيلنا معك..> شوفي ندى والله ان ماجبتيلي والله لاعلم عليــك..> ندى باستهزاء..< لاتكفييين لاتعلمين.. اقول روحي جيبي مويا..> يقاطعهم عثمان..< لا ياندى مهوب كذا تعاملين اختك الصغنوونه.. المفروض يوم قالتلك ابي مويا.. تنقزين وتجيبين لها المويا.. ولا ازين بعد تصيرين نشميه وتعصرين لها برتقال. هههههههه.. ولا لا يايزيد..> يزيد وهو مهوب داري وش السالفه ..< نعم نعم كلام صحيح.. عثمان مايقول الخطا ابد..> ندى..< لاواااالله.. كلكم اتفقتوو علي.. عنااد لكم منيب جايبه > عثمان..< مصدقه انتي بتجيبين.. ههههههه.. يالله قومي هدوو عن الكلام الفاضي وروحي جيبي..> يزيد..< وش مويته.. تصدقون احسبكم تتكلمون عن المسلسل.. ههههههه> عثماان..< اقوول هههههه.. بس اسكت > يزيد..< امممم مويه.. والله مش بطال..> هدى..<لا لا منيب جايبه ندى اللي بتجيب ولا بعلم عليها..> ندى < علمي بعدين جيبي مويه.. هههه..> هدى..< متاكده ياندى..؟> يزيد..< هدى قصده جواب نهائي..؟>

ندى..< هههه ايه نهائي..> هدى..< طيب اجل اسمعووووو.. انا ذاك اليوم دخلت غرفه ندوو.. ولقيت عندهاا دفتر اسوود على سريرها .. فتحته.. ولقيت ندى كاتبه عليه (احــبــك يــزيــد) وبعد فيه كلام كثير واشعار ومدري شلون..وقسمن وقسمن شفته بعيني هذي >


لحــــظــات صمــــت..


ندى .. انقلب وجههاا.. وماعرفت وش تقوول.. تلخبطت..

يزيــد .. فهم السالفه.. وعرف وش المقصــد..


عثمــان..< اقوول هدوو لايكثر بلا كلام بزران..روحي جيبي مويا..> يزيد..< انا جيبيلي عصـير الاناناس .. تلقينه بالثلاجه جايبين اليوم..> هدى..< طااايــب..>


ومــضــت السالفه على خــير.. ومحد انتبه .. تقريبا لان الكلام من الصغيره.. لكن يزيــد شك بالامــر لدرجه انه وصل لمرجله التصديق ان كلام هدى صحيــح لانه وضع في اعتباره جلوس ندى الدائم بغرفتها وحبها للكتابه.. وايضا حيائها الكــبير معه.. واسلوبها .. وكل شي.. وبعد اللي برهن له اكثر.. تغير وجه ندى بعدما قالت هدى الكلام .. وبالاخيـر تاكد بعد تفكير طويل ان ندى تحــبه


نـــدى من ناحيته.. كانت مستانسه مررررره.. لانه الدوور اللي كان مفروض تسويه.. واللي وصته مها عليــه ..قامت به هــدى.. واختــصـرت على ندى مشواار طوويــل.. لكنه حتى الان.. ماتدري وش راح يكون رد فعل يزيد للموضوع والامر هذا..


ومررت الاياام..وبــعــد ثــلاث اسابيـــع..:

ترررن ترررن .. ابو عثمان < عثمان شف من عند البـاب ..> < اها يمكن هذا يزيد..>

يـزيـد..< سااكم الله بالخــيــر..> ابو عثمان.. هلااا يزيــد.. استرح تعال > < هلابك خالي ابوعثمان.. شخباركم وش مسوويــن..> < والله بخير وبنعمه .. شلونك انت > < والله الحمدلله ماشين ..> عثمان..< هذا يزيد يايبه جاي يسلم علينا قبل لا يسافر..> ابوعثماان...< لا والله.. اجل اليوم سفرك يايزيد..> < ايوالله ياخال اليوم الساعه 11 بالليل..> < الله يوفقك انشالله.. وترجع بالسلامه > < امين يارب .. مادري خالتي فيه..؟ ودي اسلم عليه قبل لا اروح..> ..< اييه شفه من داخل بالصاله..>


وســلم على خالته.. وعلى ندى وعلى الصغيرره هــدى.. وودعـــهم واتجه لبيتهم ومن بعده للمطــار..وندى طبعا كانت زعلانه.. لانها ماتاكدت من ان يزيــد يحبها ولا لا .. ومحتاره هل تستمــر بحبه ولا لا.. وبااااخر شي.. قررت انها تحاول تنساااه..


وبــعد يومــين من سفر يزيــد..هدى وندى قاعدين لحالهم..:

هدى..< ندوو عندي شي لك..> ندى..< وشوو..؟> < اممم شي يمكن يعجبـك..> < طيب وشو..> < اصبري لحظه اجيبه..> < طااايب>

وبعد ماجابته.. اعطته نـدى..:

ندى..< هيييييييييييييي وشو هذاا..> هدى.. < هذا الورقه عطاني ايااها يزيد لك قبل مايسافر.. وقالي لاتعطينه ندى الا بعد ماسافر..>

نـــص رســـالة يـــزيـــد..:

اســافر عنـــك وتســافر معايا..

ترافــقــني في حــلي وارتحـــالي..

اغيـــب واتـرك العــالم ورايــا..

ولا احــــمل غــيــر طــيفك في خــيالي..

وجــوه النـاس فـي الغــربـه مرايــا..

تــصور صـورتــك دايـــم في بالــي..

وانــسى غربتــي وانسى عنايــا..

واحــس انــك معــي ماهـوب لحـالــي..

مــثل مالـك في هالدنيــا سـوايـا..

انا مــالي ســواك انســان غالـــي..

لانـــك اول واخر منــايــا..

واول حــب واخــر وتـــالـي..


هلا والله.. ندى.. وش اخبارك وش مســويه.. انشالله انك بخــير.. بس حبيت اودعك توديــع خاص بهالرساله.. وانا داري انها ماتكفي ولا توفي.. لكــن وش السواه هذا اللي امداني اسويـه.. على العمووم توصين شي..(لاياشييخ..هههههههه) بس حبيت اسلم عليك.. واقولك انك عزيزه وغاليه بالنسبه لي ياندى.. وبسسسسسسس ايه وصح.. ترا تكلمه الشعر بقولك اياه اذا رجعت..

* اخــوك يــزيــد..


وعلى طوول.. اول ماقرت نــدى الرسـاله اتجهت لغرفتها مباشره.. وقفلت على نفسها الباب.. وهي مهيب مصدقه .. وهي مهيب فاهمه شي بعــد.. وتقوول في نفسهاا.. يعني وشو هالرساله.. وش قصده فيـها.. ليش ماجاء وقالي اياها بنفسه.. ولا صح يمكن انه مايقدر.. طيب هل هالكلمات يعني انه يحبني..؟؟!! ولا بس مجرد توديــع بسيــط يجبر خاطري فيه.. بعد ماعرف اني احــبه..؟؟!! يوووه والله عجزت افهمك يايـزيد.. مرره تحبني .. ومرره ماتحبني.. طيب كان وضحت بالرساله يايزيد.. ليش ماقلت بدال اخوك يزيد .. محبك يزيد.. دام ان المساله مساله اخوه وبس.. ليش يرسلي انا لحالي.. كلنا جاء وودعناا.. قبل لايساافر..
يووووووووووووووووووه منه ..


وبعد تفكــير واسئله.. وعتب عاشق لعاشق غائب.. عجزت ندى انها تطلــع باي اجابه لاي سؤاال.. ولكنها.. تيقن من داخل نفسها انها ذات شان كــبيــر في قـلب معشوقها يــزيد..


وبعد ثلاث اسابيع..:

ام ندى..
< هلا ندوو.. وراك قاعده لحالك بغرفتك..> < يمه تدرين اني احب اقعد لحالي..> < ايه ادري وعارفه الشي هذا زيين.. بس انتي لك اسبوعين او اكثر وهي زايده جلساتك لحالك..> < لا والله مافيه شي عادي..> < اييييه طيب.. بس يالله قومي البسي..> <وييين..؟ لا منيب مشهيه اطلع> < يالله قومي بلادلع.. بنروح نمشي اختك هدوو ونوديها الملاهي.. يالله قومي بلادلع.. تراك من زماان ماطلعتي.. وانتي ماغير حاشره نفسك بغرفتك.. روحي اطلعي وشوفي العالم والناس..> < يماااه مابي اطلع..> < اقوووول يالله قومي بس..> < طاااايب>


وبـالمــلاهــي..:
< ندى..!!؟؟> < اهلين ايه انا ندى..> < اهليييييييين وسهلييييين.. هلا والله ندوو.. اخبارك وشلونك يالدوبا..> < والله بخير.. بس ماعرفتك من انتي..؟> < لاااا مالك حق.. صحيح اني متغــيره.. لكن ولو يحق لي اشره عليـك لانك ماعرفتيني> < لحظه لحظه..!!.. لفي راسك يمين..ولفيه يساار..!!.. يوووووه ياقدمــك..يووووه نويـّـر الخبله.. ماصدق..> < هههه هلا والله ندووو.. شخبارك وش مسويه..> < والله الحمدلله. ماشيين.. بشريني عنك انتي يالخبله..> < انا خبله..هههههه.. حرام عليك والله اني عاقله ودافوره بعد هههههه..> < هههه من ناحيه دافوره فانتي دافوره.. اخبرك بالمتوسط..ههههه.. بس دافوره خبله هههههه> < هههههههههه>

[امير الاتحاد]

واستــمرت السوالف بين ندى ونوره.. واعطت نوره رقمها لندى.. وبدت ترجع صداقه ندى ونوره اللي كانت ايام المتوسط.. المتوسط اللي كانو يشكلون فيها مع بعض ثنائي ولا اروع..

ومــع الايـام ومع التلفوونات.. بدت ترجع علاقه ندى ونووره لسابق عهدها.. وصارت ندى تطلع مع نووره.. ويعني باختصاار.. قدرت نوره انها تطلع ندى من جوها الكـئـيـب..

نوره..< الا على فكره> < هلاا> < تذكرين مها صديقتنا القديمه المغبره..> < هههههه مغبره.. ياحبنيلها مهاا..> < وش صار عليها هي.. ماصرتي تشوفينهاا..> < الا والله قبل امس متصله علي..> < يووه ياقدمهاا.. تكفين دقي عليها وواعديها بمكان.. خلينا نشوفها.. مشتاقتلها مووت..> < اووكي ولايهمك الحيين ادق عليها..>
...

<هااه وش قالت> < قالت اوكي.. بس مهيب تقدر تطلع.. بتجيني بالبيت.. وانتي بعد تجيني.. ونجتمع..> < افااا. ليش ماتقدر تطلع..> < والله.. تقدرين تقولين اهلها مشددين عليها..> < اووف.. اهلها شديدين.. وحابسينها.. منيب احب هالصنف>

وبعد يومين..اجتمعو البنااات الثلاث.. وسولفو وظحكو واستانسوو.. وكانت اكثر وحده ضحكت هي ندى.. لكن مها كانت اقلهم.. ويبدو انها مارتاحت لنوره صديقتها القديمه..

ندى..< الوو اهليين مهاتي.. وش اخبارك..؟> مها..< هلا والله بخــير وش اخبارك انتي..> < انا والله الحمدلله ازوقح..> < هههههه دوم يارب..ماشالله مستانسه هاليومين.. ياجعله دوم> < اوالله يالله لك الحمد.. والله هالخبله نوير هي السبب..> < من ناحيه خبله.. لا هين هي متعديه لوحه الخبال بميه كيلو هههههه> < ههههه بالله وش رايك فيها> < والله حبوبه.. بس تبين الصدق.. مادري ليش احس ان وراها شي كبير > < يووووه بلا وسوسه..> < على قولتك.. بلاوسوسه.. بس اني مارتحتله مادري ليش..>
وبــــعد شهـــرين من سفر يزيــد.. مازالت ندى متمسكه بحبه ووفائه ليزيد.. على امل ان يزيد اذا رجــع يكون يحبها.. ويصير اللي تتمنااه من زمــان.. ولكــن بيوم من الاياام..:

ندى..< من كنتي تكلمين يانويّر..> < اممممم خايفه اقولك تحقدين علي..> < لا وش دعوه مابيننا شي> < هذا بصراحه واحد اكلمه.. وهو يحبني وانا احــبه..> < كييييييف..؟؟!!> < هذا واحد مره اتعرفت عليه بالسوق.. شكله مررره كيوووت وحلوو.. ولاحقني واخذت الرقم منه..> < تتكلمين جد..!!> < ايوالله اتكلم جد.. واسمه بعد وليد..> < وليد..؟؟> < ايه وش فيييك.. حقدتي.؟> < طيب انتي راضيه انه يكلمك.؟> < اكييد راضيه لو انا منيب راضيه كان ماكلمته.. والله بعد انه حبووب ومملووح وخفيف دم.. اذا كلمته اعجز اسكر فمي من الضحك.. وان جيتي للغزل مافيه اشطر منه..يعيشك فوق الغيم بكلامه..> < يووه لهالدرجه..؟> < ايوالله واكــثر.. الا على فكره.. انتي ماتكلمين احــد؟> < لا والله ماكلم احد..بس ماخبي عنك انا احب ولد خالتي.> < اها تحبيين.. طيب هو يحبّك؟> < والله يانوره مادري هو يحبني ولا لا..حركاته معي تدل على انه عادي.. لكن نظراته وكلام عيونه شي ثاني..ااااه بس.. على العموم هو مسافر الحين..> < مسافر وييين؟> < رايح يدرس برا> < وبيطوول..؟؟> < ايه تقريبا باقيله خمس شهور ويرجع> < يووووه.. باقيله خمس شهور والله مشوار..> < اييه وش اسوي..> < عندك مثل يقولك.. اتسلى بام شوشه لين تجيك المنفوشه..هههههههه..> < ههههههههههه.. وش هالمثل اول مره اسمعه..> < اقصد يعني كلمي احد على بال مايرجع حبيبك من السفر..> < لاااا لايمكن مافي امل..> < والله عندي لك واحد.. يعرفه وليـد حبيبي .. هو يصير صديقه.. والولد مرررره مملووح.. حتى احلى من وليد.. تبين اشبكه لك..> < اقووول نوير خليك من هالكلام.. اعقلي بس.. >

ومـــرت الايـــام.. ومع الاياام.. وكثره كلام نوره عن حبيبها المزعووم.._(وليد)_ وكلامها عن خويه _(يوسف)_ قدرت تقنع ندى.. انها تكلم يوسف.. وقدرت تفرض عليها باسلوبها الماكر.. نظريه..(اتسلى بام شوشه لمين تجيك المنقوشه)..

نوره..< تراني عطيت يوسف رقمك.. ويمكن يتصل عليك اليوم..؟> ندى وهي متخوفه..<والله مادري هاللي اسويه صح ولا غلط..> < يابنت الحلاااال سلّي نفسك.. يعني مهوب ضارك ان كلمتيه اسبوعين.. والله تراه يهبّل يوسف..> < بشووف.. واذا ماعجبني منيب مكلمته.. وانتي قوليله هالشي بعد..> < قايلتله.. بس ميه بالميه راح يعجبك..>

وبالليــل وتقريبا الساعــه وحده.. وندى جالسه بغرفتهاا.. رن جوالهاا..:

ندى..< يووه وش ذا الرقم..يممه يخوف....الوووو> < الووو السلام عليكم..> < اهلين..من معي؟> < هلابك.. وش اخبارك..> < بخير بس من معي.؟> < انا امممم بصراحه.. يوسف > < هلابك يوسـف> <اهلين فيك> < امممم انا داري ياندى انك خايفه مني لانك ماتعرفيني.. بس انشالله مع الايام راح تعرفيني زين ومنتب نادمه ابد انك عرفتيني..> < انشالله..> < تدرين ياندى.. من كثر مامدحتك نويّر صرت بس ودي ادري من تكون هاللي تمدحها نويّر> < يووه.. وش قايلتلك بعد..> < وش ماقالتلي..؟ ههههههه.. يمكن لو بكتبها بدفتر ابو ستين كان امتلى الدفتر..> < ههههه والله انها فضيحه..>

ويــوم ورا يووم.. بدت تزيد مكالماات ندى على يوسف.. ندى من ناحيتهاا. اعجبت باسلووب يوسف الرقيق.. وبعد اعجبت باسلوبه بالكلام.. وخفه دمه.. ومن ناحيّه يوسـف.. انهبل بندى..ويقوول ماعمري شفت مثل برائتها وعفويتهاا.. وكان يقول عنهاا.. هذي البنت اللي كان يدوّر عليهاا..

وبعــد تقريبا الشهــرين من بدايه علاقه نـدى ويوســف.. طلب يوســف من ندى انها يشوفها.. ندى بالبدايه رفضت.. ولـكن مع الحاح يوسف عليها.. وتلميحاته لها.. وافقت.. خصوصا ان نوره بتروح معها.. على شان تشوف خويها وليــد..

ندى..< والله يانوير احس حركتنا مالها داعي..> < ههههه ليه.. انا ادري انك اذا شفتي يوسف.. بتتعلقين فيه اكثر..والله تراه يهبل..>

وبــعد ماشافت ندى يوسـف..:

نوره..< هااااه وش راااايك..؟> < يووووه مررره يهبّل..> < قايلتلك.. طيب وش رايك في وليـد..؟> < حلوو بعد.. كلهم حلووين بس يوسف احلى..ههههه..> < ههههه.. بدينا بالغيره,.هههههه..>

وازدادت.. طلعااات ندى ونوره لمقابله يوسف وولـــيـد..

وبعد مدّه..تعلق يوسف بندى.. بشكل رهيـــب.. واصبح صعب انه مايكلمها باليوم مرتـين..


ومرررررت الاسابيع وفي يوم من الايااام..

ترررن ترررن..

ندى..< الوو..> مــهــا..< اهلييين ندوو> < اهليييين مهااتي.. كيييفك..> < والله تمااام نحمدوو وانتي وش مسويه..> < والله انا عال العال..> < اسمك ندى ولا عال ههههههه ادري انكت..> < ههههههههههه.. انتي للحين ماتركتي ظرافتك.. هههههههه> < هههههه وش نسوي نحاول نتركها بس نعجز..شخبارك انتي اجل.. وشخبار اخر خواطرك ياشاعره الغفله..> < هههههه.. والله مادري وين دفتري الاسود..> <افاااا..!! ..معقوله اللي تكلمني ندى> < ههههه ليش مو معقوله.. > < تظحكين؟؟ وش صايرلك انتي..؟> <ابد والله ..بس صايره اطبق نظريه..(اتسلى بام شوشه لين تجيك المنقوشه)..> < وش هلنظريه..؟> < والله يعني باختصار صرت اكلم واحد..> < تكلمين واحد..؟؟ شلوون؟؟> < ابد والله خوي نوير اسمه يوسف..وطلب انه يكلمني ووافقت> < خوي نويّر.. والله اني قايله ان هالنوير وراها شي كبيييير..> < يابنت الحلال لاتكبرين الامور..> < وشلوون ماكبرها تكلمين واحد وتقولين لاتكبرينها.. الا بكبرها ونص..> < وش تبين انتي..؟؟> < ياندى.. ارجعي لعقلك..> < ليه وانا مسويه شي غلط..؟؟> < تكلمين واحد وتقولين مسويه شي غلط.. بذمتك ياندى.. ترضين يزيـد يكلم غيرك..؟> < يزيـــد!!> < ايه يزييد ولا نسيتيه بعد!!> < يزيييد..!!> < ايه وش فيك.. يزيد..> < مها اكلمك بعدين.. باااي>


وقفلت ندى التلفوون في وجه مهــا.. وركضت لغرفتها.. وقعدت لحالها.. مذهوله باللي قاعده تسويه.. وكيف انها قدرت تخون يزيد.. بتوقيع من نوره.. وبمباركه يوسف.. ندى كانت منبهره من نفسهاا.. كيف انها رضت تكلم غير يزيد.. وتقول في نفسها وشلون صار هالشي.. يعني انا اكلم غير يزيــد؟؟ اكلم غير اللي بنيت عليه احلامي.. طووول هالسنين.. لا ومين اكلم..؟ اكلم واحد ماعرفته الا من نوره اللي تعرفه من خويها اللي من مرقمهااا.. يعني السالفه خطا بخطا..؟؟؟؟

ندى..< الوو هلا نوره > < هلاابك ندوو > < اقول نوره.. بس حبيت اقولك كلمتين..> < امري عيوني> < حبيت اقولك لااعرفك ولاتعرفيني.. وهذا يوسف.. لاتخلينه يدق علي ابد..فاهمه؟؟> < ندى.!! وش فيك؟؟> < مافيني شي.. بس توني اعرف نفسي زين..واعرف اللي قاعده اسويه.. الله يلعنك يانوره خليتيني اسوي اكبر اخطائي بحياتي كلهاا..> < يؤيؤيؤيؤ..ندى وش فيك؟> < يالله يالله مع اسللامه بس .. ماتشرف اني اكلم اشكالك..>

وسكررت السمااعه ..

واخــيرا عادت رجعت ندى لعقلهاا.. وعرفت ان اللي تسويه غلط.. وقررت انها ماتعيدها ولا حتى تفكر تسوي هالخطأ الكبير.. بس بعد ايش؟؟

[امير الاتحاد]

وبــعد اســبــوع.. من رجوع ندى لحالتها الطبيعــيـه..:

هدى..< ندوو عندي شي لك..> ندى..< وشوو..؟> < اممم شي يمكن يعجبـك..> < طيب وشو..> < اصبري لحظه اجيبه..> < طااايب>

واعطت هدى..ورقــه..تشبه الى حد كــبير..تلك الورقه اللي اعطتها هدى لندى.. بعد سفر يزيــد للخارج..

ندى..!! انبهررت يوم شافت الورقه..!!.. ومسكت هدى بقووه.. وقالت لها :

< من متى هذي وهي عندك..> < والله بس من امس > < من اللي عطاك اياها؟؟!!> < اعطاني اياها يزيد..> < يزيد!!؟؟ وش يزيد؟؟> < يزيد ولدخالتي..ماعرفتيه؟> < هيييييييي متى هو جاي؟؟> < جاي قبل امس > < احلفيييييييييي؟؟؟> < والله العظيم..حتى جانا امس سلم علينا.. شوفي الورقه اتاكدي..>

نـــص رســـالة يـــزيـــد..:

سسسلام ندوو.. كيفك وش اخبارك وش مسويه.. انا يزيييد.. هذاك يزيد عرفتيه..هههههه .. قولي وهل يخفى القمر..هههههههه..(مشكله الواثق) ..
بس حبيت اسلم علييك .. واقولك اني مشتاقلك يالشينه..(لازم يخربها بالاخير) هههههههه..
اسلم عليك.. وحبيت اكملك الشعر.. كانك ذكرتيه..؟


حـــبــيبي عــدت لك شايــل وفــايا..

وشــوقـي وفــرحـتي ولـهفة سـؤالي..

هل انت اشتقتلي؟ .. وشاقك هوايــا؟؟

كــثر شوقــي لك بذيــك الليالــي..


وبسسسس.. وهذا انا من جديييد..

* الخواجه يزيــد.. ههههههه ..



انـــبهرت. ندى بالورقه.. وبدت يديها ترتجف.. وقلبها ينبض بشده.. وتقول في نفسهاا..يعني لهالدرجـه يزيد مانسااني..؟؟ لهالدرجه ذاكرني.. حتى الشعر اللي عطاني اياه قبل عشره اشهر متذكره.. وهذا هو كملي اياه؟؟!!..ياعمري يايزييييد.. والله اني ظالمتك.. ياحسافه الايام اللي راحت بس..

وبدأت تسترجع ذكرياتها مع يزييد.. وتسترجع ايامها.. وتتذكر سواليفهم اول.. وعرفت ماغلطت به بحق يزيــد.. وقررت انه تحاول بقدر الامكان انه تعوضه عن خطاها.. بشكل هو مايدري فيه..


وبـــعد يومـــيـن..:
عثمـان..< دررب دررب وصل الخواجه يزيــد> ام عثمان..< ياحياااكم.> يزيـد..< هلا والله خالتي..> <هلابك يزيييد.. شلونك كيف شفت اجواء المملكه..> < ههههه والله بخـير.. وكانك تبين الجد ياخاله.. مهنا ازين من السعوديه.. والله الغربه شيـنه..انتم اللي شخباركم وش مسوين> < ابد على حطـه يدك هههه..> < اشوى يعني بخــير..> <ههههه.. ايوالله ولله الحمد>

بالوقــت هذا وهم يسولفون.. نزلت نـدى.. وسلمت على يزيـد.. مع ابتسامه حلووه.. ونظره خاطفه..

واســتمرت السوالف بين يزيــد وخالته وندى وعثماان.. استمرت.. مع نظرات جانبيه مابين يزيـد وندى.. نظرات صافيه مبطنه بالمحـبه لايشوبها الا التوتر البادي على وجوههم..



ورجـــعت اياام نــدى.. وزادت محــبه يزيد في داخلهاا.. ويزيــد من ناحيــته بدأ يقــرب.. اكثر واكثــر.. ومــع مرور الايــام اظــهر كل طرف محــبه للاخر.. عن طريــق المـراسله _(هـدى)_ التي اصبحت المتحدث الرسمي للعشاق في قصــه يزيـد & نــدوو..

لكن وفي يوم من الاياااام.. انقطعت رسائل يزيــد.. واصبحت.. هي نــدى وحدها التي ترســل.. ترسل ولكنها لاتستــلم جواب من يزيد.. حينها وحينها فقط.. بدت تشـك ندى بيزيــد.. وتقول في نفســه.. هل انه لقى غيري..؟ ولا انه يمكن مل من هاللعبه..؟ طيــب ليش يمـل ؟؟ هل انا مقصره بشي معه؟؟ او ماعطيــه حقــه..؟؟ والله اني معطته حقه وزياده..؟ شكلي.. والله بصارحه وجه لوجه..

وبــعد ايـام.. والجميــع جالسين بالصاله..( عثمان , يزيد , ندى ..والمراسله هـدى) :

عثماان..< اقوول عن اذنكم.. بوصل مكان قريب.. بطني رايح ملح..ههههههههه..> يزيد..< ههههههههههه.. الله يرجك ياشيخ.. مكان قريب اجل..لاتتاخر عنديلك سالفه مهمه بالحيل>

وراح عثمــان.. وعلى طول اول ماختفى من ناظر الجالسين.. نطقت نـدى..

< يــزيـد..> < هلا..!!> < ودي اصارحـك بشي..> < عارف وش بتقولين والله ياندى..> < وش بقوول> < بتقولين ليش انقطعت عني ..صح؟> < ايييه صح .. ليه؟> < خليني ساكت ازيــن ياندى.. ماله داعي اتكلم..> < الا اتكلم..انا ابي اسمــع> يزيــد بقهر كبير يقول.. < متاكده ياندووش..؟> ندى والارتباك ظاهر على وجهها..< ندووش.!!> < ايييه ندووش.. مهوب هذا هو الاسم اللي كانو يدلعونك فيه بغيابي..> < مافهمت..!! وضــح؟؟> < وش اكثر من هالكلمه..وضوح.؟؟> < تكفى اتكلم بدوون الغااز..> <انا انصدمت. ومابيك تنصدمين مثلي..> < لا قوول عادي..> < لا والله ياندى مهوب عادي اللي حصلي..> < وش حاصلك طيب..؟؟> < قالي ولـيد كل السالفه ياندى..> < ولـــــيــد..!!!!!!> < ايـه وليد.. ولا ماتعرفينه.. خوي يوسـف>

بهذي اللحــظه.. انهارت نــدى.. ولكنه لا يمكن ان يكون مثل انهيار يزيد عندما علم بخيانته...

نــدى..وبكامل الاسى < انت وش عرفك بوليــد> يزيـد وهو صاد وجهه عن ندى..< ولــيد اعرفه من ايام الثانوي.. كان يدرس معي.. وليته مادرس معي.. كرهته وكرهتك معه.. وليــد.. زي منتي عارفه.. يصير خوي يوســف > نـدى.. وهي مصدومه وعيونها تخونهاا..< بس بس انا يايزيـد ندمانه على كل اللي فات..وماراح اكرره ابد..> يزيـد.. وهو يتفجر من الغيض..< وش بيفدني انا النــدم.. وش بيفدك انتي الندم..؟ بعد كل للي سويته. تقولين لي انا ندمانه.. خلي ندمك ينفعك..> نــدى ارادت تتكلم لكن دموعها سبقتهاا.. وقالت.. < يزيد يزيد.. انا عارفه خطاي الكبير.. ووالله الشيطان لعبي..>

يـــزيــد.. وهو يحاول خنق عبرته..التي لم تظهر طوال حياته غير اليـوم..
< نــدى.. والله كنت ناوي اخطبـك.. بس لما انصدمت.. بهالخبر.. بقولك كلمتيــن ثنتين مهيب اكثـر> < لا لاتقوول.> < الا بقوووول... انتي بطــريق وانا بطــريق..> < يزيييييد لا..> < ومنيب نادم على شي اكثر من وفاي اللي حفظته لك طول مانا مسافر.. على العمووم.. الله يوفقك مع ولد الحلال اللي بياخذك..> < بس انا مابي غــيرك.,> < لو كلامك هذا صدق كان ماسويتي اللي سويتيه.. انتي بطريق وانا بطريــق ومع السلامــه.. >
وطلـــع يزيــد.. من امام ناظري ندى.. وهي تجرع مراره خطاها.. التي لم تكن او لم تتصور ان سيخلف هذه العاقبــه.. لكن زي ماقالو.. ( لكل شي لابـد نهايـه..) ويبدو ان هالنهايه.. لم تكن تتمناها نــدى..

واتـــــم بعــيد.. وتتــــم بعــيد..
واتــــم مثل الحزن.. انــطر سحــابه عـــيد..
وهـــــم والله وهــــم.. كل المــواعــيد وهــم..

كذبــت العيـــون.. والمــوعه وهـــم..
الـــم .. كل سا عــه وكل لحظــه الــــم..

ويـــن عيون حبتني.. ومنتني.. وقالتلي... نعم..؟؟؟؟

تلاشت.. فرحتـــي,.. وتاهـــت خطــوتي..وحلم كبيـــر.. في لحظــه انــهدم..



tHe EnD
..



* (( ســؤال..)) *
مــن المــتســبب بهــذه الـــنــهــايــه...!!؟؟؟

1- يزيــد:
لم يوضح مشاعره تجاه نـدى.. ولم يعطها الوقت الكافي.. لتشرح وضعهــا,.؟؟؟


2-ولــــيــد..:
هو صـديق يوسـف.. وهو الذي اقنع نوره.. بانها تقنع نــدى بانها تكلم يوســف؟؟


3- يـــوســـف..:
هو من اخذ مكان يزيــد بكلامه.. مستغلا شكله الخارجي.. وبراءه نــدى..؟؟؟


4- نــــوره..او نويّــر..:
هي من اقنعــت نــدى.. بانها تكلم يوســف.. (( وتجربه)) واذا ماعجبها تخليه..؟؟


5-(( نـــدى ))..:
هي من لم تحافظ على قلبها.. ولم تصون عفته.. وادخلت شريك ثاني ليـزيــد وخانته في غيابه..؟؟

مــن المــتســبب بهــذه الـــنــهــايــه...!!؟؟؟


وبالنهايـــه.. اهدي هذه القصــه المتواضعــه.. الى كل بنت او كل رجــل.. يطبق او يشجــع..نظريــه..

((اتسلى بام شوشه لين تجيك المنفوشه..))




تقبلو تحيات اخوكم امير الحب....

واشكر اخي العزيز اللذي قام بمساعدتي في بعض النقاط ...

وهذه هيا محاولاتي الثانيه واتمنى انها تنال على اعجابكم .....

عبدالرحمن المرشد ( امير الحب )

[~*¤§¤زيزو¤§¤*~]

وش القصة دي


مرة طالع مرة نازل000



ياخوك القصة ماهي كاااملة



ومقطع في مشاهدها حلقات كثيرة 000


وخاصة الي في الملاهي 000




ياخي زبط القصة اللة يصلحك وانا اخووووووك

[الفـــــارس]

امير الحب

والله قصه حلوه

وانا عشت كلماتها

بس في الاخير جاني احبااااااااااط من جد

يعني البنت تابت وعقلت ورجعت لعقلها يجي هو وياكفاها بالطريقه هذي

يعني هذا جزاه المحسن اذا حسنت توبته

صراحه ادري انه هذي تصير بس في نظري والله حرام

ما ادري توافقوني الراي

مع تحيات

الفارس

[العمدة الإجباري]

أمير الحب،،، يا زينك كاتب،،، زي ما إنت شاعر.

كمحاولة ثانية،،، أشوف إنك قفزت إلى مصاف الكتاب الغير محترفين.
هناك بعض التقنيات في الكتابة،،، وخصوصا إذا كان هناك حوار داخل القصة،،، وهي على طريقة كتابة السيناريو،،، أي أن تفرد سطراً منفرداً لكل جملة حوارية.

كما أنك أسهبت في مواقع،،، وأختصرت في مواقع أخرى،،، كما ذكر العزيز (زيزو) في رده. وأعتقد أن هناك مبالغة في إظهار خفة دم أبطال القصة،،، الأمر الذي أثر على الجو الدرامي والرومانسي للقصة.

لكن بكل التقدير أشكرك على هذه القصة الرائعة،،، رغم أني أكره التفاهة التي يعيشها بعض الناس في إقامة علاقات غير شرعية مع الطرف الآخر،،، والإنغماس في أوهام الحب على حساب مستقبلهم وحياتهم،،، إلا ان هذا هو الواقع الأليم الذي نعيشه،،، كنتيجة لسؤء التربية،،، وإنعدام الوازع الديني،،، وإنعدام روح السيادة لدى الأجيال.
وهذا هو ردي على سؤالك عن المتسبب.

أكرر شكري وتقديري وإحترامي لك ولشقيقك.

وأسعد الله حياتك

[امير الاتحاد]

اخواني الاعزاء ....

مدري وش اقولكم لكن وعد مني ان شاء الله القصه الجايه راح تكون

ما تبون ..

بس لا تنسون اني ثاني محاوله لي ....

[أروى]

[shdw]مرحباا[/shdw]



تهبل تهبل تهبل

انا عني عجبتني مررررررة


واحس ان الغلطااانة ندى <<<<< ونوير معاها رأس البلا ... قهرتني




ان شاء الله نشوووف كتابتك اكتر واكتر



[gl]سلاام[/gl]

[nada]

محاوله موفقه يا امير الحب ..... تسلم عليها ....

و الصراحه ندى غلطانه بأنها تكلم شخص ثاني غير اللي تحبه حب صادق و هو يبادلها نفس المشاعر ...

و اكيد هو انصدم و معاه حق يزعل منها ... بس في الأخير لازم يسامحها ... أنها لحقت نفسها قبل مايكبر غلطها اكثر و اكثر ......


و سلااااااامتكم .......... :)