وش تبون...
والله ناس فاضيه ماعندها شغل
والله انا لقيت نفسي فاضي قلت لنفسي وش اسوي .. فريت على هالمواضيع وشفت موضوع لريانة العود تقول اللي يدخل يلقى نفسه مشغول .. قلت لنفسي ياولد وش ناقصك انت .. ريانه هذي مهيب احسن منك ولاهي نازله من السما .. ليه ماتنزل موضوع يغطي على موضوعها .. فما لقيت عنوان غير هالعنوان (( ماعليكم مني اخربط))..
ياجماعه ليه الواحد مننا يحس انه فاضي؟؟ (( محد فاضي والله غيرك)) يعني تخيلو لو حنا مشغولين وش راح يكون شعورنا؟؟ انا عن نفسي اتمنى انشغل بيوم من الايام كذا مرات يجيني شعور غريب ودي اذبح نفسي من الفراغ ....يعني الواحد مننا ((الفاضي طبعا مثلي)) مايدري ليش يقوم من النوم .. اذكر مره رحت انام وقمت من النوم فقلت لنفسي وش قومني؟؟ من هالاشغال اللي عندي ولا هالمصالح المتعطله لانمت؟؟ فرجعت نمت وهكذا لمدة شهر. تصدقون اني مرات من الفراغ امسك خط تبوك رايح جاي كذا ماعندي شغل .. ويوم ضاقت بي الوسيعه ووصلت لمرحل’ الهستيريا من الفراغ قلت لنفسي (( ياحبه للكلام عن نفسه)) ياولد ليش ماتسوي مثل مالاوادم يسوون (( وش يسوون)) مثلا ليش ماروح للسوق .. يمكن القالي شغله انشغل فيها .. فلبست ثوبي (( اكيد الواحد يلبس ثوبه اجل يروح للسوق سلط ملط؟؟)) وطلعت من البيت متجه للسوق .. دخلت السوق الا ذيك الزحمه ..وقمت اتمشي لين وصلت قدام محل عطورات الا ذيك البنت اللي انبهرت منها ممشوقة القوام ((وشفيني قلبت سيبويه)) والمشيه ياويل تسبدي انا صرت مثل الخبل اللي مايعرف الخمسه من الطمسه .. قربت منها شيئا فشيئا(( ردينا لتقليد الادباء)) قلت لو سمحتي يام الشباب (( بدو)) عطينا وجه ..فجأه التفتت علي قالت تكلمني؟؟
قلت اجل اكلم امي؟؟ قامت تضحك .. طبعا البنت متغطيه وماشوف منها الا ذيك العيون والرموش اللي توقف عليها الصخله مثل سلامو عليكم((اوووه اسف هذي رموشي انا وشبلاي قمت الخبط)) المهم قالت اذا عندك جوال دق علي وهذا رقمي واعطتني الرقم وانا متنح.....
رحت للبيت (( ماقلتلكم بدوي على باله مايصير يدق الا وهو بالبيت)) ودقيت عليها ردت وتعرفنا على بعض ومكالمات يوميا (( ابشركم صرت مشغول)) وبيوم من الايام قلت لها شوفي يابنت الناس انا هالحال مايعجبني .. من ذاك اليوم وانا ودي اشوف وجهك وملامحك .. قالت ابشر ماطلبت شي....تواعدنا بمكان مريتها وركبت معي يوم كشفت وجهها انا تذكرت صديقي برغش على طول مادري ليش .. قلت يابو الشباب تعرف واحد اسمه برغش؟؟؟ قامت تضحك؟؟؟... صراحه تفاجأت بالوجه اللي شفته شييييينه لابعد الحدود ... انا الحين مااقدر اصرفها فقلت لنفسي خل نتسلى منها نقزر وقت ومنها نتعرف على الثقافات الاخرى .....على فكره اسمها شروق بس انا ادلعها عبد الرزاق ...وبيوم من الايام كنت امشي لحالي لين شفت بنتن مقفيه كنها زول رفيقتي .. ناديتها ياشروق ..شروووق .. ماترد .ولاتلفت علي شروووق ...استفزتني وجيتها ركض ومسكتها من كتوفها ((طبعا كانت مقفيه)) ويوم التفتت علي الا ذاك الباكستاني طول وعرض ماشالله عليه قلت له اسف صديق كنت احسبك وحده اعرفها قال سنو هزا قرقر مافي كويس روه روه (( روه وجهك يالباكستاني))((ليه ماقلتها قدامه ولا جاي تهايط عندنا)) الا اقولها ولاهمني باكستاني ولا صيني((والله ياهو متعافي وان عطاك بقس ليخليك صف اقلام باركر ويحرج عليك)) المهم (( اي مهم اي بطيخ انت وسالفتك.. اخلص)) رحت لشروق قلت شوفي يابو الشباب تراي ماني فاضيلك (( ايه هين)) ياانك تفكيني من شرك وتذلفين ياانك تعرفيني على وحده زينه ..على طاري زينه هذا اسم مدرسه درستني بالروضه ((بس انا مادخلت الروضه...اووووه وشفيني قمت اقط خيط وخيط الواحد يجيب البلاوي لنفسه)) وراحت شروق (( والله اني فاضي)) وليومك هذا وانا فاضي ...فانصحكم يالفاضين ياللي ماعندكم اشغال ..لاتدورون الشغل ترانا عايشين بنعمه وش تسوى عليك لاطحت بوحده مثل عبدالرزاق عفوا شروق (لا موعفوا الا عبد الرزاق ونص ) واخاف بس تطيح بجاسم (جاسم هذي اخت شروق) وتبتلش .. مار خلك على فضاوتك ازينلك....وسلام
والله ماعندي شغل ...شرايكم تخلوني اكتب لين ربك يحلها...هلحين انا لاخلصت الموضوع قولولي وش اسوي؟؟؟
اخوكم
[mover]شمــــــــــــــــــــــــــــــــس الشمـــــــــــــــــــــــــــــــــــال[/mover]
العرض الشجري
